នាវាពិឃាតបា.ញ់មីស៊ីលនៅសមុទ្រ
ផ្នែកសារព័ត៌មានរបស់កងនាវាចរណ៍សមុទ្រខាងជើងប្រកាសនាថ្ងៃទី១៦ កញ្ញា ថា
ប្រទេសរុស្ស៊ី ៖ កងនាវាចរណ៍សមុទ្រខាងជើងរុស្ស៊ីកំពុងធ្វើសមយុទ្ធនៅសមុទ្របារ៉ែន ហើយបណ្តានាវាបាញ់មីស៊ីលនឹងធ្វើការបាញ់គ្រាប់ពិតនាពេលខាងមុខនេះ ។
ផ្នែកសារព័ត៌មានរបស់កងនាវាចរណ៍សមុទ្រខាងជើងប្រកាសនាថ្ងៃទី១៦ កញ្ញា ថា កងនាវាចម្បាំងនៃកងនាវាចរណ៍សមុទ្រខាងជើងដឹកនាំដោយនាវាពិឃាតនុយក្លេអ៊ែរ PETR VELIKI បានធ្វើត្រាប់វាយប្រហារប្រឆាំងនាវាសត្រូវជាច្រើនពេលធ្វើសមយុទ្ធនៅសមុទ្របារ៉ែន ។
ផ្នែកសារព័ត៌មាននេះគូសបញ្ជាក់ថា នាវាជួយទ្រទ្រង់ជាច្រើនគ្រឿង ព្រមទាំងនាវាសណ្តោងជួយសង្គ្រោះ SB-523 NIKOLAI TCHIKER និងនាវាដឹកជញ្ជូន MANYTCH បានដើរតួជានាវាសត្រូវ ។ យន្តហោះប្រយុទ្ធប្រឆាំងនាវាមុជទឹកធុន ILIOUCHINE IL-38 ហោះហើរពីលើតំបន់កំណត់មួយ ដើម្បីសម្របសម្រួលសម្រាប់ការវាយប្រហារ ។ បណ្តានាវាបានបាញ់មីស៊ីល ហើយនាវាមុជទឹកនុយក្លេអ៊ែរមួយគ្រឿង បានបាញ់បណ្តាគ្រាប់បែកបុក ដើម្បីកម្ទេចបណ្តាគោលដៅ ។ បណ្តានាវាចម្បាំងពេលនេះបានបាញ់មីស៊ីលត្រង់ទៅលើត្រួតពិនិត្យដោយរ៉ាដា ។ ការបាញ់គ្រាប់មីស៊ីលប្រឆាំងនាវាពិតនឹងធ្វើនាប៉ុន្មានថ្ងៃខាងមុខនេះនៅសមុទ្របារ៉ែន ៕
ចែករំលែកព័តមាននេះ