តើយើងគួរចាប់ផ្តើមវិនិយោគលើអចលនទ្រព្យប្រភេទណា ?
សម្រាប់អ្នកវិនិយោគទាំងឡាយដែលចង់ចាប់ផ្តើមវិនិយោគក្នុងអចលនទ្រព្យ អ្នកខ្លះក៏មិនដឹងថា
សម្រាប់អ្នកវិនិយោគទាំងឡាយដែលចង់ចាប់ផ្តើមវិនិយោគក្នុងអចលនទ្រព្យ អ្នកខ្លះក៏មិនដឹងថា
សម្រាប់អ្នកវិនិយោគទាំងឡាយដែលចង់ចាប់ផ្តើមវិនិយោគក្នុងអចលនទ្រព្យ អ្នកខ្លះក៏មិនដឹងថា នឹងចាប់ផ្តើមពីត្រង់ណាមុន ព្រោះការវិនិយោគអចលនទ្រព្យមានច្រើនរូបភាព និងច្រើនប្រភេទឲ្យជ្រើសរើស មុនការវិនិយោគក្នុងផ្នែកដទៃ ។
លោកអ្នកដែលគិតចង់ចាប់ផ្តើមវិនិយោគផ្នែកនេះ គួរសិក្សាពីមូលដ្ឋានគ្រឹះនៃអចលនទ្រព្យថា មានរូបរាងបែបណា ? ប្រភេទណា ? ព្រោះវាមិនងាយស្រួលដូចការគិតទេ ។ ថ្ងៃនេះ យើងនឹងណែនាំត្រួសៗថា មុននឹងវិនិយោគ តើយើងត្រូវសង្កេតអ្វីជាគោល និងវិភាគមើលថា ចុងក្រោយ គួរជ្រើសរើសអ្វីដើម្បីឲ្យសមស្របជាមួយយើងខ្លាំងបំផុត ។
១-វិនិយោគអចលនទ្រព្យក្នុងក្រុង និងជាយក្រុង ៖
ជាចំណុចដែលបានជជែកគ្នាយ៉ាងច្រើនជាមួយទីតាំងរបស់អចលនទ្រព្យថា តើគួរជ្រើសរើសក្នុងក្រុង ឬជាយក្រុងល្អ ? ពិតណាស់ថា បើត្រូវការប្រើប្រាស់ផលតបស្នងល្អ និងទទួលបានប្រាក់ចំណេញច្រើនបំផុត គឺត្រូវតែជាទីតាំងរីកចម្រើនក្នុងក្រុង ប៉ុន្តែប្រធានបទសំខាន់គឺ «តម្លៃ» របស់អចលនទ្រព្យក្នុងក្រុងនោះខ្ពស់ រហូតដល់មនុស្សខ្លះទិញមិនបាន។ បើចេញមកជុំវិញក្រុងបន្តិចវិញ យើងនឹងទទួលបានតម្លៃធូរថ្លៃជាង ប៉ុន្តែទាំងនេះចង់ឲ្យផ្អែកលើមូលដ្ឋាននៃ «និន្នាការនាពេលអនាគត» ថា ទីតាំងជាយក្រុងមានសក្តានុពលខ្លាំងតិចប៉ុនណា ។
២-វិនិយោគលំនៅឋាន និងខុនដូ ៖
រឿងមួយទៀតដែលជាបញ្ហាមិនដឹងថា នឹងជ្រើសរើសវិនិយោគអ្វីល្អរវាងផ្ទះ និងខុនដូ ? ការវិនិយោគទាំង២នេះ គឺមានចំណុចល្អ និងមិនល្អខុសៗគ្នា ។
ការវិនិយោគខុនដូ គឺពេញនិយមសម្រាប់មនុស្សសម័យថ្មី ដោយការរចនាស្រស់ស្អាត ងាយស្រួលធ្វើដំណើរ មានឲ្យជ្រើសរើសច្រើន ដែលយើងតែងឃើញអតិថិជនដង្ហែគ្នាកក់ខុនដូតម្លៃថោកៗទុកកេងចំណេញ ។ ប៉ុន្តែអ្វីដែលគួរឲ្យខ្លាចសម្រាប់ខុនដូ គឺការផ្គត់ផ្គង់លើសលប់ (Over supply) បានមកងាយ ។ យើងឃើញថា ទីតាំងខ្លះ ខុនដូរីកដុះដាលដូចផ្សិត ខុនដូខ្លះលក់ដាច់ និងខ្លះទៀតលក់មិនដាច់ ប៉ុន្តែចំណុចល្អរបស់ខុនដូ គឺងាយស្រួលថែទាំ តម្លៃជារួម និងតម្លៃមិនខ្ពស់ដូចលំនៅឋាន ។
ចំណែកគុណសម្បត្តិលំនៅឋានវិញ ដូចជា Townhouse គឺគូប្រជែងតិច ទីតាំងមួយចំនួនស្ទើរតែគ្មានការប្រកាសជួល ។ ចំណែកគុណវិបត្តិ វិញ គឺតម្លៃខ្ពស់ ពិបាករកទិញ ពិបាកថែទាំ ព្រោះមានកន្លែងត្រូវថែទាំច្រើន ។
៣-វិនិយោគអចលនទ្រព្យថ្មី និងចាស់ ៖
ក្រៅពីការជ្រើសរើសទីតាំងហើយនោះ ប្រភេទអចលនទ្រព្យនៅត្រូវមកសម្រេចចិត្តទៀតថា នឹងទិញអចលនទ្រព្យថ្មី ឬចាស់ល្អ0x017d7 បើទិញក្នុងគម្រោងថ្មី យើងនឹងទទួលបានគ្រប់យ៉ាងជារបស់ថ្មី សម្ភារម៉ាកថ្មី ជាលំនៅឋានម៉ូដថ្មី ប៉ុន្តែហានិភ័យ គឺអាចនឹងជួបបញ្ហាផ្ទះសាងសង់មិនទាន់រួចរាល់តាមកំណត់ ធ្វើឲ្យយើងត្រូវបង់រំលស់ប្រាក់ជារឿយៗ ។ បើក្រឡេកមើលមុំនឹងការវិនិយោគវិញ គឺស្មើនឹងយើងមានតែការចំណាយ ដោយនៅមិនទាន់ទទួលបានប្រាក់មកវិញ ឬថ្លៃឈ្នួលចូលមកឡើយ ព្រោះត្រូវរង់ចាំគម្រោងនោះសាងសង់រួចជាមុនសិន ។
បើអ្នកទិញគម្រោងទី២ (ចាស់) ដែលមានតម្លៃថោកជាង សាងសង់រួចរាល់ ព្រមទាំងអាចជួលបានភ្លាមៗ បានឃើញអចលនទ្រព្យពិត ធ្វើឲ្យយើងអាចមើលពីសភាពពិតប្រាកដ និងសម្រេចចិត្តបាន ។ ប៉ុន្តែគុណវិបត្តិ គឺសភាពវាអាចចាស់ ឆ្លងកាត់ការរស់នៅរួចមកហើយ ដែលត្រង់នេះត្រូវស្ថិតនៅលើការសម្រេចចិត្តរបស់អ្នកវិនិយោគថា តើចូលចិត្តបែបណាខ្លាំងជាង ។
ការរៀបរាប់មកទាំងអស់ គឺគ្រាន់តែជាមូលដ្ឋានគ្រឹះក្នុងការជ្រើសរើសវិនិយោគអចលនទ្រព្យប៉ុណ្ណោះ ប៉ុន្តែនៅមានចំណុចលម្អិតជាច្រើនទៀតដែលត្រូវសិក្សាឲ្យបានស៊ីជម្រៅ ។ ទោះជាយ៉ាងណា យើងគួរជ្រើសរើសវិនិយោគនូវអ្វីដែលខ្លួនស្ទាត់ខ្លាំងបំផុត ដូចជា អ្នកខ្លះមានផ្ទះនៅជាយក្រុង តែងដឹងព័ត៌មានលម្អិតនៃតំបន់ជាយក្រុង គឺពួកគេមានប្រៀបជាងអ្នកដែលមិនធ្លាប់រស់នៅក្នុងទីតាំងនេះ ហើយធ្វើឲ្យពួកគេវិនិយោគបានល្អ និងមានហានិភ័យតិច ៕
ចែករំលែកព័តមាននេះ