សម្តេចនាយករដ្ឋមន្ត្រីបង្ហាញវត្តមានជូនដំណើរបងប្អូនដែលកំពុងវិលទៅស្រុកកំណើត
រាជធានីភ្នំពេញ ៖ ប្រមុខដឹកនាំរាជរដ្ឋាភិបាលកម្ពុជា នៅព្រឹកថ្ងៃអាទិត្យ ទី១៧ ខែកញ្ញា បានបង្ហាញវត្តមាននៅមុខ
រាជធានីភ្នំពេញ ៖ ប្រមុខដឹកនាំរាជរដ្ឋាភិបាលកម្ពុជា នៅព្រឹកថ្ងៃអាទិត្យ ទី១៧ ខែកញ្ញា បានបង្ហាញវត្តមាននៅមុខ
រាជធានីភ្នំពេញ ៖ ប្រមុខដឹកនាំរាជរដ្ឋាភិបាលកម្ពុជា នៅព្រឹកថ្ងៃអាទិត្យ ទី១៧ ខែកញ្ញា បានបង្ហាញវត្តមាននៅមុខគេហដ្ឋានជិតវិមានឯករាជ្យ ដើម្បីជូនពរការធ្វើដំណើររបស់បងប្អូនប្រជាជនកម្ពុជាដែលកំពុងវិលត្រឡប់ទៅជួបជុំញាតិមិត្តនៅស្រុកកំណើតឲ្យប្រកបដោយសុវត្ថិភាព ។
សម្តេចតេជោ ហ៊ុន សែន បានបង្ហោះរូបថតមួយសន្លឹកនៅលើទំព័រហ្វេសប៊ុក ក្នុងសម្លៀកបំពាក់អាវពណ៌ផ្ទៃមេឃ ដៃខ្លី ជាមួយខោពណ៌ខ្មៅ ឈរនៅមុខគេហដ្ឋានរបស់សម្តេច ដោយលើដៃ «បាយបាយ» ជូនអ្នកធ្វើដំណើរឲ្យជួបក្តីសុខ និងរីករាយនឹងសន្តិភាពដែលកំពុងមានក្នុងដៃ ។
សម្តេចក៏បានរំលេចនូវសារមួយឃ្លាថា៖ «ថ្ងៃនេះគឺបិណ្ឌទី១២ ហើយ នៅសល់តែ៣ថ្ងៃទៀតពិធីបុណ្យភ្ជុំបិណ្ឌធំនឹងមកដល់ ។ ដោយសារប្រទេសជាតិយើងមានសន្តិភាព ទើបយើងមានឱកាសអាចប្រារព្ធពិធីបុណ្យសាសនានានាបាន ។ សូមបងប្អូនធ្វើដំណើរទៅជួបជុំក្រុមគ្រួសារនៅតាមខេត្តនានាមានសុខសុវត្តិភាពតាមផ្លូវ ហើយសូមបើកបរគោរពច្បាប់ចរាចរណ៍ និងមានការយោគយល់អធ្យាស្រ័យខ្ពស់ទាំងអស់គ្នា។ ដោយសារពេលនេះមានបងប្អូនធ្វើដំណើរកាន់តែច្រើនឡើងទៅតាមខេត្តនានា សូមកុំបើកបរលឿនលើសល្បឿន ឬវ៉ាប្រជែងនៅលើផ្លូវតូចចង្អៀត និងនៅតាមទីប្រជុំជននានាដែលមានអ្នកធ្វើដំណើរច្រើន និងមានមនុស្សឆ្លងកាត់ច្រើន» ។
សម្តេចនាយករដ្ឋមន្ត្រីក៏បានជូនពរបងប្អូនជនរួមជាតិទាំងក្នុង និងក្រៅប្រទេសជួបតែសេចក្តីសុខ និងសំណាងល្អនៅក្នុងឱកាសបុណ្យភ្ជុំបិណ្ឌគ្រប់ៗគ្នា៕
ចែករំលែកព័តមាននេះ