ហ៊ានអត់! បើឱ្យដើរលើផ្លូវចុះភ្នំដ៏ចោតបែបនេះ…
ភ្ញៀវទេសចរដ៏ក្លាហានថតវីដេអូខ្លួនឯងចុះជណ្តើរដ៏គ្រោះថ្នាក់លើផ្លូវដើរភ្នំ ដែលត្រូវបានចាត់ទុកថា
ភ្ញៀវទេសចរដ៏ក្លាហានថតវីដេអូខ្លួនឯងចុះជណ្តើរដ៏គ្រោះថ្នាក់លើផ្លូវដើរភ្នំក្នុងប៉ែកពាយព្យនៃប្រទេសចិន ដែលត្រូវបានចាត់ទុកថា នៅក្នុងចំណោមផ្លូវដែលមានគ្រោះថ្នាក់ជាងគេលើពិភពលោក។
វីដេអូនោះបានបង្ហាញពីទេសភាពដ៏ស្រស់ស្អាត និងពីអ្នកហ៊ានប្រថុយជីវិតចុះភ្នំ Hua ឬ Huashan ដែលមានកម្ពស់ប្រមាណ២គីឡូម៉ែត។ ភ្នំនេះមានទីតាំងជិតក្រុង Huayin ក្នុងខេត្ត Shaanxi និងនៅក្នុងចំណោមភ្នំដែលជាទីសក្ការៈខ្លាំងជាងគេក្នុងប្រទេសចិន។ វាមានកម្ពស់ប្រមាណ២.១៥គីឡូម៉ែត និងល្បីពីការដើរសសៀរភ្នំលើក្តារឈើតូចមួយ។
វីដេអូមួយដែលបានបង្ហោះលើ Facebook របស់ People’s Daily បានបង្ហាញពីអ្នកឡើងភ្នំដើរចុះកាំជណ្តើរដែលមានទ្រង់ទ្រាយដូចជិតនឹងបញ្ឈរទាំងស្រុងទៅហើយ។ ប៉ុន្តែក្នុងកំឡុងពេលចុះនោះ អ្នកអាចមើលឃើញភ្នំដ៏ស្រស់ស្អាត។ វីដេអូនេះបានបញ្ចប់ពេលដែលអ្នកឡើងភ្នំទាំងនោះចុះមកដល់កន្លែងរាបស្មើមួយ ដែលអាចជាកន្លែងចាប់ផ្តើមការដើរសសៀរភ្នំលើក្តាបន្ទះឈើតូចមួយ។
ផ្លូវនេះមានអាយុកាល ៧០០ឆ្នាំមកហើយ និងត្រូវបានចាត់ទុកថា នៅក្នុងចំណោមផ្លូវដើរដ៏គ្រោះថ្នាក់ជាងគេក្នុងពិភពលោក។ អ្នកឡើងភ្នំត្រូវដើរលើក្តាបន្តះឈើដែលមានទទឹង ០.៣ម៉ែត ជាមួយនឹងខ្សែក្រវ៉ាត់សុវត្ថិភាព។
មិនទាន់មានការរាយការណ៍ជាផ្លូវការទាក់ទិននឹងការបាត់បង់ជីវិត ប៉ុន្តែបើយោងទៅតាមរបាយការណ៍ផ្សេងទៀត អ្នកដែលបានធ្លាក់ចុះពីលើផ្លូវដើរនេះ និងបាត់បង់ជីវិត គឺស្មើប្រមាណ១០០នាក់ទៅហើយ៕
ចែករំលែកព័តមាននេះ