ចាំមើលអ្នកណាឡូយជាង! គេបណ្តើរឆ្កែ លោកយាយបណ្តើរអណ្តើក
តាមប្រភពព័ត៌មាន Shanghaiist បានឲ្យដឹងថា
តាមប្រភពព័ត៌មាន Shanghaiist បានឲ្យដឹងថា
ចិន៖ តាមប្រភពព័ត៌មាន Shanghaiist បានឲ្យដឹងថា លោកយាយម្នាក់រស់នៅក្រុង Changchun នៃខេត្ត Jilin ប្រទេសចិន តែងតែបណ្តើរសត្វអណ្តើកទម្ងន់យក្ស៥០គីឡូក្រាម ដើរលេងជារៀងរាល់ថ្ងៃ ដែលធ្វើឲ្យលោកយាយខុសពីអ្នកផងដែលបណ្តើរឆ្កែដើរលេង។
កាលពីដប់ឆ្នាំមុន លោកយាយ Hao Yulin បានធ្វើដំណើរទៅខេត្ត Yunnan ហើយទិញបានកូនអណ្តើកមួយប៉ុនបាតដៃរបស់លោកយាយ ក្នុងតម្លៃ៩០០យន់ចិន។ លោកយាយបានដាក់ឈ្មោះវាថា «ស៊ូស៊ូ»។
អស់រយៈពេលដប់ឆ្នាំមកនេះ ស៊ូស៊ូ បានកើតទម្ងន់រហូតដល់ទៅ៥០គីឡូក្រាម ខណៈពេលដែលលោកយាយជាម្ចាស់មានវ័យ៨៣ឆ្នាំទៅហើយ។ ជារៀងរាល់ថ្ងៃ លោកយាយឲ្យផ្លែក្រូចបួនផ្លែ ផ្លែប៉ោមមួយ ស៊ុតមួយគ្រាប់ និងនំប៉័ងមួយចំណិត ធ្វើជាអាហាររបស់វាប្រចាំថ្ងៃ។
នៅពេលមានថ្ងៃរះ លោកយាយយកវាទៅហាលថ្ងៃដើរលេង។ អ្នកជិតខាងដាក់ឈ្មោះហៅក្រៅរបស់លោកយាយថា៖ «លោកយាយអណ្តើក»៕
ចែករំលែកព័តមាននេះ