កងទ័ពរុស្ស៊ីបង្ហាញសាច់ដុំនៅមាត់ទ្វារ
ប្រទេសរុស្ស៊ី ៖ ប្រទេសរុស្ស៊ីកាលពីថ្ងៃទី១៤ កញ្ញា បាន
ប្រទេសរុស្ស៊ី ៖ ប្រទេសរុស្ស៊ីកាលពីថ្ងៃទី១៤ កញ្ញា បាន
ប្រទេសរុស្ស៊ី ៖ ប្រទេសរុស្ស៊ីកាលពីថ្ងៃទី១៤ កញ្ញា បានបើកធ្វើនាមាត់ទ្វារសហភាពអឺរ៉ុបនូវសមយុទ្ធយោធារួមជាមួយបេឡារុសយ៉ាងធំមួយ ដោយអះអាងថា សមយុទ្ធនេះមានទិសដៅការពារសុទ្ធសាធ ក៏ប៉ុន្តែត្រូវបានប្រទេសជាសមាជិកអូតង់មួយចំនួនបរិហារថាជាការបង្ហាញកម្លាំងមួយ ។
យោងតាមក្រុងមូស្គូថា សមយុទ្ធយោធាធំនេះមានឈ្មោះថា «ZAPAD-2017» ចូលរួមដោយទាហានជិត១២.៧០០នាក់ ហើយមានរយៈពេលមួយសប្តាហ៍នៅតាមបណ្តោយព្រំដែនជាមួយលីទុយអានី និងប៉ូឡូញ ។
ក្នុងសេចក្តីប្រកាសមួយពីការចាប់ផ្តើមសមយុទ្ធនេះនាថ្ងៃទី១៤ កញ្ញា ក្រសួងការពារប្រទេសរុស្ស៊ីគូសបញ្ជាក់ថា សមយុទ្ធមានលក្ខណៈការពារសុទ្ធសាធ ហើយពុំមែនមានធ្វើសំដៅលើប្រទេសណាមួយជាពិសេសឡើយ ។
កងទ័ពរុស្ស៊ីតែងរៀបចំធ្វើរៀងរាល់ឆ្នាំ នូវសមយុទ្ធទ្រង់ទ្រាយធំទាំងឡាយក្នុងតំបន់ផ្សេងៗរបស់ប្រទេស ។ ឆ្នាំនេះសមយុទ្ធធ្វើនៅប្រទេសបេឡារុសនៅកាលីនីនហ្គ្រាដ និងក្នុងតំបន់ជាច្រើននាភាគពាយ័ព្យរុស្ស៊ី ។
សមយុទ្ធយោធាដែលធ្វើនៅជិតប្រទេសប៉ូឡូញ និងបណ្តាប្រទេសនៅតំបន់បាល់ទិកចាប់តាំងពីការបញ្ចូលតំបន់គ្រីមេទៅក្នុងរុស្ស៊ីកាលពីឆ្នាំ២០១៤ និងការផ្ទុះជម្លោះនៅភាគខាងកើតអ៊ុយក្រែនត្រូវបានប្រទេសទាំងនេះបរិហាររុស្ស៊ីថា គំរាមកំហែងដល់អធិបតេយ្យភាពរបស់ពួកគេ ។
អគ្គលេខាធិការអូតង់ លោក JENS STOLTEBERG អះអាងថា សមយុទ្ធ នេះពុំមែនជាការគំរាមកំហែងភ្លាមៗចំពោះសម្ព័ន្ធមិត្តឡើយ តែលោកសម្តែងការសោកស្តាយចំពោះការខ្វះតម្លាភាព ។
ចំណែកអ្នកជំនាញការយោធាឯករាជ្យម្នាក់ លោក ALEXANDRE GOLTS អះអាងប្រាប់ AFP ថា រុស្ស៊ីអាចបន្លំតួលេខហេតុនេះបានជាពុំត្រូវការពួកអ្នកសង្កេតការណ៍បរទេស ។ ទាហាន១២.៧០០នាក់ ដែលប្រកាសថា ចូលរួមក្នុងសមយុទ្ធនេះគឺគួរឱ្យអស់សំណើច ។ តួលេខពិតប្រាកដអាចមានទាហានចូលរួមដល់១០០.០០០នាក់ឯណោះ ៕
ចែករំលែកព័តមាននេះ