ព្រោះតែលេងបិទពួន ក្មេងប្រុសម្នាក់ជាប់ក្នុងម៉ាស៊ីន
តាមប្រភពព័ត៌មាន Metro បានឲ្យដឹងថា
តាមប្រភពព័ត៌មាន Metro បានឲ្យដឹងថា
អ៊ុយក្រែន៖ តាមប្រភពព័ត៌មាន Metro បានឲ្យដឹងថា ក្មេងប្រុសអាយុ៧ឆ្នាំម្នាក់ បានជាប់ខ្លួននៅក្នុងម៉ាស៊ីនបោកខោអាវ ខណៈពេលកំពុងលេងបិទពួនជាមួយនឹងបងស្រី។
ហេតុការណ៍នេះកើតឡើងនៅទីក្រុង Kharkov ប្រទេសអ៊ុយក្រែន។ ក្មេងប្រុសដែលមិនត្រូវបានគេបញ្ចេញឈ្មោះ កំពុងលេងបិទពួនជាមួយនឹងបងស្រីជាធម្មតានៅក្នុងផ្ទះ។ ដោយសារតែក្មេងនេះ គិតថា ក្នុងម៉ាស៊ីនបោកខោអាវជាកន្លែងដ៏ប្រសើរសម្រាប់ការពួនមិនឲ្យគេដឹង វាក៏បានទៅពួននៅក្នុងនោះ។ ដល់ពេលវាត្រូវចេញទៅវិញមិនកើត វាក៏បានស្រែកឲ្យគេជួយ។
មនុស្សគ្រប់គ្នាក្នុងផ្ទះបាននាំគ្នាមកជួយយកវាចេញ តែយកមិនបាន។ ពួកគេក៏សម្រេចចិត្តទូរស័ព្ទហៅក្នុងសង្គ្រោះបន្ទាន់ឲ្យមកជួយ។ មន្ត្រីជួយសង្គ្រោះ៤នាក់បានមកដល់ផ្ទះ ហើយក៏ប្រើប្រាស់ប្រេងឆាមកជះលើខ្លួនក្មេងនោះឲ្យរលោង ដើម្បីងាយស្រួលយកចេញ។ ពិតជាសំណាងណាស់ ដែលពួកគេអាចយកក្មេងអាយុ៧ឆ្នាំនេះ ចេញពីម៉ាស៊ីនបោកខោអាវបានសម្រេច។
នេះអាចនឹងទៅជាអាក្រក់ ប្រសិនបើក្មេងនោះមិនបានស្រែកហៅឲ្យគេជួយ ឬ ប្រសិនបើក្រុមអ្នកជួយសង្គ្រោះមកយឺតពេល ឬ ប្រសិនក្មេងនោះនៅម្នាក់ឯង។ ការប្រុងប្រយ័ត្នគឺជាកត្តាសំខាន់៕
ចែករំលែកព័តមាននេះ