ភ្ញាក់ផ្អើលយ៉ាងខ្លាំងពេលឃើញសត្វក្តាន់ដែលផុតពូជកាលពីជាង10ឆ្នាំមុន
ខេត្តក្រចេះ ៖ អង្គការ WWF ប្រចាំនៅខេត្តក្រចេះបានបង្ហាញទិន្នន័យគួរឱ្យភ្ញាក់ផ្អើលមួយចំពោះសត្វក្តាន់ដែលជាប្រភេទសត្វព្រៃសន្និដ្ឋានថា
ខេត្តក្រចេះ ៖ អង្គការ WWF ប្រចាំនៅខេត្តក្រចេះបានបង្ហាញទិន្នន័យគួរឱ្យភ្ញាក់ផ្អើលមួយចំពោះសត្វក្តាន់ដែលជាប្រភេទសត្វព្រៃសន្និដ្ឋានថា
ខេត្តក្រចេះ ៖ អង្គការ WWF ប្រចាំនៅខេត្តក្រចេះបានបង្ហាញទិន្នន័យគួរឱ្យភ្ញាក់ផ្អើលមួយចំពោះសត្វក្តាន់ដែលជាប្រភេទសត្វព្រៃសន្និដ្ឋានថាផុតពូជទៅហើយកាលពីអំឡុងពេលជាង១០ឆ្នាំមុននោះ គឺប្រទះឃើញវាមានជីវិតរស់នៅចាប់ពី២០ទៅ៣០ក្បាល ។
ពពួកសត្វក្តាន់ទាំងនោះមានទិន្នន័យកើនឡើង និងកំពុងតែរស់នៅក្នុងព្រៃនៅតំបន់អភិរក្ស ខាងក្រោយស្រុកព្រែកប្រសព្វពីបុគ្គលិករបស់អង្គការ WWF ដែលមានមុខងារលើគម្រោងអភិរក្សលើជីវចម្រុះ និងអភិរក្សសត្វ គឺធ្វើឡើងបន្ទាប់ពីមានពពួកសត្វក្តាន់ជាច្រើនត្រូវបានថតជាប់ដោយកាមេរ៉ាស្វ័យប្រវត្តិ ។
អនុប្រធានគម្រោងជីវចម្រុះ និងអភិរក្សសត្វព្រៃលោកសុខ គោ ឱ្យដឹងនៅថ្ងៃទី១៤ កញ្ញា ២០១៧ថា តាមទិន្នន័យដែលទទួលបានពីការធ្វើបច្ចេកទេសជំនាញគឺបានបង្ហាញថា សត្វ ក្តាន់មានចំនួនចាប់ពី២០ទៅ៣០ក្បាល កំពុងតែរស់នៅក្នុងព្រៃខាងក្រោយឃុំជ្រោយបន្ទាយ និងឃុំវឌ្ឍនៈ ស្រុកព្រែកប្រសព្វ ។
សត្វក្តាន់ទាំងនោះថតជាប់ដោយកាមេរ៉ា ស្វ័យប្រវត្តិដែលដាក់បង្កប់នៅតាមដើមឈើក៏ដូចជាការរកឃើញដាន ជើងរបស់ពួកវានៅក្នុងតំបន់ព្រៃអភិរក្ស និងនៅតាមមាត់អូរទាំងពីរកន្លែងនោះ និងការប្រទះឃើញផ្ទាល់របស់អ្នកស្រុក ។
កន្លងមកនៅខេត្តក្រចេះសត្វក្តាន់រស់នៅតាមព្រៃចំនួន២កន្លែង គឺព្រៃខាងក្រោយស្រុកឆ្លូង និងព្រៃខាងក្រោយស្រុកព្រែកប្រសព្វ ។ ដោយទិន្នន័យក្រោយឆ្នាំ២០០៥ គឺមានសត្វក្តាន់ចាប់ពី៥០ទៅ៨០ក្បាល រស់នៅតាមព្រៃតំបន់ទាំងពីរនោះ ។ រហូតក្រោយឆ្នាំ២០០៨ ស្ថានភាពព្រៃសត្វក្តាន់នៅក្រោយស្រុកឆ្លូង ត្រូវរងការកាប់ទន្ទ្រានខ្លាំង ចំណែកឯព្រៃក្តាន់នៅក្រោយស្រុកព្រែកប្រសព្វក៏ដូចគ្នាដែរ ធ្វើឱ្យពពួកសត្វព្រៃទាំងនេះត្រូវវិនាស ដោយខ្លះត្រូវបន្លាស់ទី និងខ្លះទៀតត្រូវបាញ់សម្លាប់ និងជាប់អន្ទាក់ ទើបធ្វើឲ្យពពួកសត្វទាំងនេះត្រូវបាត់ទិន្នន័យដោយគេកំណត់ថា អាចនឹងផុតពូជ ។
ក្រោយមកបន្ទាប់ពីមានការស្រាវជ្រាវ បានរកឃើញថា ពពួកសត្វក្តាន់ទាំងនេះមាននៅសេសស់លតិចតួចនៅតាមព្រៃខាងក្រោយស្រុកព្រែកប្រសព្វ ។ អាជ្ញាធរបានចាប់ផ្តើមអភិរក្សរួមគ្នាលើព្រៃក្តានរស់់នៅក្នុងតំបន់ខាងក្រោយស្រុកព្រែកប្រសព្វ រហូតមកទល់បច្ចុប្បន្ន បង្ហាញថា ទិន្នន័យសត្វក្តាន់អាចមានចាប់ពី២០ទៅ៣០ក្បាល ។ កន្លងមកការអភិរក្សត្រូវបានការយកចិត្តទុកដាក់ជាខ្លាំងពីមន្ត្រីជំនាញដោយមានអភិបាលរងខេត្ត លោកខណ្ឌ ចំណាន ជាប្រធាន ។
ការអភិរក្សធ្វើឡើងដោយរឹតបន្តឹងការអនុវត្តច្បាប់ព្រៃឈើ និងបង្កើនការល្បាតដើម្បីទប់ស្កាត់មិនឲ្យមានការកាប់ទន្ទ្រានដីព្រៃ ទប់ស្កាត់ការលួចបរបាញ់ និងដាកអន្ទាក់ ជាដើម ។ មិនតែប៉ុណ្ណោះបំផុសចលនាឲ្យពលរដ្ឋនិងសិស្សចូលរូម ស្រឡាញ់ និងអភិរក្សសត្វព្រៃទាំងអស់គ្នា ។
ការអភិរក្សជួបបញ្ហាប្រឈមមួយចំនួន ខណៈពលរដ្ឋ និងសហគមន៍នៅតំបន់នោះនៅតែមិនទាន់យកចិត្តទុកដាក់ចូលរូមអភិរក្ស ដោយការលួចកាប់ទន្ទ្រានដីព្រៃ ការលួចធ្វើអាជីវកម្មពីអនុផលព្រៃឈើ ដូចជាការដុតឡធ្យូង និងការលួចបបាញ់នៅតែមានតិចតួច ៕
ចែករំលែកព័តមាននេះ