គង់ សំបូរ-សរ រាជសីហ៍ ត្រៀមកណ្ដាប់ដៃស្វាគមន៍កីឡាករថៃថ្ងៃនេះ
រាជធានីភ្នំពេញ ៖ នៅលើសង្វៀនទូរទស្សន៍MyTVថ្ងៃសុក្រ ទី១៥ កញ្ញា នេះ ការប្រកួតប្រដាល់ជាលក្ខណៈមិត្តភាពអន្តរជាតិនឹងបើក
រាជធានីភ្នំពេញ ៖ នៅលើសង្វៀនទូរទស្សន៍MyTVថ្ងៃសុក្រ ទី១៥ កញ្ញា នេះ ការប្រកួតប្រដាល់ជាលក្ខណៈមិត្តភាពអន្តរជាតិនឹងបើក
រាជធានីភ្នំពេញ ៖ នៅលើសង្វៀនទូរទស្សន៍MyTVថ្ងៃសុក្រ ទី១៥ កញ្ញា នេះ ការប្រកួតប្រដាល់ជាលក្ខណៈមិត្តភាពអន្តរជាតិនឹងបើករេញឱ្យកីឡាករ គង់ សំបូរ មកពីសមាគមកីឡាប្រដាល់ក្រសួងការពារជាតិប្រកួតជាមួយកីឡាករថៃឈ្មោះឈោគណាំឆៃ តភីតតាក់វ៉ាន់ក្នុងប្រភេទទម្ងន់៦៣,៥គីឡូក្រាម និងកីឡាករ សរ រាជសីហ៍ មកពីក្លិបមោងឬស្សីមរតកគុនខ្មែរ ប្រកួតជាមួយកីឡាករថៃឈ្មោះវ៉ាន់ឆៃឡេកណារីរ៉ាត់មួយថៃ ក្នុងប្រភេទទម្ងន់៦៣គីឡូក្រាម។
ឈោគណាំឆៃ តភីតតាក់វ៉ាន់ ធ្លាប់មកប្រកួតនៅស្រុកខ្មែរជាច្រើនលើករួចមកហើយគ្រាន់តែមិនធ្លាប់ប្រកួតជាមួយកីឡាករគង់ សំបូរប៉ុណ្ណោះ ។ កីឡាករថៃរូបនេះធ្លាប់ឡើងសង្វៀនប្រកួតបានរហូតដល់ទៅ៨៦ដង ឈ្នះ៦៥ដងចាញ់១៨ដង ស្មើ៣ដង និងធ្លាប់ផ្ដួលគូប្រកួតឱ្យសន្លប់បាន២ដងក្នុងពេលកីឡាករគង់ សំបូរធ្លាប់ប្រកួតបានត្រឹមតែ៥៧ដងប៉ុណ្ណោះ ឈ្នះ៤៤ដង ចាញ់១១ដង ស្មើ២ដង និងធ្លាប់ផ្ដួលគូប្រកួតឱ្យសន្លប់បាន១៤ដង ។ ទោះបីយ៉ាងណា គង់ សំបូរដែលជាអ្នកប្រដាល់ជើងខ្លាំងមួយរូបធ្លាប់មានបទពិសោធន៍ប្រកួតយូរឆ្នាំមកហើយនោះប្រហែលជាមិនអីទេទោះបីកីឡាករថៃរូបនេះមានប្រវត្តិប្រកួតច្រើនជាងក្ដី ។
ចំណែកវ៉ាន់ឆៃឡេក ណារីរ៉ាត់មួយថៃវិញក៏ខ្លាំងមិនធម្មតាដែរ គេធ្លាប់ឡើងសង្វៀនប្រកួតបានរហូតដល់ទៅ៩០ដង ឈ្នះ៦៥ដងចាញ់២០ដង ស្មើ៥ដង និងធ្លាប់ផ្ដួលគូប្រកួតឱ្យសន្លប់បាន១៨ដង ក្នុងពេល សរ រាជសីហ៍ធ្លាប់ប្រកួតបានត្រឹមតែ៧៣ដង ឈ្នះ៥៥ដងចាញ់១៧ដង ស្មើ១ដង និងផ្ដួលគូប្រកួតឱ្យសន្លប់បាន១៣ដង ។ សរ រាជសីហ៍ បើទោះជាបទពិសោធន៍ប្រកួតតិចជាងកីឡាករថៃមែនតែ គេជាអ្នកប្រដាល់មួយរូបដែលមានថ្វីដៃប្រកួតល្អគួរសម ។ ផ្លែកែងនិងជង្គង់របស់គេអាចប្រើការបានយ៉ាងស្ទាត់ជំនាញ គ្រាន់តែចលនានៃការវាយចេញរាងយឺតយ៉ាវបន្តិចប៉ុណ្ណោះ។ ចាំមើលគូនេះនរណានឹងក្លាយជាអធិរាជនៅលើសង្វៀននៅនាទីចុងក្រោយ?
រីឯគូប្រកួតមិត្តភាពធម្មតារវាងកីឡាករកម្ពុជានិងកម្ពុជាវិញ កីឡាករ ធន់ មករា មកពីសមាគមកីឡាប្រដាល់ក្រសួងការពារជាតិ ប្រកួតជាមួយកីឡាករ ខេម ចាន់ មកពីក្លិបទ័ពពិសេសឆត្រយោង៩១១ និងគូបើកឆាកចុងក្រោយកីឡាករ ហូ សុភា មកពីក្លិបឃ្លាំងមឿងកីឡា ខេត្តពោធិ៍សាត់ ប្រកួតជាមួយកីឡាករ រិទ្ធ អាដាំ មកពីក្លិបស្វាយរលំ៕
ចែករំលែកព័តមាននេះ