កម្ពុជាកំពុងឈានទៅកាត់បន្ថយបញ្ហាក្នុងវិស័យម្រេច
រាជធានីភ្នំពេញ ៖ កម្ពុជាបាននិងកំពុងឈានទៅកាត់បន្ថយបញ្ហាប្រឈមក្នុងវិស័យម្រេច តាមរយៈការរៀបចំផែនការ និង
រាជធានីភ្នំពេញ ៖ កម្ពុជាបាននិងកំពុងឈានទៅកាត់បន្ថយបញ្ហាប្រឈមក្នុងវិស័យម្រេច តាមរយៈការរៀបចំផែនការ និង
រាជធានីភ្នំពេញ ៖ កម្ពុជាបាននិងកំពុងឈានទៅកាត់បន្ថយបញ្ហាប្រឈមក្នុងវិស័យម្រេច តាមរយៈការរៀបចំផែនការ និងការចងក្រងនូវគំរូសៀវភៅបន្ទុក (បច្ចេកទេសដាំដុះម្រេច) ខណៈវិស័យមួយនេះកំពុងរងផលប៉ះពាល់ ដែលមិនអាចឱ្យកសិកររកប្រាក់ចំណេញបាន និងបារម្ភចំពោះទីផ្សារថែមទៀត ។
ក្នុងកិច្ចប្រជុំរៀបចំគំរូសៀវភៅបន្ទុក (បច្ចេកទេសដាំដុះម្រេច) កាលពីថ្ងៃទី១៤ កញ្ញា នៅទីស្តីការក្រសួងពាណិជ្ជកម្ម លោក លី ពុទ្ធី កសិករដាំម្រេចនៅខេត្តត្បូងឃ្មុំ បានឱ្យដឹងថា ៖« តម្លៃម្រេចនៅឆ្នាំនេះធ្លាក់ចុះខ្លាំង ដែលធ្វើឱ្យយើងព្រួយបារម្ភខ្លាំង ។ នៅពេលអនាគត បើយើងមានច្រកចេញបានតិច យើងនឹងបរាជ័យ ប៉ុន្តែនៅពេលយើងធ្វើសៀវភៅបន្ទុក ឬបច្ចេកទេសដាំម្រេចបានល្អនោះ ផលិតផលដែលផលិត វាត្រូវនឹងតម្រូវការទីផ្សារហើយសង្ឃឹមថា តម្លៃម្រេចអាចនឹងបានថ្លៃ » ។
បើតាមកសិករដាំម្រេចនៅខេត្តមណ្ឌលគិរី លោក ផាន់ វុឌ្ឍទ្ធី បានឱ្យដឹងដែរថា បើទីផ្សារម្រេចនៅតែរបៀបដូចសព្វថ្ងៃនេះ សម្រាប់កសិករលក់ម្រេច គឺចំណេញតិច ។
អីចឹង ដំណាំនេះអាចនឹងថយចុះទៅវិញ កាលណាកសិករទទួលបានចំណេញតិច ជាហេតុធ្វើឲ្យពួកគាត់មិនអាចពង្រីកការដាំដុះបន្ថែម ព្រោះតម្រូវការនៅលើទីផ្សារហាក់ដូចជាមានដែនកំណត់ ។
កសិកររូបនេះបន្តថា ៖« ការរៀបចំឱ្យមាននូវសៀវភៅបន្ទុកម្រេច គឺបានជួយពង្រឹងបច្ចេកទេស បង្ហាញផ្លូវអ្នកថ្មី ឬអ្នកបានអនុវត្តហើយ ឱ្យអនុវត្តបានត្រឹមត្រូវទៅតាមតម្រូវការទីផ្សារអន្តរជាតិ ។ ខ្ញុំសង្ឃឹមថា នៅពេលយើងរៀបចំបានស្តង់ដា កសិករយល់ដឹងពីការដាំដុះនោះ តម្លៃម្រេចអាចនឹងទទួលយកបាន » ។
ទីប្រឹក្សាក្រសួងពាណិជ្ជកម្ម និងជាអ្នករៀបចំចងក្រងសៀវភៅបន្ទុកម្រេចកម្ពុជា បានឱ្យដឹងថា ការរៀបចំសៀវភៅនេះ ដើម្បីអាចកាត់បន្ថយបញ្ហាប្រឈមក្នុងវិស័យម្រេចនាពេលខាងមុខ ហើយកសិករត្រូវតែចូលរួមអនុវត្តតាមសៀវភៅដែលក្រសួង ក៏ដូចជាដៃគូពាក់ព័ន្ធចងក្រងឡើង ដែលយ៉ាងយូរត្រឹមឆ្នាំ២០១៩ ឬ២០២០នឹងចាប់ផ្តើមឃើញលទ្ធផល ។
លោក វ៉ា រុតសាន មានប្រសាសន៍ថា ក្នុងចន្លោះពេលដាក់ឱ្យអនុវត្តសៀវភៅបន្ទុកនេះ នៅគ្រាបន្ទាប់ ស្ថាប័នពាក់ព័ន្ធនឹងជំរុញឱ្យនៅតាមមូលដ្ឋានបង្កើតជាសមាគម ឬសហគមន៍ម្រេច ហើយនឹងយកសៀវភៅនេះទៅជូនកសិករ ដែលចង់អនុវត្តតាមការដាំដុះបែបសរីរាង្គនេះ ។
លោកបន្តថា ៖« យើងនឹងចាប់ផ្តើមកាត់បន្ថយបញ្ហានានាសម្រាប់ផលិតករដាំម្រេចជាបណ្តើរៗ ប៉ុន្តែបើយើងរៀបចំផែនការហើយ កសិករមិនព្រមធ្វើតាម ក៏មិនអាចទៅរួចដែរ ហើយបើកសិករយល់ថា ការរៀបចំនេះអាចជួយឱ្យផលិតផលលក់បានថ្លៃនោះ ពួកគេនឹងចូលរួម ។ បញ្ហានេះនៅឆ្នាំ២០១៩ ឬ២០២០ ទើបចាប់ផ្តើមមើលឃើញលទ្ធផលដូចម្រេចកំពតអីចឹង » ។
លោកបញ្ជាក់ថា ៖« ខ្ញុំជឿថា នៅឆ្នាំ២០១៩ ឬ២០២០ ច្បាស់ណាស់ថា ម្រេចសមូហភាពដែលផលិតតាមបែបអនុវត្តកសិកម្មល្អ ឬម្រេចសរីរាង្គនេះ តម្លៃនឹងល្អជាងពេលមុនៗ ហើយអតិថិជនក៏ចាប់អារម្មណ៍ផងដែរ ។ ការរៀបចំនេះជាការដោះទ័ល និងធ្វើឱ្យតម្លៃម្រេចមាននិរន្តរភាព ខណៈផលិតផលម្រេចនៅលើពិភពលោកកំពុងលើសតម្រូវការ តែយើងត្រូវចេះបំលែងទៅជាម្រេចពិសេស ដែលគេទុកចិត្ត និងមានគុណភាពល្អ នោះម្រេចកម្ពុជានឹងរក្សាបានតម្លៃប្រសើរ » ៕
ចែករំលែកព័តមាននេះ