លោកស៊ី ជីងពីង ជាប់ជាប្រធានាធិបតីចិន១អាណត្តិថ្មីទៀត
ប្រទេសចិន ៖ លោកស៊ី ជីនពីង នាថ្ងៃទី១០ មីនា បានទទួលអាណត្តិទី៣ ជាប្រធានាធិបតីចិនបន្ត
ប្រទេសចិន ៖ លោកស៊ី ជីនពីង នាថ្ងៃទី១០ មីនា បានទទួលអាណត្តិទី៣ ជាប្រធានាធិបតីចិនបន្ត
ប្រទេសចិន ៖ លោកស៊ី ជីនពីង នាថ្ងៃទី១០ មីនា បានទទួលអាណត្តិទី៣ ជាប្រធានាធិបតីចិនបន្តទៀត ក្រោយការបោះឆ្នោតជាផ្លូវការរបស់សភា ដែលលោកក្លាយជាមេដឹកនាំចិនដែលខ្លាំងជាងគេបំផុត ពុំធ្លាប់មានចាប់តាំងពីច្រើនជំនាន់មកហើយ ។
លទ្ធផលនៃការបោះឆ្នោតរបស់សភានេះ ប្រកាសនាវេលាម៉ោង១១ម៉ោងក្នុងស្រុក លោកស៊ី ជីនពីង ទទួលការគាំទ្រជាឯកច្ឆ័ន្ទ ក្នុងសំឡេង២៩៥២នៃសមាជិកសភាដែលមានវត្តមាន ដោយគ្មានសំឡេងប្រឆាំងនិងគ្មានសំឡេងអនុប្បវាទ ។
មេដឹកនាំអាយុ៦៩ឆ្នាំរូបនេះកាលពីខែតុលា បានទទួលរួចហើយការពន្យារអាណត្តិ៥ឆ្នាំទៀត ជា
អគ្គលេខាបក្សកុំមុយនីស្តចិន និងប្រធានគណៈកម្មាធិការយោធា ដែលជាតំណែងដឹកនាំសំខាន់
បំផុត ។ ជាបេក្ខជនម្នាក់ឯងគត់គ្មានបេក្ខជនប្រជែង លោកស៊ី ជីនពីង ត្រូវបានទទួលការអនុ
ម័តរបស់សភា បន្តអាណត្តិប្រធានាធិបតីរយៈពេល៥ឆ្នាំទៀត ។
កាលពីប៉ុន្មានខែមុននេះលោកស៊ី ជីនពីង ជួបប្រទះរឿងស្មុគ្រស្មាញខ្លះ ដូចជាបាតុកម្មធំៗកាល
ពីដំណាច់ខៃវិច្ឆិកា ប្រឆាំងនយោបាយសូន្យកូវីដរបស់លោក និងរលកនៃចំនួនអ្នកស្លាប់ច្រើន
ក្រោយការលុបចោលនយោបាយនោះ កាលពីខែធ្នូ ។ ប៉ុន្តែរឿងរសើបនានាត្រូវបានឆ្លងផុត ក្នុងសម័យប្រជុំប្រចាំឆ្នាំរបស់សភាជាតិចិន ដោយលោក LI QIANG សម្ព័ន្ធមិត្តលោកស៊ី ជីនពីង បានក្លាយជានាយករដ្ឋមន្ត្រីថ្មីចិនជំនួសលោក LI KEQIANG ។
រយៈពេលប៉ុន្មានថ្ងៃចុងក្រោយនេះក្នុងសម័យប្រជុំប្រចាំឆ្នាំរបស់ខ្លួន សភាចិនបានផ្ដោតខ្លាំងលើគម្រោងកែប្រែស្ថាបន័ ដែលសំដៅធ្វើឲ្យក្រសួងវិទ្យាសាស្ត្រនិងបច្ចេកវិទ្យាចិនកាន់តែខ្លាំង
ក៏ដូចជាសមត្ថភាពខាងព័ត៌មានវិទ្យាចិន ប្រឈមមុខនឹងអ្វីដែលរដ្ឋាភិបាលចិនថាពួកលោកខាងលិច កំពុងតែរាំងខ្ទប់ចិនក្នុងវិស៏យនោះ ។ សភាចិនក៏កំណត់ទិសដៅកំណើនសេដ្ឋកិច្ចប្រមាណជា៥% និងការបង្កើនថវិកាយោធាផងដែរ ៕
ចែករំលែកព័តមាននេះ