ហ៊ីលឡារី គ្លីនតុន សច្ចាលែងឈរឈ្មោះជាបេក្ខជនព្រោះឆ្អែតចិត្តខ្លាំងណាស់
សហរដ្ឋអាមេរិក ៖ លោកស្រី ហ៊ីលឡារី គ្លីនតុន ដែលចាញ់ឆ្នោតប្រធានាធិបតីយ៉ាងចុកឈាម
សហរដ្ឋអាមេរិក ៖ លោកស្រី ហ៊ីលឡារី គ្លីនតុន ដែលចាញ់ឆ្នោតប្រធានាធិបតីយ៉ាងចុកឈាម
សហរដ្ឋអាមេរិក ៖ លោកស្រី ហ៊ីលឡារី គ្លីនតុន ដែលចាញ់ឆ្នោតប្រធានាធិបតីយ៉ាងចុកឈាមកាលពីឆ្នាំ២០១៦ ប្រឈមមុខនឹងលោក ដូណាល់ ត្រាំ នោះអះអាងកាលពីថ្ងៃទី១០ កញ្ញា ក្នុងបទសម្ភាសន៍តាមទូរទស្សន៍លើកដំបូងតាំងពីរងបរាជ័យនេះមក ដោយលោកស្រីអះអាងថា ដាច់ខាតលែងឈរឈ្មោះជាបេក្ខជនទៀតហើយ ។
លោកស្រី គ្លីនតុន អាយុ៦៩ឆ្នាំ ក្នុងបទសម្ភាសន៍យ៉ាងវែងមួយជាមួយទូរទស្សន៍ CBS បានទទួលស្គាល់ថា រឿងចាញ់ឆ្នោតកាលពីឆ្នាំ២០១៦ ពិតជាឈឺចាប់ខ្លាំងណាស់ ។ បទសម្ភាសន៍នេះរបស់លោកស្រីផ្តោតជាពិសេសលើការផ្សព្វផ្សាយពីការចេញសៀភៅថ្មីរបស់លោកស្រីមានចំណងជើងថា «WHAT HAPENED» ដែលរៀបរាប់ពីយុទ្ធនាការឃោសនាបោះឆ្នោតរបស់លោកស្រី ។
ក្នុងបទសម្ភាសន៍លោកស្រីគ្លីនតុន អះអាងថា ខ្ញុំលែងឈរឈ្មោះជាបេក្ខជនទៀតហើយ ។ ប្រសិនបើលោកស្រីប្រកាន់ពាក្យនេះវាជាការកំណត់ពីការបញ្ចប់អាជីពនយោបាយរយៈពេលយូរអង្វែងរបស់លោកស្រីដែលកាលពីឆ្នាំ២០១៦ ក្លាយជានារីដំបូងគេឈរឈ្មោះជាបេក្ខជនប្រធានាធិបតីអាេមរិក ។ ការបញ្ចប់អាជីពនយោបាយនេះគឺបន្ទាប់ពីរយៈពេល៨ឆ្នាំជាព្រឹទ្ធសមាជិករដ្ឋញូវយ៉ក ៤ឆ្នាំជារដ្ឋមន្ត្រីការបរទេស និង៨ឆ្នាំជាស្ត្រីទីមួយអាមេរិក ក្រោមអាណត្តិប្រធានាធិបតី២របស់ស្វាមីលោកស្រី លោកប៊ីល គ្លីនតុន ៕
ចែករំលែកព័តមាននេះ