រកឃើញផ្នូរបុរាណអាយុប្រហែល2.000ឆ្នាំ
រឿងរ៉ាវដ៏អាថ៌កំបាំងរបស់ផ្នូរបុរាណ គឺជាហេតុផលមួយដែលមនុស្សទូទៅមានចំណាប់អារម្មណ៍គ្រប់ពេល ជាពិសេស
រឿងរ៉ាវដ៏អាថ៌កំបាំងរបស់ផ្នូរបុរាណ គឺជាហេតុផលមួយដែលមនុស្សទូទៅមានចំណាប់អារម្មណ៍គ្រប់ពេល ជាពិសេស
រឿងរ៉ាវដ៏អាថ៌កំបាំងរបស់ជនជាតិអេហ្ស៊ីបបុរាណ គឺជាហេតុផលមួយដែលមនុស្សទូទៅមានចំណាប់អារម្មណ៍គ្រប់ពេល ជាពិសេសនៅពេលណាដែលរកឃើញផ្នូរបុរាណ ឬវត្ថុបុរាណ ។
ចុងក្រោយនេះក្រសួងបុរាណវត្ថុអេហ្ស៊ីបបង្ហាញពីការរកឃើញរណ្តៅសពដ៏ចំណាស់មានអាយុកាលប្រហែល២០០០ឆ្នាំចំនួន៣កន្លែង ។ អ្នកបុរាណវិទ្យាសន្និដ្ឋានថា វាស្ថិតក្នុងយុគសម័យអាណាចក្រ«Ptolemaic»នៅតំបន់al-Kamin al-Sahrawi ខេត្តមីនយ៉ា ភាគខាងត្បូងក្រុងគែរ ប្រទេសអេហ្ស៊ីប ។
កាលពីមុននេះមានការជីកឃើញម៉ាំមីនៅខេត្តមីនយ៉ាដែរ ប៉ុន្តែការជីករកឃើញចុងក្រោយនេះអ្នកបុរាណវិទ្យាបញ្ជាក់ថា មឈូសសព និងបំណែកដីឥដ្ឋបង្ហាញឱ្យឃើញថា តំបន់នោះធ្លាប់ជាទីតាំងផ្នូរដ៏ធំនៅក្នុងរាជវង្សទី២៧ឡើងកាន់អំណាចនៅអេហ្សុីប ជាអំឡុងពេលដែលហ្វារ៉ូរាជវង្សបរទេសឡើងគ្រងតំណែងខណៈរាជវង្សអេហ្ស៊ីបថមថយកាលពី៥២៥ឆ្នាំមុនគ្រឹស្តសករាជ ។
ប្រធានផ្នែករុករកវត្ថុបុរាណឱ្យដឹងថា រណ្តៅសពទាំងនោះមិនមែនជារបស់កងទ័ពផ្នែកការពារ ព្រោះមឈូសមានឆ្លាក់ថ្មរូបចៀម មុខមាត់ជាមនុស្សចំនួន៤មឈូស និងប្រទះឃើញ៦រណ្តៅទៀតជារណ្តៅសពកុមារ ដោយផ្នូរទាំងអស់អាចជាគ្រោងសពរបស់បុរស ស្ត្រី និងកុមារមានអាយុផ្សេងពីគ្នា ៕
ចែករំលែកព័តមាននេះ