នាំយកអំណោយទៅឧបត្ថម្ភពលរដ្ឋក្រីក្រនិងចាស់ជរាគ្មានទីពឹង
ខេត្តកំពត ៖ ដោយការយកចិត្តទុកដាក់ពីសំណាក់អាជ្ញាធរគ្រប់ជាន់ថ្នាក់
ខេត្តកំពត ៖ ដោយការយកចិត្តទុកដាក់ពីសំណាក់អាជ្ញាធរគ្រប់ជាន់ថ្នាក់
ខេត្តកំពត ៖ ដោយការយកចិត្តទុកដាក់ពីសំណាក់អាជ្ញាធរគ្រប់ជាន់ថ្នាក់ និងគណបក្សមូលដ្ឋានក្នុងស្រុកជុំគីរីជាពិសេសលោក ជឹង ផល្លា សមាជិកអចិន្ត្រៃយ៍គណៈកម្មាធិការបក្សខេត្តនិងជាអភិបាលរងខេត្តប្រធានក្រុមការងារចុះជួយស្រុកជុំគីរី និងលោកស្រី គីម សុធារី អភិបាលនៃគណៈអភិបាលស្រុកជុំគីរី និងជាប្រធានគណកម្មាធិការបក្សស្រុក បានចង្អុលបង្ហា ញដល់ក្រុមការងារយុវជនគណបក្សប្រជាជនខេត្តដែលដឹកនាំដោយលោក ភុន សារពេជ្រ សមាជិក ក្រុមការងារយុវជនថ្នាក់កណ្តាល និងជាប្រធានក្រុមការងារយុវជនគណបក្សខេត្តខេត្តកំពត កាលពីព្រឹកថ្ងៃទី៣០ ខែសីហា ឆ្នាំ២០១៧ បានដឹកនាំប្រតិភូសមាជិកក្រុមការងារយុវជនគណបក្សខេត្តដោយសហការជាមួយក្រុមការងារយុវជនគណបក្សស្រុក រួមនិងអាជ្ញាធរមូលដ្ឋានបានចុះសួរសុខទុក្ខ និងនាំយកអំណោយរបស់គណបក្សប្រជាជនកម្ពុជាទៅជួយឧបត្ថម្ភដល់ប្រជាពលរដ្ឋចំនួន៧គ្រួសារក្នុងឃុំបីនៃស្រុកជុំគីរី ដែលមានជីវភាពក្នុងគ្រួសារ ចាស់ជរាគ្មានទីពឹង ក្នុងឃុំទាំងបីនោះមាន ឃុំស្រែក្នុងចំនួន៣គ្រួសារ, ឃុំត្រពាំងរាំងចំនួន២គ្រួសារ និងឃុំស្នាយអញ្ជិតចំនួន២គ្រួសារ ។
លោក ភុន សារពេជ្រ សមាជិកក្រុមការងារថ្នាក់កណ្តាល និងជាប្រធានក្រុមការងារយុវជនគណបក្សប្រជាជនខេត្តកំពតបានមានប្រសាសន៍ថា អំណោយជាគ្រឿងឧបភោគបរិភោគរបស់គណបក្សប្រជាជនកម្ពុជាដែលនាំមកឧបត្ថម្ភជូនបងប្អូនប្រជាពលរដ្ឋយើងដែលជួបនូវជីវភាពខ្វះខាត និងចាស់ជរាគ្មានទីពឹងនៅក្នុងឃុំបីនៃស្រុកជុំគីរីនាពេលនេះមាន អង្ក, មី, ទឹកត្រី, ទឹកស៊ីអ៊ីវ, ទឹកសុទ្ធ និងថវិកាមួយចំនួនផងដែរ ។
លោកបានមានប្រសាសន៍បន្តទៀតថា អំណោយដែលត្រូវឧបត្ថម្ភជូនបងប្អូនទាំង៧គ្រួសារនាពេលនេះក្នុងមួយគ្រួសារៗទទួលបានអង្ករចំនួន១បាវទម្ងន់៥០គីឡូក្រាម, មី១កេះ, ទឹកត្រី១យួរ, ទឹកស៊ីអ៊ីវ១យួរ, ទឹកសុទ្ធ១កេះរួមនឹងថវិកាមួយចំនួនផងដែរ ៕
ចែករំលែកព័តមាននេះ