ច្របាច់ដោះទារិកាទើបកើតយកគ្រាប់ចេញ… ប្រយ័ត្នឆ្លងរោគ
បើតាមលោកវេជ្ជបណ្ឌិតប៉ែន កក្កដា ឯកទេសរោគកុមារ និងទារកនៃមន្ទីរពេទ្យកុមារជាតិឱ្យដឹងថា
បើតាមលោកវេជ្ជបណ្ឌិតប៉ែន កក្កដា ឯកទេសរោគកុមារ និងទារកនៃមន្ទីរពេទ្យកុមារជាតិឱ្យដឹងថា
បើតាមលោកវេជ្ជបណ្ឌិតប៉ែន កក្កដា ឯកទេសរោគកុមារ និងទារកនៃមន្ទីរពេទ្យកុមារជាតិឱ្យដឹងថា កាលពីពេលកន្លងទៅថ្មីៗនេះមានទារិកាម្នាក់ត្រូវម្តាយនាំទៅមន្ទីរពេទ្យ ដោយមានសភាពក្តៅខ្លួនខ្លាំង មិនព្រមបៅ សន្លឹមខ្លាំង។ នៅពេលពិនិត្យ គ្រូពេទ្យរកឃើញថា នៅដោះខាងឆ្វេងប៉ោងខ្លាំង មានខ្ទុះនៅខាងក្នុង ហើយម្តាយប្រាប់ថា ជីដូនឱ្យច្របាច់ ថ្នមៗជាមួយទឹកក្តៅ ដើម្បីយកគ្រាប់ដោះចេញ និងកុំឱ្យដោះធំ ឬយារពេលពេញវ័យ ព្រោះតែគាត់បារម្ភពីអនាគត និងសម្រស់កូន ។ នេះជាទស្សនៈយល់ច្រឡំមួយដែលចាស់បុរាណយើងបានធ្វើ ហើយបន្តដល់កូនចៅជំនាន់ក្រោយទៀត ដោយមិនអាចប្រកែកបាន ទោះជាបណ្តាលឱ្យមានផលប៉ះពាល់ធ្ងន់ក៏ដោយ ។
លោកវេជ្ជបណ្ឌិតបន្តថា វាគ្មានគ្រាប់ដោះ ដែលត្រូវច្របាច់ចេញទេ ហើយក៏មិនអាចឱ្យវាតូចជាងនោះដែរ បើពូជយើងកំណត់មកបែបនេះ។ ប៉ុន្តែផ្ទុយទៅវិញវាធ្វើឱ្យទារិកាឈឺចាប់ ហើយមេរោគអាចឆ្លងតាមដៃអ្នកច្របាច់នោះ បង្កើតជាបូស (អាប់សែស) ធ្វើឱ្យទារកក្តៅខ្លួន និងឆ្លងមេរោគទៅក្នុងឈាមអាចបណ្តាលឱ្យស្លាប់ក៏មាន បើព្យាបាលមិនទាន់ ។
ទារិកានោះត្រូវវះកាត់យកខ្ទុះចេញ ទើបបានធូរស្បើយ និងទទួលការព្យាបាលដោយចាក់សេរ៉ូមរយៈពេលមួយសប្តាហ៍ ។
លោកវេជ្ជបណ្ឌិតបន្តទៀតថា លោកអ្នកប្រហែលពុំបានដឹងថា រឿងច្របាច់ដោះទារកយកគ្រាប់ចេញមានគ្រោះថ្នាក់បែបណាទេ ។ នៅមន្ទីរពេទ្យករណីនេះមានច្រើណាស់ ដូច្នេះចូរកុំនិយាយថាវាមិនអីចំពោះបញ្ហានេះ ។
លោកអ្នកត្រូវចាំថា ជំនឿខ្លះត្រឹមត្រូវតាមសម័យកាល ហើយខ្លះទៀតអនុវត្តគួរពិចារណាអំពីផលចំណេញ និងផលលំបាកដែលអាចកើតមាន ៕
ចែករំលែកព័តមាននេះ