ប្រពន្ធប្តឹងលែងប្តី ព្រោះតែបន្ទប់ទឹក…
AFP ផ្សាយកាលពីពេលថ្មីៗកន្លងមកថា
AFP ផ្សាយកាលពីពេលថ្មីៗកន្លងមកថា
AFP ផ្សាយកាលពីពេលថ្មីៗកន្លងមកថា តុលាការរដ្ឋRajasthanប្រទេសឥណ្ឌា បានសម្រេចឱ្យលែងលះតាមបណ្តឹងរបស់ភាគីខាងស្រី ព្រោះប្តីមិនព្រមសង់បន្ទប់ទឹកនៅក្នុងផ្ទះ ។
លោកចៅក្រមRajendra Kumar Sharmaថ្លែងថា នារីនៅក្នុងភូមិជួបការលំបាក ព្រោះត្រូវរង់ចាំដល់យប់ ទើបអាចចេញទៅបត់ជើងធំនៅខាងក្រៅផ្ទះ ។ ចំណែកលោករ៉ាឆេសសាម៉ា មេធាវីដើម្បីសិទ្ធិនារីថ្លែងថា ចៅក្រមសម្រេចថា ការបត់ជើងធំនៅទីវាលគឺជាបញ្ហាសុខភាពចម្បងក្នុងប្រទេសឥណ្ឌា ជារឿងគួរឱ្យខ្មាសអៀននិងជាការធ្វើទុក្ខបុកម្នេញដែលនារីមិនអាចបត់ជើងធំបាន ។
តុលាការឥណ្ឌាអនុញ្ញាតឱ្យប្តីប្រពន្ធមួយគូលែងលះបាន ប្រសិនបើគេឃើញហេតុផលប្រើអំពើហិង្សា ឬមានការទាមទារប្រាក់បន្ថែម ។
មិនមែនជាលើកដំបូងទេ ដែលប្តីប្រពន្ធប្តឹងលែងលះគ្នា ព្រោះតែរឿងគ្មានបន្ទប់ទឹក ។ កាលពីឆ្នាំមុនស្ត្រីម្នាក់នៅរដ្ឋUttar Pradeshមិនព្រមរៀបការជាមួយគូបណ្តឹងដែលបដិសេធមិនសង់បន្ទប់ទឹកនៅក្នុងផ្ទះ ។ នៅខែមិថុនា កន្លងមកនារីម្នាក់បដិសេធមិនចូលផ្ទះរបស់ប្តី ដរាបណាមិនសាងសង់បន្ទប់ទឹក ។
តាមតួលេខរបស់មូលនិធិដើម្បីកុមារនៃអង្គការសហប្រជាជាតិ(UNICEF)បញ្ជាក់ថា ជនជាតិឥណ្ឌាជិត៦០០លាននាក់ ឬប្រហែលពាក់កណ្តាលនៃប្រជាជនសរុបទូទាំងប្រទេសបត់ជើងធំ ឬបន្ទោបង់នៅកណ្តាលវាល និងមានផ្ទះសម្បែងប្រហែល៧០%នៃចំនួនទាំងអស់គ្មានបន្ទប់ទឹក ប៉ុន្តែតួលេខរបស់អ្នកប្រើទូរស័ព្ទដៃមានដល់ទៅ៩០%នៃប្រជាជនសរុប ។
លោកនរ៉េនដ្រា ម៉ូឌី នាយករដ្ឋមន្ត្រីឥណ្ឌាបានសន្យាថា នឹងសង់បន្ទប់ទឹកដល់ផ្ទះទាំងអស់នៅឥណ្ឌានៅក្នុងឆ្នាំ២០១៩ ដើម្បីកុំឱ្យមានការបន្ទោបង់នៅទីសាធារណៈទៀត៕
ចែករំលែកព័តមាននេះ