ឡើងផ្អើល… ខណៈអ្នកកាសែតឈ្លោះជាមួយក្រុមជនពិការ
មានករណីជម្លោះកើតឡើងរវាងអ្នកយកព័ត៌មានម្នាក់ជាមួយក្រុមជនពិការ
ខេត្តបន្ទាយមានជ័យ ៖ សេចក្តីរាយការណ៍បឋឱ្យដឹងថា នៅមុននេះបន្តិចនាថ្ងៃទី៣១ សីហា មានករណីជម្លោះកើតឡើងរវាងអ្នកយកព័ត៌មានម្នាក់ជាមួយក្រុមជនពិការ ស្ថិតនៅចំណុចក្បែរទីលានត្រួតពិនិត្យទំនិញរបស់គយ និងរដ្ឋាករច្រកទ្វារអន្តរជាតិប៉ោយប៉ែត ក្នុងភូមិប៉ោយប៉ែត សង្កាត់ប៉ោយប៉ែត គឺអ្នកយកព័ត៌មានឱ្យអង្គភាពព្រះច័ន្ទកម្ពុជា បានចោទប្រកាន់ថា មនុស្សមួយក្រុមវាយខ្លួន ខណៈទៅសួរនាំរឿងនាំចូលទំនិញសង្ស័យ ។
សេចក្តីរាយការណ៍បន្តថា អ្នកយកព័ត៌មានខាងលើឈ្មោះវេន ភេទប្រុស អាយុ៣២ឆ្នាំ ជាភ្នាក់ងារយកព័ត៌មានឱ្យអង្គភាពកាសែត និងគេហទំព័រព្រះច័ន្ទកម្ពុជា ប្រចាំខេត្តបន្ទាយមានជ័យ ។
គិតមកដល់ម៉ោងនេះ ពុំទាន់មានការបំភ្លឺពីខាងភាគីក្រុមជនពិការទេ ដោយភាគីពាក់ព័ន្ធត្រូវបានសមត្ថកិច្ចហៅឡើងរថយន្តទាំងអស់គ្នា ទៅកាន់អធិការដ្ឋាននគរបាលក្រុងប៉ោយប៉ែត ដើម្បីសួរនាំរកមូលហេតុ ។
ចែករំលែកព័តមាននេះ