រាជធានីភ្នំពេញ ៖ តារាចម្រៀងលោកម៉ៃ សុគន្ធ ទាស់ទែងខ្លាំងជាមួយតារាថ្មីលោកចន ច័ន្ទតារា ហើយជម្លោះនេះរីករាលដាលដល់អ្នកនាងចន ច័ន្ទលក្ខិណា ជាបងស្រីរបស់ច័ន្ទតារា ទៀត ។
រាជធានីភ្នំពេញ ៖ តារាចម្រៀងលោកម៉ៃ សុគន្ធ ទាស់ទែងខ្លាំងជាមួយតារាថ្មីលោកចន ច័ន្ទតារា ហើយជម្លោះនេះរីករាលដាលដល់អ្នកនាងចន ច័ន្ទលក្ខិណា ជាបងស្រីរបស់ច័ន្ទតារា ទៀត ។
លោកម៉ៃ សុគន្ធ បានរិះគន់អ្នកនាងចន ច័ន្ទលក្ខិណា ថាមិនសមជាប្រធានសមាគមសិល្បករខ្មែរដែលទើបតែជាប់ឆ្នោត ថ្មីៗកន្លងមកនេះទេ ។
កំសួលភ្លើងកំហឹងបានឆេះឡើង ដោយផ្តើមចេញពីពាក្យសម្តីមួយម៉ាត់របស់ប្អូនប្រុសអ្នកនាងចន ច័ន្ទលក្ខិណា គឺលោកចន ច័ន្ទតារា ដែលប្រើទៅលើលោកម៉ៃ សុគន្ធ គឺពាក្យថា«Mr បង្គន់» ។ ពាក្យមួយម៉ាត់នេះបង្កើតទៅជាអណ្តាតភ្លើងយ៉ាងធំមួយ និងរាលដាលដល់អ្នកនាងចន ច័ន្ទលក្ខិណា ដែលទើបទទួលតំណែងជាប្រធានសមាគមសិល្បករខ្មែរទៀត ។
លោកម៉ៃ សុគន្ធ បានបង្ហោះសារតាមហ្វេសប៊ុកដោយប្រើពាក្យសម្តី ធ្ងន់ៗលើអ្នកនាងចន ច័ន្ទលក្ខិណា និងប្អូនប្រុសរបស់នាងថា «ដំបូងគិតហើយថាលោកស្រីប្រធានសមាគមសិល្បៈ និងខ្ញុំសូមបញ្ចប់សាច់រឿង ទោះខាងណាលើសឬខ្វះ ក៏សូមអភ័យទោសបញ្ចប់ចុះ តែវាមិនចប់ឯណា ! សួរថាជាប្រធានសមាគម សូម្បីតែប្អូនខ្លួនមើលប្រដៅ ណែនាំសុជីវធម៌ក្នុងសង្គមគ្រួសារ និងសង្គម មិនបានផង ចង់ទៅណែនាំតម្រង់ផ្លូវអ្នកសិល្បៈ និងសិល្បៈជំនាន់ក្រោយយ៉ាងម៉េចទៅ ។ បើមហាជនរិះគន់ដៀលជេរ ដូចមិនខឹង និងក្តៅទេ តែគាត់ជាអ្នកសិល្បៈមួយរូបដែរ ហាមាត់មក «វា អា…» អុីចឹងប្រហែលជាក្នុងគ្រួសារគាត់ប្រើតែភាសាបែបហ្នឹងហើយមើលទៅ ។ ស្តាយណាស់ដែល ប្អូនៗបោះឆ្នោតឱ្យ កំពូលតារាសំបូររឿងអាស្រូវ (ល្មមរៀនកាត់បន្ថយចរិតបែបហ្នឹងទៅ ហើយក៏រៀនកែលម្អខ្លួន និងប្អូនដ៏ល្អរបស់ខ្លួនផង) ។
អូ ! ភ្លេច ប្រហែលសម្តីលោកប្អូនរបស់លោកស្រីប្រធាន ចូលសិល្បៈបានតាមរយៈខ្សែទុយោ និងតោងសារុងហើយ បានគាត់មិនយល់ភាសាបែបណាត្រូវប្រើ បែបណាដែលមិនត្រូវ ប្រើក្នុងនាមយើងជាអ្នកសិល្បៈ» ។
បន្ទាប់ពីបញ្ចេញសាររិះគន់យ៉ាងធ្ងន់ពីលោកម៉ៃ សុគន្ធ បែបនោះមក នៅមិនទាន់ឃើញការឆ្លើយតបណាមួយពីអ្នកនាងចន ច័ន្ទលក្ខិណា និងប្អូនប្រុសរបស់នាងនៅឡើយទេ ។
មិនមែនជារឿងលើកដំបូងទេសម្រាប់ការរិះគន់ចំពោះតំណែងជាប្រធានសមាគមសិល្បកររបស់អ្នកនាងចន ច័ន្ទលក្ខិណា ខណៈរហូតមកដល់ពេលនេះលោកសុវណ្ណ មករា នៅតែបន្តបង្ហោះសារផ្លែផ្កា និងសួរនាំប្រាក់មូលនិធិសមាគមដែលទទួលបាននាពេលកន្លងមក ៕
ចែករំលែកព័តមាននេះ