ជួសជុលកែលម្អសួនច្បារខាងលិចវត្តភ្នំ ដើម្បីលើកកម្ពស់សោភ័ណភាព
រាជធានីភ្នំពេញ ៖ រដ្ឋបាលរាជធានីភ្នំពេញ បាន និងកំពុងដំណើរការរៀបចំកែលម្អសួនច្បារនៅខាងលិច រមណីយដ្ឋានវត្តភ្នំ
រាជធានីភ្នំពេញ ៖ រដ្ឋបាលរាជធានីភ្នំពេញ បាន និងកំពុងដំណើរការរៀបចំកែលម្អសួនច្បារនៅខាងលិច រមណីយដ្ឋានវត្តភ្នំ
រាជធានីភ្នំពេញ ៖ រដ្ឋបាលរាជធានីភ្នំពេញ បាន និងកំពុងដំណើរការរៀបចំកែលម្អសួនច្បារនៅខាងលិច រមណីយដ្ឋានវត្តភ្នំ ចាប់ពីវត្តភ្នំដល់មហាវិថីព្រះមុនីវង្ស ឲ្យកាន់តែស្រស់បំព្រងឡើង។ លោក សាំ ពិសិដ្ឋ នាយកមន្ទីរសាធារណៈការ និងដឹកជញ្ជូន រាជធានីភ្នំពេញ បានឲ្យដឹងថា ការងារជួសជុលសួននេះ ត្រូវដាំឈើប្រមាណ១៤រថយន្ត ក្នុងនោះមាន តែ ផ្កាហុកគៀន ស្លា ស្លាកំប្រុក ល្មើ ត្នោតប្រាក់ ដកខឹម ជាដើមដោយចាប់ផ្តើមកែលម្អតាំងពីថ្ងៃទី២៣សីហាមក។
លោកបន្តថា សួនច្បារខាងលិចវត្តភ្នំ ឬសួនសាន់វ៉េ ក៏ជាសួនច្បារមួយកន្លែងក្នុងចំណោមសួនជាច្រើនទៀតក្នុងរាជធានីភ្នំពេញ ដែលមានការពេញនិយមសម្រាប់ភ្ញៀវទេសចរណ៍ជាតិ និងអន្តរជាតិមកលេងកម្សាន្តស្រូបយកខ្យល់អាកាសដ៏បរិសុទ្ធ និងជាទីពេញនិយមសម្រាប់បងប្អូនប្រជាពលរដ្ឋមកហាត់ប្រាណផងដែរ។
គួរកត់សម្គាល់ឃើញថា ពីមួយថ្ងៃទៅមួយថ្ងៃ រដ្ឋបាលរាជធានីភ្នំពេញខិតខំកែលម្អសួនច្បារ រួមទាំងការដាំដើមឈើ ដាំផ្កាលម្អសួន ការរៀបការរ៉ូឡា ជាការពង្រឹងហេដ្ឋារចនាសម្ពន្ធតាមសួនច្បារឲ្យបានកាន់តែប្រសើរឡើង ឆ្លើយតបទៅនឹងតម្រូវការរបស់ប្រជាពលរដ្ឋលើផ្នែកបរិស្ថាន ក៏ដូចបន្ថែមក្រវាត់បៃតងក្នុងទីក្រុងឲ្យកាន់តែមានសោភ័ណភាពស្រស់បំព្រង និងទាក់ទាញពីភ្ញៀវជាតិ និងអន្តរជាតិសក្តិសមជាបេះដូងនៃព្រះរាជាណាចក្រកម្ពុជាតែម្តង៕
ចែករំលែកព័តមាននេះ