តើត្រូវធ្វើដូចម្តេចប្រសិនបើរថយន្តរបស់អ្នកលិចទឹក ?
រថយន្តលិចទឹក មិនត្រឹមតែអាចបំផ្លាញរថយន្តប៉ុណ្ណោះទេ ជាពិសេស
រថយន្តលិចទឹក មិនត្រឹមតែអាចបំផ្លាញរថយន្តប៉ុណ្ណោះទេ ជាពិសេស
រថយន្តលិចទឹក មិនត្រឹមតែអាចបំផ្លាញរថយន្តប៉ុណ្ណោះទេ ជាពិសេស វាអាចបង្កបញ្ហាដ៏ធ្ងន់ធ្ងរដល់ម៉ាស៊ីន ប្រព័ន្ធភ្លើង និងផ្នែកខាងក្នុងរថយន្តផងដែរ ។ ប្រសិនបើរថយន្តរបស់អ្នកលិចទឹកជាងពាក់កណ្តាលនៃកង់របស់វា សូមអនុវត្តតាមជំហានទាំង៦ខាងក្រោមដើម្បីរកមើល និងដោះស្រាយការខូចខាតនានា ។
១-កុំព្យាយាមបញ្ឆេះរថយន្ត ៖
នៅពេលរថយន្តលិចទឹក អ្នកប្រហែលជាព្យាយាមបញ្ឆេះវាដើម្បីដឹងថា តើរថយន្តនៅដំណើរការដែរឬទេ ។ ប្រសិនបើមានទឹកដក់នៅក្នុងម៉ាស៊ីន ការប៉ុនប៉ងបញ្ឆេះរថយន្ត នឹងធ្វើឲ្យវាកាន់តែមានបញ្ហាធ្ងន់ធ្ងរទៅវិញទេ ។
២-ចាប់ផ្តើមសម្ងួតផ្នែកខាងក្នុង ៖
ប្រសិនបើទឹកចូលទៅផ្នែកខាងក្នុងរថយន្ត ពពួកផ្សិតនឹងលូតលាស់យ៉ាងឆាប់រហ័ស ។ សូមចាប់ផ្តើមបើកចំហទ្វារ និងបង្អួចរថយន្ត ព្រមទាំងដាក់កន្សែងនៅលើកម្រាលរថយន្តដើម្បីស្រូបយកជាតិទឹកចេញ ។ អ្នកគួរតែមានគម្រោងផ្លាស់ប្តូររបស់សើមដូចជា កម្រាលកៅអី កម្រាលជើង បន្ទះពូកជាប់នឹងទ្វារ និងពូកកៅអីរថយន្ត ។
៣-ត្រួតពិនិត្យប្រេង និងតម្រងចម្រោះខ្យល់ ៖
ប្រសិនបើអ្នកឃើញមានតំណក់ទឹកនៅលើគម្របប្រេង ឬកម្រិតប្រេងឡើងខ្ពស់ ឬតម្រងចម្រោះខ្យល់មានតំណក់ទឹក សូមកុំព្យាយាមបញ្ឆេះរថយន្ត ។ សូមយករថយន្តទៅរកជាង ដើម្បីសម្អាតទឹកទាំងនេះ និងប្តូរប្រេងរថយន្ត ចៀសវាងការខូចខាតកាន់តែធ្ងន់ធ្ងរ ។
៤-ត្រួតពិនិត្យប្រព័ន្ធប្រេងដទៃទៀត ៖
ប្រព័ន្ធប្រេងឥន្ធនៈនៃយានយន្តម៉ូដែលថ្មីៗជាទូទៅត្រូវបានផ្សារជិត ប៉ុន្តែម៉ូដែលរថយន្តចាស់ៗប្រហែលជាត្រូវការបង្ហូរប្រព័ន្ធប្រេងរបស់វាចេញ ។ អ្នកក៏គួរតែត្រួតពិនិត្យមើលប្រព័ន្ធហ្វ្រាំង ប្រព័ន្ធកង់ ប្រព័ន្ធចង្កូត និងធុងទឹកត្រជាក់ ដើម្បីចៀសវាងការឆ្លងចរន្តនាំឲ្យមានគ្រោះថ្នាក់នៅពេលក្រោយ ។
៥-ត្រួតពិនិត្យគ្រប់ប្រព័ន្ធភ្លើង ៖
បើម៉ាស៊ីនរថយន្តមើលទៅអាចបញ្ឆេះបាន សូមពិនិត្យផ្នែកខាងក្នុងរថយន្តគ្រប់យ៉ាងដែលប្រើប្រាស់ប្រព័ន្ធភ្លើងដូចជា អំពូលមុខ ភ្លើងស៊ីញ៉ូ ម៉ាស៊ីនត្រជាក់ ប្រព័ន្ធម៉ាញេ ប្រព័ន្ធចាក់សោ បង្អួច និងកៅអី សូម្បីតែអំពូលភ្លើងខាងក្នុងរថយន្ត ក៏ត្រូវពិនិត្យមើលដែរ ។ អ្នកត្រូវកត់សម្គាល់ចំណុចបន្តិចបន្តួចនៃដំណើរការរបស់រថយន្ត ឬការបញ្ជូនប្រព័ន្ធភ្លើង ដែលអាចជាសញ្ញាបញ្ហាអគ្គិសនី ។ សូមយករថយន្តទៅឲ្យអ្នកជំនាញពិនិត្យមើល ។
៦-ត្រួតពិនិត្យកង់ និងសម្បក ៖
មុនពេលបើកបររថយន្ត សូមរកមើលកំទេចកំទីនៅជុំវិញកង់ ហ្វ្រាំង តួខាងក្រោមរថយន្ត និងពិនិត្យមើលហ្វ្រាំងដៃមុនពេលបើកបរផងដែរ ៕
ចែករំលែកព័តមាននេះ