គ្រាប់យុទ្ធភណ្ឌមិនទាន់ផ្ទុះ៥គ្រាប់ ពលរដ្ឋប្រទះឃើញក្នុងចម្ការដំឡូងមី
ខេត្តមណ្ឌលគិរី ៖ នគរបាលបានឲ្យដឹងថា ត្រង់ចំណុចដីចម្ការជិតច្រករបៀង០៤ ហៅង៉ាំបាមូល មានប្រជាពលរដ្ឋទៅជម្រះស្មៅចម្ការដំឡូង
ខេត្តមណ្ឌលគិរី ៖ នគរបាលបានឲ្យដឹងថា ត្រង់ចំណុចដីចម្ការជិតច្រករបៀង០៤ ហៅង៉ាំបាមូល មានប្រជាពលរដ្ឋទៅជម្រះស្មៅចម្ការដំឡូង
ខេត្តមណ្ឌលគិរី ៖ នគរបាលបានឲ្យដឹងថា ត្រង់ចំណុចដីចម្ការជិតច្រករបៀង០៤ ហៅង៉ាំបាមូល មានប្រជាពលរដ្ឋទៅជម្រះស្មៅចម្ការដំឡូង ក៏បានប្រទះឃើញគ្រាប់មិនទាន់ផ្ទុះចំនួន៥គ្រាប់ មិនស្គាល់ម៉ាក។ នៅពេលសមត្ថកិច្ចបានទទួលសេចក្តីរាយការណ៍ពីប្រជាពលរដ្ឋភ្លាមៗ កម្លាំងបានចុះទៅដល់ទីតាំងគ្រាប់ទាំងនោះ និងបានពិនិត្យឃើញមានមួយចំនួនកប់ក្នុងដី និងពីរគ្រាប់ត្រូវបានអ្នកប្រទះឃើញរើសយកទៅទុកលើអង្កត់ឈើ នៅជិតគ្នា។
បើតាមសមត្ថកិច្ចដែលចុះដល់កន្លែងខាងលើ បានដាក់ការសង្ស័យថា អាចមានគ្រាប់កប់ក្នុងដីច្រើនទៀត ប៉ុន្តែគេនៅមិនទាន់ហ៊ានកាយបន្តទៀតឡើយ ព្រោះតែខ្លាចកើតមានគ្រោះថ្នាក់ជាយថាហេតុ។ ទោះជាយ៉ាងណា ករណីខាងលើ លោកអធិការនគរបាលស្រុកកែវសីមា បានទំនាក់ទំនងទៅខាងជំនាញដោះមីន ស៊ីម៉ាក់ ឲ្យចុះទៅ ត្រួតពិនិត្យ និងរំដោះគ្រាប់ទាំងនោះ ទៅកម្ទេចចោល ដើម្បីបង្កាគ្រោះថ្នាក់នានាដល់ប្រជាពលរដ្ឋ។ នៅក្នុងប្រទេសកម្ពុជា រដ្ឋប្រហារថ្ងៃ១៨ មីនា ១៩៧០ ដោយរបបសាធារណរដ្ឋខ្មែរលោក លន់ នល់ គាំទ្រដោយសហរដ្ឋអាមេរិក បាននាំឲ្យកម្ពុជាធ្លាក់ក្នុងសង្គ្រាមស៊ីវិល និងការកាប់សម្លាប់គ្នា។
នៅចុងឆ្នាំ១៩៩៨ យុទ្ធសាស្ត្រឌីហ្វីដ នៃនយោបាយឈ្នះឈ្នះ បានបំបាត់សង្គ្រាមស៊ីវិលទាំងស្រុង ប៉ុន្តែអាវុធយុទ្ធភណ្ឌ គ្រាប់មិនទាន់ផ្ទុះនៅរាយប៉ាយតាមកន្លែងជាច្រើន ដែលបង្ក ការគំរាមកំហែងដល់អាយុជីវិតប្រជាជន។ នៅក្នុងខែមករាកន្លងទៅនេះអ្នកជំនាញដោះមីន២នាក់បានស្លាប់ និងម្នាក់ទៀតរងរបួស ដោយគ្រាប់មីនសេសសល់ពីសង្គ្រាម បានផ្ទុះ ពេលពួកគេកំពុងបំពេញកិច្ចការដោះមីន ក្នុងខេត្តប៉ៃលិន។ កម្ពុជាក្នុងស្ថានភាពដែលមានមីនសេសសល់ជាច្រើនសែនគ្រាប់មិនទាន់ដោះអស់នេះ បានទទួលការជួយពីប្រទេសមួយចំនួន ក្នុងការរំដោះគ្រាប់មីនចេញពីក្នុងដី។
កាលពីចុងខែមករានេះ ជប៉ុនបានសន្យាផ្តល់ចំនួយជាង១៧លានដុល្លារ ក្នុងការបោសសម្អាតមីន រយៈពេល៣ឆ្នាំ។ គម្រោងនៃជំនួយនោះ ក៏បានឯកភាពទិញ គ្រឿងចក្រកម្ទេចមីនធ្ងន់ចំនួន៥គ្រឿងបន្ថែមទៀត ដែលគ្រឿងចក្រថី្មនេះ តម្លៃជិតមួយលានដុល្លារក្នុងមួយគ្រឿង អាចមកដល់កម្ពុជានៅចុងឆ្នាំ២០១៧នេះ៕
ចែករំលែកព័តមាននេះ