ក្តៅៗ ! គណនី Twitter ផ្លូវការរបស់ក្រុម Bacelona ត្រូវបានគេ Hack
តាមប្រភពព័ត៌មាន Goal មុននេះបានឱ្យដឹងថា ក្រុមអ្នកមានបុណ្យ Bacelona
តាមប្រភពព័ត៌មាន Goal មុននេះបានឱ្យដឹងថា ក្រុមអ្នកមានបុណ្យ Bacelona
តាមប្រភពព័ត៌មាន Goal មុននេះបានឱ្យដឹងថា ក្រុមអ្នកមានបុណ្យ Bacelona ដែលមានមូលដ្ឋាននៅក្នុងក្រុងកាតាឡានមួយនេះបានប្រទះឃើញបណ្តាញសង្គម(Twitter)របស់ខ្លួនកាលពីព្រឹកថ្ងៃទី២៣ ខែសីហា ឆ្នាំ២០១៧ នេះគឺត្រូវបានបង្ហោះនូវការចុះកុងត្រាមួយនៅលើបណ្តាលសង្គមនេះ ។ បណ្តាញសង្គម Twitter ផ្លូវការរបស់ក្រុមអ្នកមានបុណ្យ FC Bacelona គឺត្រូវបានគេលួច(Hacked)កាលពីវេលាព្រឹកថ្ងៃពុធ ទី២៣ ខែសីហា ឆ្នាំ២០១៧ ហើយបានប្រកាសនូវព័ត៌មានមិនពិតមួយថា ក្លឹបអ្នកមានបុណ្យ FC Bacelona គឺបានចុះក្នុងត្រានាំយកកីឡាករសញ្ជាតិអាហ្សង់ទីន Angel Di Maria ពីក្លឹបអ្នកមានបារាំង Paris Saint-Germain ផងដែរ ។
បើតាមការឱ្យដឹង គឺការលួចគណនីផ្លូវការរបស់ក្លឹបនោះគឺធ្វើឡើងត្រឹមតែរយៈពេល២៤ម៉ោងប៉ុន្នោះ ពីព្រោះកាលពីថ្ងៃអង្គារ ទី២២ ខែសីហា ឆ្នាំ២០១៧ ម្សិលមិញនេះ ក្រុមអ្នកមានបុណ្យ FC Bacelona ទើបតែបានប្រកាសតាមរយៈបណ្តាញសង្គម Twitter ផ្លូវការរបស់ខ្លួនផងដែរពាក់ព័ន្ធនឹងការប្តឹងទៅលើកីឡាករឆ្នើមសញ្ជាតិប្រេស៊ីល Neymar Jr ដោយធ្វើការចោទប្រកាន់ថា តារាឆ្នើម Neymar បានបំពានជាមួយលក្ខខណ្ឌក្នុងកុងត្រាជាមួយក្លឹប ។ បន្ទាប់ពីប៉ុន្មានម៉ោងក្រោយមក ក្រោយពីដឹងថាគណនីផ្លូវការរបស់ខ្លួនត្រូវបានគេលួចហើយនោះ ក្លឹបក៏បានបង្ហោះ(Tweeted) នូវសារមួយថា «គណនីរបស់យើងត្រូវបានវាយប្រហារនៅរាត្រីនេះ ហើយយើងកំពុងធ្វើការដើម្បីដោះស្រាយបញ្ហានេះឱ្យបានឆាប់តាមដែលអាចធ្វើបាន ។ សូមអរគុណសម្រាប់ការអត់ធ្មត់របស់អ្នក» ។
សូមបញ្ជាក់ផងដែរថា តាមរយៈរបាយការណ៍របស់ភ្នាក់ងារសន្តិសុខប្រឆាំង Hacker «OurMine» បានបង្ហាញថា គណនី Twitter របស់ក្រុមហ៊ុនធំៗមួយចំនួនក៏ដូចជាបុគ្គលល្បីឈ្មោះដែលត្រូវបានគេលួចមានដូចជា CNN, Netflix, Marvel និងគណនីផ្លូវការផ្ទាល់ខ្លួនរបស់ស្ថាបនិក Facebook លោក Mark Zuckerberg សុទ្ធតែធ្លាប់ត្រូវបានគេលួច (Hacked) ៕
ចែករំលែកព័តមាននេះ