ឈើធ្នង់ខ្នាតយក្ស៥សន្លឹក ដកហូតនៅផ្ទះសមាគមន៍សហព័ន្ធខ្មែរ-វៀតណាម
ឈើប្រភេទធ្នង់៥សន្លឹក និងឈើក្រាក់គ្រញូងមួយចំនួនទៀត
ខេត្តរតនគិរី ៖ សេចក្តីរាយាករណ៍បឋមឱ្យដឹងថា ឈើប្រភេទធ្នង់៥សន្លឹក និងឈើក្រាក់គ្រញូងមួយចំនួនទៀត បានរឹបអូសយកទៅរក្សាទុកនៅខណ្ឌរដ្ឋបាលឈើ ធ្វើឡើងកាលពីវេលាម៉ោង០៩ និង៣០នាទីព្រឹកថ្ងៃទី២២ សីហា ក្នុងផ្ទះមួយកន្លែងនៅភូមិទេសអន្លុង សង្កាត់បឹងកន្សែង ក្រុងបានលុង ដែលមានស្លាកយីហោ (សមាគមន៍សហព័ន្ធខ្មែរ-វៀតណាម) របស់កម្លាំងជំនាញរដ្ឋបាលព្រៃឈើសង្កាត់ក្រុងបានលុង សហការជាមួយកម្លាំងសមត្ថកិច្ចចម្រុះក្រុងបានលុង និងការបញ្ជារបស់លោកព្រះរាជអាជ្ញាសាលាដំបូងខេត្តរតនគិរី លោកជា ពេជ្រ ។
ម្ចាស់ផ្ទះខាងលើ ឈ្មោះយ៉ត ហៀង ភេទស្រី ហើយឈើដែលរឹបអូសបាននោះមានពីរប្រភេទ ឈើធ្នង់ និងឈើគ្រញូង ។ ឈើធ្នង់សន្លឹក មានមុខកាត់ចាប់ពី៦០សង់ទីម៉ែត្រ ឡើងទៅដល់១២០សង់ទីម៉ែត្រ មានប្រវែងចាប់ពី២ម៉ែត្រឡើងទៅ៣ម៉ែត្រ មាន៥សន្លឹក ស្មើនឹង១.៦៨២ ម៉ែត្រគូប ចំណែកក្រាក់ក្រញូងមានចំនួន៥៤ដុំ ស្មើ២០០គីឡូក្រាម ព្រមទាំងធ្នង់មូលចំនួន៦ដុំ សរុបទទាំងអស់ស្មើ ២.០៨៨ម្រ៉ែគូប។
ចែករំលែកព័តមាននេះ