ភ្ញាក់ផ្អើលឆោឡោអស់ប្រជាពលរដ្ឋក៏ព្រោះតែ…
ខេត្តប៉ៃលិន ៖ គំនរសម្រាមដ៏ធំដែលត្រូវគេយកទៅចាក់ចោល
ខេត្តប៉ៃលិន ៖ គំនរសម្រាមដ៏ធំដែលត្រូវគេយកទៅចាក់ចោល
ខេត្តប៉ៃលិន ៖ គំនរសម្រាមដ៏ធំដែលត្រូវគេយកទៅចាក់ចោលនៅក្បែរផ្លូវក្រាលកៅស៊ូមួយកន្លែងក្នុងភូមិអូរតាវ៉ៅ សង្កាត់អូរតាវ៉ៅ ក្រុងប៉ៃលិន រហូតមកដល់វេលាម៉ោង៨និង៣០នាទីព្រឹក ថ្ងៃទី២៣ ខែសីហា ឆ្នាំ២០១៧ នេះត្រូវបានគេដុតហើយ បណ្តាលឱ្យឆេះហុយផ្សែងយ៉ាងសន្ធោរសន្ធៅបង្កឱ្យមានការភ្ញាក់ផ្អើលដល់អ្នកធ្វើដំណើរតាមដងផ្លូវ និងប្រជាពលរដ្ឋរស់នៅក្បែរនោះផងដែរ ។
ប្រភពព័ត៌មានពីប្រជាពលរដ្ឋបានឱ្យដឹងថា គំនរសម្រាមដ៏ធំមួយនេះត្រូវបានគេលួចដឹកយកទៅបោះចោលជារៀងរាល់យប់អស់រយៈពេលជាយូរមកហើយ បណ្តាលឱ្យជះក្លិនស្អុយចូលក្នុងផ្ទះរបស់ពួកគាត់ ខណៈមានខ្យល់បក់ផាត់មកពីទិសខាងកើតម្តងៗ ជាពិសេសរដូវភ្លៀងធ្លាក់ជោកជាំតែម្តង ។ ប្រភពបន្តទៀតថា ការបោះចោលសម្រាមនេះមិនធ្លាប់ឃើញមានខាងមន្ទីរពាក់ព័ន្ធក៏ដូចជាខាងបរិស្ថាន ចុះទៅធ្វើការហាមឃាត់ ឬចាត់ការយកទៅបោះចោលនៅកន្លែងចាក់សម្រាមឡើ យ ដោយចេះតែបណ្តែតបណ្តោយឱ្យក្លាយទៅជាគំនរដ៏ធំ ។ រហូតមកដល់ពេលស្ងួតល្អ ស្រាប់តែមានគេលួចដុត ធ្វើឱ្យឆេះហុយផ្សែងខ្មួលខ្មាញ់ និងមានក្លិនជាតិពុលហុយចូលផ្ទះរបស់ពួកគាត់ ធ្វើឱ្យអ្នកខ្លះ កើតជម្ងឺផ្តាសាយ ក្អក ក្អួត និងឈឺក្បាលវិលមុខផងដែរ ។ ប្រភពបញ្ជាក់ទៀតថា មុនដំបូងគេនឹកស្មានថា ឆេះផ្ទះប្រជាពលរដ្ឋ ដោយម្នាក់ៗភ័យស្លន់ស្លោរ ហើយអ្នកខ្លះដើររកធុងដងទឹករត់បម្រុងយកទៅជះស្រោចពន្លត់ ខ្លះទៀតបម្រុងនឹងទូរស័ព្ទហៅរថយន្តពន្លត់អគ្គីភ័យ ប៉ុន្តែពេលទៅដល់កន្លែងកើតហេតុ ស្រាប់តែឃើញឆេះគំនរសម្រាមទៅវិញទើបនាំគ្នាត្រប់ទៅផ្ទះវិញរៀងៗខ្លួន ។ ចំណែកអ្នកខ្លះទៀត មានការហួសចិត្តយ៉ាងខ្លាំងដោយគំនរសម្រាមដ៏ច្រើននេះមិនគួរយកទៅបោះចោលអនាធិបតេយ្យរួចយកភ្លើងដុតបណ្តាលឱ្យឆេះបែបនេះទេ គួរតែដឹកយកទៅចោលនៅកន្លែងត្រឹមត្រូវវិញ ។
ពាក់ព័ន្ធទៅនឹងបញ្ហានេះលោក គឹម សុខា ប្រធានមន្ទីរបរិស្ថានខេត្តប៉ៃលិនបានឱ្យដឹងថា ខាងលោកអត់ទាន់បានដឹងពីរឿងគេដុតសម្រាមនៅក្បែរជាយក្រុងទេ ដោយលោកទើបមកពីប្រជុំឯភ្នំពេញ តែលោកនឹងចាត់ឱ្យមន្ត្រីចុះទៅត្រួតពិនិត្យមើលដើម្បីរៀបចំកុំឱ្យគេបន្តយកទៅចាក់ចោលបែបនេះទៀត ៕
ចែករំលែកព័តមាននេះ