អំណោយកាកបាទក្រហម ជូនគ្រួសារជនរងគ្រោះស្លា.ប់ដោយជិះម៉ូតូដឹកឈើដួល
ខេត្តមណ្ឌលគិរី ៖ នៅព្រឹកថ្ងៃទី២២ ខែសីហា ឆ្នាំ២០១៧ លោក ឡុង វិបុល នាយកសាខាកាកបាទក្រហមកម្ពុជាខេត្ត
ខេត្តមណ្ឌលគិរី ៖ នៅព្រឹកថ្ងៃទី២២ ខែសីហា ឆ្នាំ២០១៧ លោក ឡុង វិបុល នាយកសាខាកាកបាទក្រហមកម្ពុជាខេត្ត
ខេត្តមណ្ឌលគិរី ៖ នៅព្រឹកថ្ងៃទី២២ ខែសីហា ឆ្នាំ២០១៧ លោក ឡុង វិបុល នាយកសាខាកាកបាទក្រហមកម្ពុជាខេត្ត រួមទាំងសម្ពន្ធយុវជនស្រលាញ់សន្តិភាព សាខាខេត្ត និងអាជ្ញាធរស្រុក បាននាំយកថវិកាចំនួន៤៣០ ០០០រៀល រួមទាំងអង្ករ៧០គីឡូក្រាម ចូលរួមរំលែកទុក្ខគ្រួសារសព ឈ្មោះ ភាយ គា ភេទប្រុស អាយុ១៩ឆ្នាំ នៅភូមិប៊ូស្រា ឃុំប៊ូស្រា ស្រុកពេជ្រាដា ដែលស្លាប់ដោយសារជិះម៉ូតូដឹកឈើដួល នៅចំណុចអូរផ្លាយ ឃុំស្រែអំពូម កាលពីថ្ងៃទី២១ ខែសីហា ឆ្នាំ២០១៧។
លោក ឡុង វិបុល នាយកសាខាកាកបាទក្រហមកម្ពុជាខេត្ត បាននាំយកអំណោយមនុស្សធម៌ ក៏ដូចជាថវិកាចំនួន៤៣០ ០០០រៀល រួមទាំងអង្ករចំនួន៧០គីឡូក្រាម បានមកពីការចូលរួមចំណែករបស់សាខាកាកបាទក្រហមកម្ពុជាខេត្ត រួមទាំងសម្ពន្ធយុវជន ស្រលាញ់សន្តិភាពសាខាខេត្ត និងអាជ្ញាធរស្រុកពេជ្រាដា ក្នុងការចូលរួមរំលែកទុក្ខចំពោះក្រុមគ្រួសារសពផងដែរ។ លោកបានបន្ថែមថា ថ្វីត្បិតតែថវិកា ក៏ដូចជាសម្ភារទាំងនេះ មានចំនួនតិចតួចមែន តែនេះក៏ជាទឹកចិត្តរបស់សប្បុរសធម៌ ក្នុងការចូលរួមចំណែក និងអាចជួយដោះស្រាយដល់គ្រួសាររងគ្រោះក្នុងគ្រាមានអាសន្នបានមួយកម្រិតផងដែរ។
ម្យ៉ាងទៀត ឲ្យតែទីណាមានទុក្ខលំបាក ទីនោះតែងតែមានវត្តមានរបស់កាកបាទក្រហមកម្ពុជាជានិច្ច ព្រោះកាកបាទក្រហម កម្ពុជាមាននៅគ្រប់ទីកន្លែង ដោយមិនប្រកាន់និន្នាការនយោបាយអ្វីឡើយ។ នាឱកាសនោះដែរ លោក ឡុង វិបុល នាយកសាខាកាកបាទក្រហមកម្ពុជាខេត្ត បានផ្តាំផ្ញើដល់ប្រជាពលរដ្ឋទាំងអស់ ក៏ដូចជាក្រុមគ្រួសារសពផងដែរ ត្រូវមានការប្រុងប្រយ័ត្នចំពោះការបើកបរ ហើយត្រូវគោរពច្បាប់ចរាចរណ៍ផ្លូវគោកទាំងអស់គ្នា ចៀសវាងគ្រោះថ្នាក់ដោយខ្លួនឯង និងគ្រោះថ្នាក់ដោយយថាហេតុផ្សេងៗផងដែរ៕
ចែករំលែកព័តមាននេះ