ម្រះមិនត្រឹមតែអាចធ្វើម្ហូបបានទេ ថែមទាំងជាឱសថដ៏ល្អសម្រាប់សុខភាពទៀត
ម្រះជាប្រភេទរុក្ខជាតិម្យ៉ាងមានគុណប្រយោជន៍ជាឱសថព្យាបាលរោគ ៖
ម្រះជាប្រភេទរុក្ខជាតិម្យ៉ាងមានគុណប្រយោជន៍ជាឱសថព្យាបាលរោគ ៖
១-បង្កើនសារធាតុប្រឆាំងមេរោគក្នុងរាងកាយ
លោកអ្នកអាចយកម្រះចំអិនម្ហូបអាហារបានច្រើនយ៉ាង ហើយគុណប្រយោជន៍របស់វាអាចជួយប្រយុទ្ធប្រឆាំងនឹងជំងឺ ផ្សេងៗកើតឡើងនៅលើរាងកាយ ។
២-សម្រកទម្ងន់
ម្រះជាបន្លែមានកាឡូរីទាប សាច់ច្រើន សមស្របសម្រាប់យុវវ័យដែលកំពុងសម្រកទម្ងន់ហើយក៏ជាជម្រើសមួយផ្តល់លទ្ធផលល្អដល់សុខភាពរបស់យើង ។
៣-ជួយបង្កើនសម្រស់ស្បែក
ម្រះមិនត្រឹមតែជួយតែលើជំងឺដែលកើតឡើងនៅលើដងខ្លួនប៉ុណ្ណោះទេ វាក៏អាចជួយលើកសម្រស់ពណ៌សម្បុររបស់ស្បែកឱ្យមានភាពស្រស់ថ្លាមានភាពស្រឡូនល្អ ។ ក្រៅពីនេះជួយការពារជំងឺសើស្បែកផងដែរ ។
៤-ប្រឆាំងនឹងមហារីកលំពែង
ម្រះអាចរារាំងការផលិតគ្លុយកូស និងការរីកលូតលាស់របស់កោសិកាមហារីកលំពែង ។ ក្រៅពីនេះវាមានឥទ្ធិពលប្រឆាំងកោសិកាមហារីកថ្លើម ពោះវៀនធំ សុដន់ ក្រពេញពងស្វាស និងជួយលើការលាងឈាមបានទៀតផង ។
៥-ប្រឆាំងជំងឺទឹកនោមផ្អែម
មនុស្សយើងរមែងយល់ថា ម្រះមានរសជាតិល្វីង ធាតុពិតរារាំងលើការផលិតគ្លុយកូស(ស្ករ) ។
ដូច្នេះវាជាជម្រើសដ៏សំខាន់សម្រាប់មនុស្សយើងដែលកើតជំងឺទឹកនោមផ្អែម ក្នុងដំណាក់កាលដំបូង ហើយការទទួលម្រះអាចជួយកាត់បន្ថយជាតិស្ករក្នុងឈាមបានយ៉ាងល្អ ។
៦-ជាឱសថបុរាណ
ម្រះជាឱសថបុរាណដ៏ល្អមួយ ទោះបីជារសជាតិរបស់វាមិនសូវផ្តល់ឱជារសល្អដល់យើងក៏ដោយ ប៉ុន្តែវាអាចជួយបំបាត់អាការក្តៅក្នុង ស្រេកទឹក ព្យាបាលដំបៅក្នុងក្រពះ កាត់បន្ថយអាការហើមលើរាងកាយ បន្ថយអាការគ្រុនផ្តាសាយ និងជួយបន្ថយការឈឺជង្គង់របស់ចាស់ជរា ៕
ចែករំលែកព័តមាននេះ