បុរសម្នាក់លើកដៃសំពះអង្វរសមត្ថកិច្ច ប៉ុន្តែ…
ខេត្តបន្ទាយមានជ័យ ៖ សាច់មាន់ចម្រុះខូចគុណភាពជិត1តោនត្រូវបាន
ខេត្តបន្ទាយមានជ័យ ៖ សាច់មាន់ចម្រុះខូចគុណភាពជិត1តោនត្រូវបានមន្ត្រីកាំកុងត្រូលប៉ុស្តិ៍ច្រកទ្វារអន្តរជាតិប៉ោយប៉ែតធ្វើការស្ទាក់ចាប់បាន ហេតុការណ៍នេះកើតឡើងនៅរសៀលថ្ងៃទី21 ខែសីហា ឆ្នាំ2017 ស្ថិតនៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខណៈកម្មករអូសរទេះព្យាយាមអូសយកទៅបម្រុងឲ្យឈ្មួញ ដើម្បីដឹកបន្តទៅតាមបណ្តាខេត្ត។
សាច់មាន់ចម្រុះទាំងអស់ខាងលើមានចំនួន880គីឡូក្រាម ដឹកតាមរទេះដែកដោយឈ្មោះ ទូច ផល្លា ភេទប្រុស អាយុ47ឆ្នាំ ស្នាក់នៅសង្កាត់ប៉ោយប៉ែត។
បុរសខាងលើនិយាយថា សាច់មាន់ទាំងនេះ គាត់ស៊ីឈ្នួលដឹកឲ្យស្ត្រីម្នាក់នៅខេត្តបាត់ដំបង ហើយបុរសដដែលនោះបានលើកដៃសំពះអង្វរសុំក្តីមេត្តាពីមន្ត្រីកាំកុងត្រូល ដើម្បីយកសាច់ទាំងនេះដឹកបន្ត ប៉ុន្តែមន្ត្រីមិនអនុញ្ញាតិ ព្រោះវាប៉ះពាល់ដល់សុខភាពពលរដ្ឋ។
លោក ស៊ាន ស៊ីណាត ប្រធានសាខាកាំកុងត្រូលខេត្តប្រាប់កោះសន្តិភាពថា ក្រោយធ្វើកំណត់ហេតុ និងថ្លឹងរួចរាល់ ខាងលោកសហការជាមួយមន្ត្រី និងសមត្ថកិច្ចពាក់ព័ន្ធនៅមាត់ច្រកទ្វារអន្តរជាតិប៉ោយប៉ែត ដើម្បីយកសាច់ខូចគុណភាពទាំងនេះទៅដុតកម្ទេចចោលនៅរសៀលដដែលនេះដែរ៕
ចែករំលែកព័តមាននេះ