នាវាបុកជាមួយនាវាក្នុងដែនសមុទ្រ… បាត់ខ្លួន និងរបួសច្រើននាក់
នាវិកអាមេរិក១០នាក់បាត់ខ្លួន ហើយ៥នាក់ទៀតរងរបួស ដោយសារការបុកគ្នាកាលពីថ្ងៃទី២១ សីហា រវាងនាវាពិឃាតរបស់ពួកគេ និងនាវាដឹកប្រេងមួយក្នុង
នាវិកអាមេរិក១០នាក់បាត់ខ្លួន ហើយ៥នាក់ទៀតរងរបួស ដោយសារការបុកគ្នាកាលពីថ្ងៃទី២១ សីហា រវាងនាវាពិឃាតរបស់ពួកគេ និងនាវាដឹកប្រេងមួយក្នុង
សហរដ្ឋអាមេរិក-ប្រទេសសិង្ហបុរី ៖ នាវិកអាមេរិក១០នាក់បាត់ខ្លួន ហើយ៥នាក់ទៀតរងរបួស ដោយសារការបុកគ្នាកាលពីថ្ងៃទី២១ សីហា រវាងនាវាពិឃាតរបស់ពួកគេ និងនាវាដឹកប្រេងមួយក្នុងដែនទឹកសិង្ហបុរី ។ នេះជាឧប្បត្តិហេតុនៃការបុកគ្នាលើកទី២ ហើយរបស់នាវាចម្បាំងអាមេរិករយៈពេលតែ២ខែ ។
ក្នុងសេចក្តីប្រកាសមួយ កងម៉ារីនអាមេរិក US NAVY បញ្ជាក់ថា នាវាពិឃាតបាញ់មីស៊ីល USS JOHN MCCAIN បានបុកជាមួយនាវាដឹកប្រេង ALNIC MC នៅជិតច្រកសមុទ្រម៉ាឡាកា នាព្រឹកថ្ងៃទី២១ សីហា ។ របាយការណ៍ដំបូងៗគូសបញ្ជាក់ថា នាវា USS JOHN MCCAIN រងការខូចខាតផ្នែកខាងក្រោយ ។ តាមសេចក្តីប្រកាសថា បច្ចុប្បន្ននាវិក១០នាក់បាត់ខ្លួន ហើយ៥នាក់រងរបួស ។
អ្នករបួស៤នាក់បញ្ជូនតាមឧទ្ធម្ភាគចក្រទៅកាន់មន្ទីរពេទ្យសិង្ហបុរីមួយជាមួយរបួសស្រាលទេ រួចអ្នករបួសទី៥ ពុំចាំបាច់ធ្វើការត្រួតពិនិត្យរបស់ពេទ្យបន្ថែមឡើយ ។
ប្រតិបត្តិការតាមរុករកកំពុងធ្វើដោយរួមសហការជាមួយអាជ្ញាធរមូលដ្ឋាន ចំណែកនាវាចម្បាំងបើកឆ្ពោះទៅកំពង់ផែសិង្ហបុរី ។ គ្រោះថ្នាក់នេះជាកម្មវត្ថុនៃការស៊ើបអង្កេតមួយ ។
យោងតាមកងម៉ារីនអាមេរិកថា ប្រតិបត្តិការជួយសង្គ្រោះត្រូវបានធ្វើក្នុងតំបន់អាស៊ីអាគ្នេយ៍ក្រោយការបុកគ្នានេះដែលកើតមាននាវេលាម៉ោង៥និង២៤នាទីព្រឹកម៉ោងក្នុងស្រុក ខណៈនាវាពិឃាតនេះកំពុងបើកឆ្ពោះទៅកាន់កំពុងផែសិង្ហបុរី ។
ប្រទេសសិង្ហបុរីបានបញ្ជូននាវាសណ្តោង៣គ្រឿង និងនាវារបស់កងឆ្មាំឆ្នេរសមុទ្រ៤គ្រឿង រួចម៉ាឡេស៊ី ដែលរដ្ឋ JOHOR ស្ថិតនៅក្បែរកន្លែងនាវាបុកគ្នាបានបញ្ជូននាវា៨គ្រឿង ហើយនិងយន្តហោះ១គ្រឿងផងដែរ ។ ឧទ្ធម្ភាគចក្រអាមេរិក១គ្រឿងក៏ចូលរួមក្នុងការរុករក ចំណែកយន្តហោះអាមេរិក២គ្រឿងរង់ចាំមកកាន់តំបន់នេះនាពេលបន្តិចទៀត ។
ប្រធានាធិបតីអាមេរិក លោកដូណាល់ ត្រាំ ថ្លែងទៅកាន់ក្រុមអ្នកកាសែតពីការបុកគ្នានេះថា ជាការគួរឱ្យសោកស្តាយ ។
នាវាដែលបុកជាមួយនាវាពិឃាតអាមេរិកនេះជានាវាដឹកប្រេងដោតទង់ជាតិលីបេរីយ៉ា ប្រើសម្រាប់ដឹកប្រេង និងផលិតផលគីមី ហើយមានចំណុះដល់៣០.០០០តោន ។
នេះជាការបុកគ្នាលើកទី២របស់នាវាចម្បាំងអាមេរិកចន្លោះពេលគ្នាតែ២ខែ ។ កាលពីថ្ងៃទី១៧ មិថុនា នាវិកអាេមរិក៧នាក់ស្លាប់ ដោយសារការបុកគ្នារវាងនាវាពិឃាត USS FITZGERALD និងនាវាដឹកកុងតឺន័រមួយដោតទង់ជាតិហ្វ៊ីលីពីន ក្នុងដែនទឹកនៃទីក្រុងយូកូហាម៉ា ជប៉ុន ៕
ចែករំលែកព័តមាននេះ