ហេតុការណ៍ដ៏រន្ធត់ដែលគ្រួសារអត់អាចសប្បាយទៀតបាន… ខណៈកំពុងលេងទឹកជ្រោះ
កូនប្រុសមន្ត្រីអាវុធហត្ថខេត្តម្នាក់ បានស្លា.ប់បាត់បង់ជីវិតយ៉ាងអាណោចអាធ័ម
កូនប្រុសមន្ត្រីអាវុធហត្ថខេត្តម្នាក់ បានស្លា.ប់បាត់បង់ជីវិតយ៉ាងអាណោចអាធ័ម
ខេត្តកំពង់ស្ពឺ ៖ កូនប្រុសមន្ត្រីអាវុធហត្ថខេត្តម្នាក់ បានស្លាប់បាត់បង់ជីវិតយ៉ាងអាណោចអាធ័ម ដោយបោកផ្ទប់នឹងផ្ទាំងថ្ម ហើយត្រូវទឹកជ្រោះហូរកួចយកទៅបាត់ ខណៈក្មេងប្រុសទៅមុជទឹកកម្សាន្តជាមួយក្រុមគ្រួសារនៅទឹកធ្លាក់ជ្រាវ ស្ថិតក្នុងភូមិតាំងសំរោង ឃុំអមលាំង ស្រុកថ្ពង ។
ក្មេងប្រុសរងគ្រោះឈ្មោះក្រឹន សុខសម្បត្តិ អាយុ១២ឆ្នាំ រស់នៅភូមិផ្សារសាមគ្កី សង្កាត់កណ្ដោលដុំ ក្រុងច្បារមន ។ លោកវរសេនីយ៍ទោ ហ៊ុន សុខហុន អធិការនគរបាលស្រុកថ្ពងថ្លែងថា ករណីនេះកើតឡើងកាលពីវេលាម៉ោង៣រសៀលថ្ងៃទី១៩ ខែសីហា នៅតំបន់ទេសចរណ៍ទឹកធ្លាក់ជាន់ទី២ ភ្នំជ្រាវ ស្ថិតក្នុងភូមិតាំងសំរោង ឃុំអមលាំង ស្រុកថ្ពង ។
អ្នកលក់ម្ហូបអាហារនៅទីនោះរៀបរាប់ថាមុនពេលកើតហេតុ ក្មេងប្រុសរងគ្រោះព្រមទាំងក្រុមគ្រួសារបាននាំគ្នាទៅលេងកម្សាន្ត ហូបបាយ និងមុជទឹកលេងដូចអ្នកទេសចរផ្សេងៗទៀតដែរ។ ពេលកំពុងមុជទឹកលេងនោះ ក្មេងប្រុសរងគ្រោះបានរអិលដួលបោកទៅនឹងថ្មហើយ ធ្លាក់ចូលក្ទុងទឹកកួចនាំយកទៅបាត់ រហូតដល់វេលាម៉ោង៤និង៣០នាទីល្ងាចថ្ងៃដដែល ទើបឃើញសពអណ្តែតមកទើរនៅចំណុចក្បាលបូមទឹកដែលមានចម្ងាយប្រមាន៥០០ម៉ែត្រពីកន្លែងធ្លាក់ ។
ដោយឡែក ប្រភពផ្សេងទៀតនិយាយថា មុនពេលកើតហេតុ ក្មេងប្រុសរងគ្រោះបានឡើងទៅកាន់ចំណុចទឹកធ្លាក់ជាន់ទី២ ដោយមុជទឹកលេងជាមួយអ្នកផ្សេងៗទៀតជាច្រើននាក់ ។ ពេលនោះដោយសារមេឃងងឹត ខាងសហគមន៍ដែលគ្រប់គ្រងតំបន់ទឹកធ្លាក់ និងសមត្ថកិច្ចនៅទីនោះ បានដាស់តឿនដល់អ្នកទេសចរគ្រប់រូបឲ្យមានការប្រុងប្រយ័ត្ន ព្រោះតែពិនិត្យឃើញថា ទឹកអាចធ្លាក់មកយ៉ាងគំហុកដែលអាចប៉ះពាល់ដល់អាយុជីវិតព្រោះ ទឹកហូរខ្លាំង ។
ក្រោយពីមានការដាស់តឿន អ្នកមុជទឹកកម្សាន្តទាំងនោះក៏បានឡើងពីទឹកមករកកន្លែងសុវត្ថិភាព ដោយឡែក ក្មេងប្រុសរងគ្រោះមិនបានឡើងទេ ស្រាប់តែទឹកបានហូរធ្លាក់ពីដំណាក់ខាងលើយ៉ាងគំហុក ដោយសារតែមានភ្លៀងធ្លាក់នៅតំបន់លើភ្នំ ធ្វើឱ្យក្មេងប្រុសរងគ្រោះរត់រកកន្លែងសុវត្ថិភាពមិនទាន់ក៏ត្រូវទឹកហូរកួចយកទៅបាត់តែម្តង ។
ក្រោយកើតហេតុ សមត្ថកិច្ចប្រចាំគោលដៅនិងខាងសហគមន៍ បានចុះអន្តរាគមន៍រកក្មេងប្រុសរងគ្រោះភ្លាមៗដែរតែរកមិនឃើញ គឺទាល់តែរហូតដល់ម៉ោង៤កន្លះល្ងាចថ្ងៃដដែលទើបរកសពឃើញ ហើយសមត្ថកិច្ចក៏បានបំពេញឯកសារប្រគល់ជូនក្រុមគ្រួសារយកទៅធ្វើបុណ្យ តាមប្រពៃណីនៅឯស្រុកកំណើត ដោយមិននឹកស្មានថា សប្បាយក្លាយជាទុក្ខបែបនេះឡើយ ។
សូមរំឭកថា ជារៀងរាល់ឆ្នាំអ្នកទេសចរដែលទៅកម្សាន្តនៅទឹកធ្លាក់ជ្រាវនេះ តែងតែមានអ្នកបាត់បង់អាយុជីវិត ប្រសិនបើអ្នកទាំងនោះមិនស្តាប់តាមការណែនាំរបស់សមត្ថកិច្ចទេនោះ ។ ដោយឡែកអ្នកខ្លះទៀតលើកឡើងថា កន្លែងទឹកធ្លាក់ជ្រាវនេះមានជើងកបចាំឆក់យកជីវិតអ្នកទៅកម្សាន្តជារៀងរាល់ឆ្នាំមិនដែលខានឡើយតែការពិត ជើងកបនោះវាកើតឡើងដោយសារតែអ្នកទៅមុជទឹកជ្រោះខ្វះស្មារតីប្រុងប្រយ័ត្នតែប៉ុណ្ណោះ ។
ជុំវិញហេតុការណ៍ដែលបានកើតឡើងនេះ ក៏ជាសារមួយប្រាប់ដល់មន្ទីរជំនាញក្នុងខេត្ត ដើម្បីរៀបចំធ្វើបែបណាកុំឱ្យរមណីយដ្ឋានទឹកធ្លាក់នេះកើតមានគ្រោះថ្នាក់តទៅទៀត ។ កន្លែងកម្សាន្តដែលមានការធានាសុវត្ថិភាព ទើបមានភាពកក់ក្តៅសម្រាប់អ្នកទេស
ចរ ៕
ចែករំលែកព័តមាននេះ