រាជធានីភ្នំពេញ ៖ តារាចម្រៀងក្នុងផលិតកម្មអឹម លោកសន វិជ្ជបុត្រ បានធ្វើឱ្យប្រជាពលរដ្ឋនៅអាមេរិក បារាំង អូស្ត្រាលី និងមួយចំនួនទៀត មានការជឿទុកចិត្តក្នុងសកម្មភាពមនុស្សធម៌ រហូតផ្តល់នូវថវិកាមួយចំនួនមកដល់ដៃលោក គ្រាដែលតារារូបនេះ នៅ
រាជធានីភ្នំពេញ ៖ តារាចម្រៀងក្នុងផលិតកម្មអឹម លោកសន វិជ្ជបុត្រ បានធ្វើឱ្យប្រជាពលរដ្ឋនៅអាមេរិក បារាំង អូស្ត្រាលី និងមួយចំនួនទៀត មានការជឿទុកចិត្តក្នុងសកម្មភាពមនុស្សធម៌ រហូតផ្តល់នូវថវិកាមួយចំនួនមកដល់ដៃលោក គ្រាដែលតារារូបនេះ នៅតែបង្កើតការគិតគូរដល់អ្នកទីទ័លក្រីក្រតាមបណ្តាស្រុកភូមិនោះ ។
ជាក់ស្តែង កាលពីថ្ងៃទី២០ សីហា កន្លងទៅ លោកសន វិជ្ជបុត្រ បានដឹកនាំតារាមួយក្រុម យកអំណោយទៅចែកដល់ប្រជាពលរដ្ឋក្រីក្រជាច្រើនគ្រួសារនៅស្រុកបាភ្នំ ក្រោមវត្តមានព្រះចៅអធិកាវត្តពុទ្ឋបរិស័ទជាច្រើនរូប ។ ជាមួយគ្នានោះដែរ គេឃើញមានវត្តមានតារាចម្រៀងកញ្ញាអេណា តារាសម្តែងលោកគន់ រៀមរតនៈហៅចែរ៉ូហ្សា ។ ការចែកអំណោយនេះ ធ្វើនៅវត្តធម្មសំមិត្តារាម ស្ថិតនៅភូមិព្រៃផ្ទិត ឃុំធាយ ស្រុកបាភ្នំ ខេត្តព្រៃវែង ។ ប្រជាជនក្រីក្រចំនួន២៥គ្រួសារ ជាអ្នកគ្មានទីពឹងដែលខ្លះត្រូវឪពុករត់ចោលម្តាយយរត់ចោលកូនជីដូនប្រឹងរស់ដើម្បីចិញ្ចឹមចៅជាដើម។
លោកសន វិជ្ជបុត្របានថ្លែងថាអំណោយដែលមានក្នុងដៃនេះលោកបានពីសប្បុរជននានាក្នុងនិងក្រៅស្រុកមានលោកគឹម វុទ្ឋី និងលោកឡេង ផល្លារស់នៅអាមេរិកនិងម្តាយធម៌ជាអាជីវករលក់ខោអាវនៅផ្សារអូឡាំពិក។ប្រជាពលរដ្ឋដែលបានមកទទួលនេះ១គ្រួសារបានមី១កេះ ទឹកត្រី១យួរ ទឹកស៊ីអ៊ីវ១យួរ ត្រីខ១យួរនិងថវិការមួយចំនួន ។ចំពោះក្មេងៗនិងលោកតាលោកយាយដែលអញ្ជើញមកវត្តជាមួយជាង១០០នាក់ទទួលបានដូចគ្នាមានខោអាវ ទឹកសម្រង ភេសជ្ជៈនិងថវិកាខ្លះផងដែរ ។
នេះមិនមែនជាលើកទី១នោះទេដែលលោកបានរំលេចការចែកអំណោយទាំងនេះហើយធ្លាប់ធ្វើជាការបុកអណ្តូងនិងផ្ទះជូនអ្នកក្រីក្រ។ធាតុពិតលោកគ្មានប្រាក់ក្នុងដៃសម្រាប់ចែកជូនបែបនេះទេតែកើតចេញពីទឹកចិត្តទើបលោកចេះតែអំពាវនាវក្នុងនិងក្រៅប្រទេសរហូតម្ចាស់ទានគេអាណិតបានទុកចិត្តផ្តល់ថវិកាឲ្យលោកបានចែកដោយផ្ទាល់ហើយនិងបន្តសកម្មភាពនេះទៀតនៅពេលមានការជួយថ្មីៗមិនឈប់ឡើយដើម្បីសាងអ្វីដែលល្អក្នុងសង្គមទុកថ្ងៃក្រោយ។
ចែករំលែកព័តមាននេះ