រាជធានីភ្នំពេញ ៖ កាលពីព្រឹកថ្ងៃទី១៧ សីហា ក្រុមជំនួយការលោកហ៊ុន ម៉ាណែត បាននាំយកអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈលោក ហ៊ុន ម៉ាណែត ប្រគេនជូន ព្រះតេជគុណ បណ្ឌិត ហេង គង់ នូវស៊ីម៉ងតិ៍៣០តោន សម្រាប់កសាងមន្ទីពេទ្យព្រះសង្ឃ ស្ថិតនៅក្នុងភូមិគ្រួស សង្កាត់សំរោង ខណ្ឌព្រែកព្នៅ រាជធានីភ្នំពេញ ។
ព្រះតេជគុណបណ្ឌិត ហេង គង់ បានមានពុទិ្ធដីកាប្រគេនពរ និងថ្លែងអំណរគុណយ៉ាងជ្រាលជ្រៅ ចំពោះសម្តេចអគ្គមហាសេនាបតីតេជោ និងសម្តេចកិត្តិព្រឹទ្ធបណ្ឌិត ដែលបានចូលរួមចំណែកដ៏ថ្លៃថ្លាបំផុតក្នុង ព្រះពុទ្ធសាសនា និងចូលរួមជាស៊ីម៉ងត៍សម្រាប់ការកសាងមន្ទីពេទ្យព្រះសង្ឃថ្មី ដែលកំពុងតែជួបបញ្ហាខ្វះខាតនាពេលនេះ ។
ព្រះតេជគុណ បណ្ឌិត ហេង គង់ បានបញ្ជាក់ថា មន្ទីរពេទ្យព្រះសង្ឃថ្មីនេះ បានចាប់ផ្តើមកសាងនៅអំឡុងឆ្នាំ២០០៤ ក្នុងផ្ទៃដីសរុបចំនួន២ហចិតា តែដោយមន្ទីពេទ្យមានការខ្វះខាត ក៏អូសបន្លាយការសាងសង់រហូតមកដល់ពេលបច្ចុប្បន្ននេះ ។
ចែករំលែកព័តមាននេះ