ហ៊ឺ… ធ្វើបាបនាងម្ល៉េះលោក បើមិនព្រមរកផ្សេងទៀតទៅ
ស្ត្រីរកស៊ីផ្លូវភេទសម្បូរសាច់ម្នាក់
រាជធានីភ្នំពេញ ៖ ស្ត្រីរកស៊ីផ្លូវភេទសម្បូរសាច់ម្នាក់ បានត្រូវបុរសជាអ្នករត់រ៉ឺម៉កម៉ូតូម្នាក់នាំទៅរួមរ័កនៅផ្ទះសំណាក់ក្នុងតម្លៃ២ម៉ឺនរៀល ប៉ុន្តែពេលដឹកដល់ពាក់កណ្តាលផ្លូវនាងប្រកែកមិនព្រមទៅជាមួយ ក៏ដកដាវកាប់នាងឲ្យរងរបួសដៃទាំងសងខាង ។ ករណីនេះ បានកើតឡើងកាលពីវេលាម៉ោង៣និង៤០នាទីទៀបភ្លឺថ្ងៃទី២០ ខែសីហា នៅតាមផ្លូវលេខ២៧៣ ត្រង់ចំណុចមុខក្រុមហ៊ុនសន្តិសុខហ្គារូដា ភូមិទួលគោក សង្កាត់ទួលសង្កែ ខណ្ឌឫស្សីកែវ ។
ស្ត្រីរងគ្រោះមានអាយុ៣០ឆ្នាំ ប្រកបរបរផ្លូវភេទនៅម្តុំវត្តភ្នំ ស្នាក់នៅបន្ទប់ជួលតាមផ្លូវរថភ្លើង បានរបួសដៃឆ្វេងដេរជាង១០ថ្នេរ និងដៃស្តាំត្រូវមួយដាវដែរតែអត់មុតគ្រាន់តែប៉ោងជាំខ្មៅ ។ ចំណែកឯបុរសដែលបង្កហិង្សា មានអាយុជាង៤០ឆ្នាំ មិនត្រូវបានគេស្គាល់ឈ្មោះទេ ។ស្ត្រីរងគ្រោះបានឱ្យដឹងថា មុនពេលកើតហេតុនាងបានអង្គុយចាំហៅម៉ូយនៅម្តុំវត្តភ្នំ ហើយខណៈនោះស្រាប់តែបុរសខាងលើជិះរ៉ឺម៉កម៉ូតូម្នាក់ឯងមករករូបនាង ហើយសួរថាទៅដេកជាមួយរូបគេយកប៉ុន្មាន? នាងប្រាប់ថា៣ម៉ឺនរៀល តែជននោះសុំត្រឹម២ម៉ឺនរៀលហើយនាងក៏ព្រម រួចហើយក៏ឡើងជិះរ៉ឺម៉កម៉ូតូ ។
ខណៈទៅដល់ចំណុចខាងលើ នាងបានប្រាប់ជននោះថា ឈប់ត្រង់ហ្នឹងហើយរកដេកនៅផ្ទះសំណាក់ម្តុំហ្នឹងហើយជិតផ្ទះ តែបុរសនេះមិនព្រមឈប់ដោយនិយាយប្រាប់នាងថាទ ៅដេកនៅផ្ទះសំណាក់ម្តុំអង់តែនវិញ ។ ពេលនោះនាងបានទាញកអាវបុរសនេះឱ្យឈប់ ធ្វើឱ្យរូបគេខឹងច្រឡោតយ៉ាងខ្លាំងក៏ឈប់រ៉ឺម៉កម៉ូតូអែបខាង ហើយជេរប្រមាថរូបនាងរួចស្ទុះទៅទាញដាវដែលគេសៀតទុកនៅនឹងដំបូលរឺុម៉កមកកាប់ក្បាលនាងចំនួនពីរដាវ តែនាងយកដៃរងទើបបណ្តាលឱ្យត្រូវដៃទាំង២បែបនេះ ។
ពេលបញ្ចេញកំហឹងលើរូបនាងរួចហើយជននេះក៏គេចខ្លួនបាត់ទៅ ។ ចំណែករូបនាងត្រូវបានពលរដ្ឋដែលភ្ញាក់ផ្អើល ហៅរថយន្តសង្គ្រោះដឹកទៅព្យាបាលនៅគ្លីនិកឯកជនមួយ។ ការមិនបណ្តោយខ្លួនទៅតាមជននោះក៏ជាការល្អម្យ៉ាងដែរ ព្រោះថាជននោះអាចមានគម្រោងអាក្រក់ក៏ថាបាន ដែលស្ត្រីប្រកបរបរផ្លូវភេទមួយចំនួនធ្លាប់ជួបប្រទះ ដោយមានក្រុមបុរសផ្សេងទៀតចាំក្នុងបន្ទប់រួចជាស្រេច បន្ទាប់ពីនាំនាងៗទៅដល់ក្នុងបន្ទប់គឺប្រៀបដូចចូលរូងខ្លា ៕
ចែករំលែកព័តមាននេះ