រថយន្តដឹកដីបុកម៉ូតូកិនបាក់ជើង និង…
រាជធានីភ្នំពេញ ៖ បុរសម្នាក់កំពុងជិះម៉ូតូ ត្រូវបានរថយន្តបែនដឹកដីបត់បុកកិនម៉ូតូបណ្តាលឲ្យ
រាជធានីភ្នំពេញ ៖ បុរសម្នាក់កំពុងជិះម៉ូតូ ត្រូវបានរថយន្តបែនដឹកដីបត់បុកកិនម៉ូតូបណ្តាលឲ្យ
រាជធានីភ្នំពេញ ៖ បុរសម្នាក់កំពុងជិះម៉ូតូ ត្រូវបានរថយន្តបែនដឹកដីបត់បុកកិនម៉ូតូបណ្តាលឲ្យរងរបួសធ្ងន់បាក់ជើងស្តាំ ហើយរថយន្តបើករត់គេចទៅបាត់ កាលពីវេលាម៉ោង០៨និង១០នាទីយប់ ថ្ងៃទី២០ ខែសីហា ឆ្នាំ២០១៧ ស្ថិតនៅតាមបណ្តោយផ្លូវជាតិលេខ៣ មុខស្ថានីយប្រេងឥន្ទនៈ សម ប្រាថ្នា ភូមិព្រៃព្រីងត្បូង សង្កាត់ចោមចៅ ខណ្ឌពោធិសែនជ័យ ។
ជនរងគ្រោះមានឈ្មោះ ឡាញ់ វីរៈ ភេទប្រុស អាយុ៣០ឆ្នាំ មុខរបរជាបុគ្គលិកក្រុមហ៊ុនផលិតឱសថ PPM មានទីលំនៅភូមិប្រឡាយ ឃុំបឹងខ្យាង ស្រុកកណ្តាលស្ទឹង ខេត្តកណ្តាល រងរបួសបាក់ជើងស្តាំ ។
ជនរងគ្រោះជិះម៉ូតូមួយគ្រឿងម៉ាក ហុងដា សេ១២៥ ស៊េរី២០១៥ ពាក់ស្លាកលេខ កណ្តាល ១P-៤១៧៦ ។
តាមប្រភពបានឲ្យដឹងថា ៖ មុនកើតហេតុ ជនរងគ្រោះជិះពីជើងទៅត្បូងលុះបើកមកដល់ចំណុចខាងលើ មានផ្លូវបែកជា៣ ស្រាប់តែរថយន្តបែនធុនធំ បើកពីជើងត្បូងស្របគ្នា ហើយបត់ស្តាំ ផ្លូវមួយទៀត ដោយបទលឿនពេក បានកិនម៉ូតូរងគ្រោះ ចំកង់ផ្នែកខាងក្រោយ ហើយកិនចំម៉ូតូរងគ្រោះផ្នែកខាងស្តាំ ចំណែកជនរងគ្រោះព្យាយាមខំគេចមកឆ្វេងតែមិនផុត ត្រូវបានរថយន្តបើកកិន បណ្តាលឲ្យរងរបួសបាក់ជើងស្តាំ ម៉ូតូបាក់ដាច់បំពង់ស៊ីម៉ាំងខ្ទេចមួយចំហៀង ហើយរថយន្តបង្កបន្តបើករត់គេចទៅបាត់ ។
ក្រោយកើតហេតុ ជនរងគ្រោះត្រូវបានរថយន្តសង្គ្រោះរបស់អង្គភាព៧១១ ដឹកបញ្ជូនទៅមន្ទីរពេទ្យព្រះកុសុមៈ ភ្លាមៗផងដែរ ឬឯម៉ូតូរងគ្រោះត្រូវបាននគរបាលយកទៅរក្សាទុកនៅប៉ុស្តិ៍ចោមចៅ ៕
ចែករំលែកព័តមាននេះ