តៃវ៉ាន់ គ្រោងនឹងបញ្ជូនទាហាន៥០០នាក់ ទៅហ្វឹកហាត់នៅសហរដ្ឋអាមេរិក
រដ្ឋាភិបាលកោះតៃវ៉ាន់ គ្រោងនឹងបញ្ជូនអង្គភាពកម្រិតកងវរសេនាតូច យ៉ាងតិច ៥០០នាក់ទៅហ្វឹកហាត់នៅសហរដ្ឋអាមេរិកក្នុងឆ្នាំ២០២៣ ដែលជាចំនួនច្រើនជាងឆ្នាំមុនៗ។ កាសែត South China Morning Post…
រដ្ឋាភិបាលកោះតៃវ៉ាន់ គ្រោងនឹងបញ្ជូនអង្គភាពកម្រិតកងវរសេនាតូច យ៉ាងតិច ៥០០នាក់ទៅហ្វឹកហាត់នៅសហរដ្ឋអាមេរិកក្នុងឆ្នាំ២០២៣ ដែលជាចំនួនច្រើនជាងឆ្នាំមុនៗ។
កាសែត South China Morning Post បានរាយការណ៍ពី ទីភ្នាក់ងារសារព័ត៌មានកណ្តាល របស់តៃវ៉ាន់ ថា ទាហានប្រហែល៥០០នឹងទៅដល់សហរដ្ឋអាមេរិក ក្នុងពាក់ឆមាសទី២នៃឆ្នាំ២០២៣។ វគ្គហ្វឹកហ្វឺនទាហាននៅសហរដ្ឋ អាមេរិកគឺជាផ្នែកមួយនៃកម្មវិធីផ្លាស់ប្តូរយោធារវាងសហរដ្ឋអាមេរិកនិងកោះតៃវ៉ាន់។
រដ្ឋាភិបាលចិន នៅមិនទាន់បានឆ្លើយតបនឹងព័ត៌មានដែលថា តៃវ៉ាន់បានបញ្ជូនទាហានទៅសហរដ្ឋអាមេរិកដើម្បីធ្វើការហ្វឹកហ្វឺននោះទេ។ ក្រសួងការពារជាតិតៃវ៉ាន់ បានបដិសេធមិនធ្វើអត្ថាធិប្បាយលើរបាយការណ៍នៃការបញ្ជូនទាហានទៅសហរដ្ឋអាមេរិកសម្រាប់ការហ្វឹកហាត់៕
ចែករំលែកព័តមាននេះ