រថយន្ត និងរ៉ឺម៉កម៉ូតូពន្លះគ្នាពេញទំហឹង
រាជធានីភ្នំពេញ ៖ បុរសម្នាក់ស្រវឹងស្រាបើករថយន្តលឿនពេកជ្រុលទៅបុករ៉ឺម៉កម៉ូតូចំពីមុខពេញទំហឹង
រាជធានីភ្នំពេញ ៖ បុរសម្នាក់ស្រវឹងស្រាបើករថយន្តលឿនពេកជ្រុលទៅបុករ៉ឺម៉កម៉ូតូចំពីមុខពេញទំហឹង បណ្តាលឲ្យក្រឡាប់ផ្ងារជើង រងរបួសធ្ងន់អ្នកអង្គុយពីក្រោយចំនួន៤នាក់ ត្រូវរថយន្តសង្គ្រោះរបស់មន្ទីរពេទ្យកាល់ម៉ែត ដឹកយកទៅព្យាបាល ហេតុការណ៍នេះ បានកើតឡើងកាលពីវេលាម៉ោង០៩និង១០នាទីយប់ ថ្ងៃទី២០ ខែសីហា ឆ្នាំ២០១៧ តាមបណ្តោយផ្លូវ៤៧ នៅចំណុចមុខមន្ទីរពេទ្យកេតុមាលា ស្ថិតនៅក្នុងសង្កាត់ស្រះចក ខណ្ឌដូនពេញ ។
សាក្សីដែលឃើញហេតុការណ៍ បានឲ្យដឹងថា ៖ មុនពេលកើតហេតុ គេបានឃើញបុរសម្នាក់ជាអ្នករត់រ៉ឺម៉កម៉ូតូដឹកម៉ូយរងរបួសដោយសារគ្រោះថ្នាក់ចរាចរណ៍ចេញពីមន្ទីរពេទ្យព្រះកេតុមាលា បានបើកចេញមកវិញឆ្លងផ្លូវ ក្នុងទិសដៅពីជើងទៅត្បូង ខណៈពេលមកដល់ចំណុចកើតហេតុ ក៏ស្រាប់តែមានបុរសម្នាក់បើករថយន្ត ពណ៌ទឹកប្រាក់ ពាក់ស្លាកលេខ ភ្នំពេញ ២AD-៣១៦៤ បើកបរតាមបណ្តោយផ្លូវ៤៧ ក្នុងទិសដៅពីត្បូងទៅជើង បើកក្នុងល្បឿនយ៉ាងលឿនដូចហោះ ជ្រុលទៅបុករ៉ឺម៉កម៉ូតូចំធុងទឹកពេញទំហឹង បណ្តាលឲ្យរ៉ឺម៉កក្រឡាប់ផ្ងារជើង រងរបួសធ្ងន់អ្នកអង្គុយពីក្រោយចំនួន៤នាក់ ចំណែកឯរថយន្តបង្កខូចខាតបែកស្តុបខាងឆ្វេងផ្នែកខាងមុខ ភ្លាមៗនោះដែរ រថយន្តសង្គ្រោះរបស់មន្ទីរពេទ្យកាល់ម៉ែត បានមកដល់ដឹកយកជនរងគ្រោះយកទៅព្យាបាល ។
ក្រោយពេលកើតហេតុ រថយន្ត និងរ៉ឺម៉កម៉ូតូ ត្រូវសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ផ្លូវគោក រងចាំដោះស្រាយនៅពេលក្រោយទៀត ៕
ចែករំលែកព័តមាននេះ