ភេទទី៣ឃើញអ្នកបើករ៉ឺម៉កម៉ូតូស្រវឹងស្រាដេកលើរ៉ឺម៉កឡើងទៅស្ទាបអង្អែល
រាជធានីភ្នំពេញ ៖ បុរសម្នាក់ជាអ្នករត់រ៉ឺម៉កម៉ូតូស្រវឹងស្រាឈប់រ៉ឺម៉កម៉ូតូដេកនៅជិតផ្សារទំនើបសូរិយា
រាជធានីភ្នំពេញ ៖ បុរសម្នាក់ជាអ្នករត់រ៉ឺម៉កម៉ូតូស្រវឹងស្រាឈប់រ៉ឺម៉កម៉ូតូដេកនៅជិតផ្សារទំនើបសូរិយា
រាជធានីភ្នំពេញ ៖ បុរសម្នាក់ជាអ្នករត់រ៉ឺម៉កម៉ូតូស្រវឹងស្រាឈប់រ៉ឺម៉កម៉ូតូដេកនៅជិតផ្សារទំនើបសូរិយា ត្រូវភេទទី៣ម្នាក់ មិនស្គាល់អត្តសញ្ញាណ បានជិះម៉ូតូទៅឈប់ជិត ហើយឡើងទៅស្ទាបអង្អែលគោលបំណងចង់បន្លំលួចយកកាបូបលុយ និងទូរស័ព្ទដៃ ត្រូវម្ចាស់គេចាប់ដៃទាន់វាយ២ទៅ៣ដៃ បណ្តាលឲ្យរងរបួសយ៉ាងដំណំ ហេតុការណ៍នេះបានកើតឡើងកាលពីវេលាម៉ោង០១និង២០នាទីរំលងអធ្រាត្រ ឈានចូលថ្ងៃទី២១ ខែសីហា ឆ្នាំ២០១៧ តាមបណ្តោយផ្លូវ៦៣កែងផ្លូវ១៥៤ នៅចំណុចជិតនឹងផ្សារទំនើបសូរិយា ស្ថិតនៅក្នុងសង្កាត់ផ្សារថ្មី៣ ខណ្ឌដូនពេញ ។
សាក្សីដែលឃើញហេតុការណ៍ បានឲ្យដឹងថា ៖ មុនពេលកើតហេតុ គេបានឃើញបុរសម្នាក់ជាអ្នករត់រ៉ឺម៉កម៉ូតូ មិនស្គាល់អត្តសញ្ញាណ វ័យជា៣០ឆ្នាំ ស្រវឹងស្រាបើករ៉ឺម៉កម៉ូតូមកឈប់នៅចំណុចកើតហេតុខាងលើ គោលបំណងឈប់រ៉ឺម៉កម៉ូតូដេកនៅតាមចិញ្ចើមផ្លូវ បានមួយសន្ទុះ ក្រោយមក ក៏ស្រាប់តែមានបុរសជាជនសង្ស័យម្នាក់ ជិះម៉ូតូម៉ាកហុងដាឌ្រីម ពណ៌ខ្មៅ ស៊េរី២០១០ មកឈប់នៅក្បែរហើយឡើងទៅស្ទាបអង្អែលបុរសរត់រ៉ឺម៉កម៉ូតូ ដែលគាត់រៀងស្រវឹងផងនោះ ដើម្បីឲ្យគាត់មានអារម្មណ៍ ហើយចង់បន្លំលួចយកកាបូបលុយ និងទូរស័ព្ទដៃម៉ាកNokia ប៉ុន្តែត្រូវម្ចាស់រ៉ឺម៉កម៉ូតូដឹងខ្លួនទាន់ ចាប់ដៃបាន ហើយសួរគាត់ថា ម៉េចបានជាមកស្ទាបគាត់អញ្ចឹង ហើយជនសង្ស័យតបថា ចង់ធ្វើសរសៃរឲ្យត្រូវម្ចាស់រ៉ឺម៉កម៉ូតូខឹងវាយ២ទៅ៣ដៃ បណ្ដាលឲ្យបែកមាត់ ។
បើតាមសម្ដីរបស់សាក្សីនៅម្តុំនោះ គាត់ក៏បានបន្តទៀតថា ៖ ជនសង្ស័យនេះ ជាមនុស្សភេទទី៣ គាត់ឡើងលើរ៉ឺម៉កម៉ូតូស្ទាបអង្អែល ដើម្បីឲ្យមានអារម្មណ៍ ពីព្រោះឃើញអ្នកបើករ៉ឺម៉កម៉ូតូស្រវឹងស្រា ។
ក្រោយពេលកើតហេតុ បុរសជាអ្នករត់រ៉ឺម៉កម៉ូតូ មិនចង់មានរឿងច្រើន ក៏ឲ្យជិះម៉ូតូចេញទៅបាត់ ដោយសារតែគាត់ឃើញអត់មានបាត់បង់ព្រទ្យសម្បត្តិអីនោះឡើយ ៕
ចែករំលែកព័តមាននេះ