សង្ខារមិនទៀងស្លា.ប់ទាំងវ័យក្មេង…
រាជធានីភ្នំពេញ ៖ យុវជនម្នាក់ បើកម៉ូតូលឿនមិនប្រយ័ត្នជ្រុលទៅ
រាជធានីភ្នំពេញ ៖ យុវជនម្នាក់ បើកម៉ូតូលឿនមិនប្រយ័ត្នជ្រុលទៅបុកសត្វគោមួយក្បាលដើរឆ្លងផ្លូវ បណ្ដាលបោកក្បាលនឹងថ្នល់បាក់.កស្លាប់ភ្លាមៗ គួរឲ្យអាណោចអាធ័ម ហេតុការណ៍នេះបានភ្ញាក់ផ្អើលកើតឡើង កាលនៅវេលាម៉ោង០៨និង២០នាទីយប់ ថ្ងៃទី២០ ខែសីហា ឆ្នាំ២០១៧ ស្ថិតនៅមុខកន្លែងលក់អង្ករខ្មែរធម្មជាតិ តាមបណ្ដោយផ្លូវបេតុង នៅចំណុចភូមិ១ សង្កាត់ឃ្មួញ ខណ្ឌសែនសុខ ។
សពជនរងគ្រោះមានឈ្មោះ ឈិត ពេជ្រពន្លឺ ភេទប្រុស អាយុ១៧ឆ្នាំ មុខរបរកម្មករជាងដែក ស្នាក់នៅភូមិសែនសុខ២ សង្កាត់ឃ្មួញ ខណ្ឌសែនសុខ ។
យោងតាមព័ត៌មានពីកន្លែងកើតហេតុ បានឲ្យដឹងថា ៖ មុនពេលកើតហេតុ គេឃើញជនរងគ្រោះជិះម៉ូតូម៉ាកវ៉េវ ពណ៌ខ្មៅ បើកបរពីជើងទៅត្បូង ខណៈមកដល់ចំណុចកើតហេតុខាងលើ ស្រាប់តែមានសត្វគោមួយក្បាលកំពុងដើរឆ្លងផ្លូវ ម៉ូតូចាប់ហ្វ្រាំងមិនទាន់ បានបុកគោពេញទំហឹង បណ្ដាលបោកក្បាលបាក់.កស្លាប់ ក្នុងថ្លុកឈាម ។
ក្រោយកើតហេតុ ប្រជាពលរដ្ឋបានទូរស័ព្ទហៅរថយន្តសង្គ្រោះដែរ ប៉ុន្តែយូរមកដល់ពេក បណ្ដាលឲ្យហូរឈាមតាមច្រមុះរហូតដាច់ខ្យល់ស្លាប់នៅកន្លែងកើតហេតុ ឬឯសត្វគោវិញត្រូវគេចាប់ទុកនៅផ្ទះមេភូមិសែនសុខ១ រង់ចាំម្ចាស់គោមកដោះស្រាយ ។ ដោយឡែកជំនាញចរាចរណ៍ខណ្ឌសែនសុខ បានចុះទៅដល់កន្លែងកើតហេតុ បានធ្វើកំណត់ហេតុរួចរាល់ ប្រគល់សពទៅឲ្យក្រុមគ្រួសារយកទៅតម្កល់ទុកនៅវត្តសែនសុខ ធ្វើបុណ្យតាមប្រពៃណី ៕
ចែករំលែកព័តមាននេះ