ខ្លាំងបាត់…ទិញប្រើខ្លួនឯងហើយ ជួញដូរយកចំណេញទៀត !
ខេត្តកណ្ដាល ៖ ក្រុមអ្នកជួញដូរ និងប្រើប្រាស់គ្រឿងញៀ.នចំនួន៥នាក់រួមជាមួយនឹងគ្រឿងញៀ.នមួយចំនួនទៀត
ខេត្តកណ្ដាល ៖ ក្រុមអ្នកជួញដូរ និងប្រើប្រាស់គ្រឿងញៀ.នចំនួន៥នាក់រួមជាមួយនឹងគ្រឿងញៀ.នមួយចំនួនទៀត
ខេត្តកណ្ដាល ៖ ក្រុមអ្នកជួញដូរ និងប្រើប្រាស់គ្រឿងញៀនចំនួន៥នាក់រួមជាមួយនឹងគ្រឿងញៀនមួយចំនួនទៀត ត្រូវបានកម្លាំងនគរបាលព្រហ្មទណ្ឌស្រុកអង្គស្នួលសហការណ៏ជាមួយកម្លាំងនគរបាលប៉ុស្ដិ៍បែកចានធ្វើការចាប់ខ្លួនបានជាបន្តបន្ទាប់នៅក្នុងប្រតិបត្តិការបង្ក្រាបគ្រឿងញៀនរយៈពេល២ថ្ងៃហើយក្នុងចំណោមជនសង្ស័យទាំង៥នាក់នោះមានម្នាក់គឺជាមុខសញ្ញាជួញដូរយ៉ាងសកម្មនៅក្នុងឃុំ-សង្កាត់ចំនួន៤របស់ស្រុកអង្គស្នួល និងខណ្ឌពោធិ៍សែនជ័យ ហើយត្រូវបានកម្លាំងចាប់ខ្លួនតាមដីកាតុលាការខេត្តកណ្ដាល ។
នគរបាលបានឲ្យដឹងថា ការបង្ក្រាបគ្រឿងញៀននោះលើកទី១ធ្វើឡើងកាលពីវេលា៧និង៣០នាទីព្រឹក ថៃ្ងទី១៧ ខែសីហា ឆ្នាំ២០១៧ នៅចំណុចភូមិត្រពាំងទួល សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ ដោយបានចាប់ខ្លួនជនសង្ស័យម្នាក់ឈ្មោះ ជឿន រ៉េន ភេទប្រុស អាយុ៣៧ឆ្នាំ មានទីលំនៅក្នុងភូមិខ្នា ឃុំទួលព្រេជ ស្រុកអង្គស្នួល ខេត្តកណ្តាល ។ ជននេះត្រូវចាប់ខ្លួនតាមដីការលេខ៤០៨ ដក.បចខ ចុះថ្ងៃទី២៤ ខែកក្កដា ឆ្នាំ២០១៧ ដោយលោក គីម ម៉េង ចៅក្រមស៊ើបសួរនៃសាលាដំបូងខេត្តកណ្ដាល ដែលចោទប្រកាន់ពីបទជួញដូរដោយខុសច្បាប់នូវសារធាតុញៀន ដែលបានប្រព្រឹត្តកាលពីថ្ងៃទី១៧ ខែឧសភា ឆ្នាំ២០១៧ នៅក្នុងភូមិខ្នា ឃុំទួលព្រេជនោះតែម្ដង ។ ដោយឡែកលើកទី២ដោយមានការផ្ដល់ព័ត៌មានពីសំណាក់ប្រជាពលរដ្ឋកម្លាំងនគរបាលព្រហ្មទណ្ឌស្រុកអង្គស្នួល សហការណ៏ជាមួយនគរបាលប៉ុស្ដិ៍បែកចានបានធ្វើការបង្ក្រាប និងចាប់ខ្លួនក្រុមជួញដូរ និងប្រើប្រាស់គ្រឿងញៀនមួយសម្បុកចំនួន៤នាក់ទៀតកាលពីវេលាម៉ោង៥និង៣០នាទីល្ងាចថ្ងៃទី១៩ ខែសីហា ឆ្នាំ២០១៧ នៅភូមិត្រពាំងសុក្រម ឃុំបែកចាន ស្រុកអង្គស្នួល ខេត្តកណ្តាល នៅក្នុងខណៈដែលកំពុងធ្វើសកម្មភាពជុំគ្នាហើយនៅក្នុងពេលនោះ ដែលកម្លាំងនគរបាលខាងលើដកហូតបានម្សៅក្រាមពណ៌សថ្លាសង្ស័យថា សារធាតុញៀន២កញ្ចប់មធ្យម និងឧបករណ៍ប្រើប្រាស់មួយចំនួន និងទូរស័ព្ទដៃមួយគ្រឿង និងឧបករណ៍ប្រើប្រាស់មួយចំនួនទៀត ។
ប្រភពខាងលើបានបន្តទៀតថា ជនសង្ស័យទាំង៤នាក់ក្រោយចាប់ខ្លួនកម្លាំងបាននាំខ្លួនទៅធ្វើការសាកសួរហើយជនសង្ស័យឈ្មោះ ញឹក វ៉ាន់វៀង បានសារភាពថា ខ្លួនបានទិញថ្នាំញៀននេះពីឈ្មោះ ច័ន្ទ ទេពី ហៅគា ភេទប្រុស អាយុ២៤ឆ្នាំ នៅភូមិជាមួយគ្នាដោយទិញម្តងៗចំនួន២០ម៉ឺនរៀលយកទៅទុកប្រើប្រាស់ខ្លួនឯងផង និងលក់បន្តយកចំណេញផងដែរ ៕
ចែករំលែកព័តមាននេះ