ប្រហែលជាត្រូវសណ្តំជនជាតិវៀតណាមអស់ហើយបានជាមិនខ្វល់(មានវីដេអូ)
ខេត្តតាកែវ ៖ ជាខេត្តនៅជាព្រំដែនជាមួយប្រទេសវៀតណាមនោះ
ខេត្តតាកែវ ៖ ចាប់តាំងពីដើមខែកក្កដា ឆ្នាំ២០១៧ នៃរដូវបិទនេសាទដើម្បីទុកឱ្យត្រីពងរហូតដល់ពេលនេះសំរាប់ខេត្តតាកែវដែលជាខេត្តនៅជាព្រំដែនជាមួយប្រទេសវៀតណាមនោះមានបទល្មើសនេសាទបានកើតមានឡើងយ៉ាងពេញបន្ទុកនៅលើស្រុកចំនួន២គឺស្រុកអង្គរបូរី និងស្រុកបូរីជលសារ ។
មន្ត្រីជលផលខេត្តតាកែវម្នាក់បានបង្ហើបឱ្យដឹងថា នារដូវបិទនេសាទឆ្នាំនេះទឹកបានឡើងខ្លាំងជាហេតុនាំឱ្យមានបទល្មើសនេសាទបានកើតមានឡើងយ៉ាងពេញបន្ទុកដែលមានអ្នករត់ការបើកដៃឱ្យវៀតណាមចូលមកដាក់ដាយរាប់ពាន់ម៉ែត្រ រួមទាំងទូករាប់សិបគ្រឿងចូលមកដាក់លប រកខ្យង ចាប់ត្រីគ្រប់ប្រភេទគ្មានសល់ ។ មន្រី្តដដែលបាននិយាយថា ស្រុកដែលមានបទល្មើសនេសាទច្រើនជាងគេនោះមានស្រុកបូរីជលសារ និងស្រុកអង្គរបូរីដោយនៅស្រុកបូរីជលសារត្រូវបានសមត្ថកិច្ចជំនាញរួមសហការណ៍គ្នាបានយ៉ាងល្អជាមួយអាជ្ញាធរ និងសមត្ថកិច្ចគ្រប់លំដាប់ថ្នាក់ក្នុងខេត្តប្រគល់ទៅឱ្យឈ្មោះ ណុក ជាជនជាតិវៀតណាម ជាអ្នកប្រមូលបក្ខពួករបស់គេចូលមកដាក់សែយឿនស្បៃមុងរាប់ពាន់ម៉ែត្រ និងប្រជានេសាទរបស់គេជិះទូករាប់សិបគ្រឿងចូលមកដាក់លប រកខ្យង រកត្រីយ៉ាងគគ្រឹកគគ្រេងដោយមិនមានសមត្ថកិច្ចថ្នាក់ណាមួយខ្វាយខ្វល់ឡើយ ។
ចំណែកនៅព្រំប្រទល់ស្រុកបូរីជលសារ និងស្រុកអង្គរបូរី ក្នុងអតីតឡូនេសាទលេខ១០, ១១, ១២ និងលេខ១៣ ត្រូវបានគេប្រគល់ទៅឱ្យឈ្មោះ កេ ជនជាតិវៀតណាមជាអ្នកផ្តាច់មុខក្នុងការគ្រប់គ្រងអតីតឡូត៍ទាំងអស់នោះឱ្យប្រជានេសាទវៀតណាមចូលមកដាក់សែយឿន ទូកចូលមកចាប់ត្រី ជារៀងរាល់ថ្ងែ ។ ទាក់ទងទៅនឹងបញ្ហាខាងលើកោះសន្តិភាពយើងបានទាក់ទងតាមទូរស័ព្ទសុំការបំភ្លឺពីលោក សៅ កុសល នាយខណ្ឌរដ្ឋបាលជលផលខេត្តតាកែវដែរ តែនៅពេលខលចូលហើយលោកមិននិយាយរួចក៏បិទទូរស័ព្ទ ៕
ចែករំលែកព័តមាននេះ