អាសូរណាស់…ប្រថុយអាយុជីវិតដើម្បីចិញ្ចឹមជីវិត
ខេត្តឧត្តរមានជ័យ ៖ អាជ្ញាធរម្នាក់បានស្លា.ប់បាត់បង់ជីវិតបន្ទាប់ពីបញ្ជូនទៅសង្គ្រោះនៅមន្ទីរពេទ្យ
ខេត្តឧត្តរមានជ័យ ៖ អាជ្ញាធរម្នាក់បានស្លា.ប់បាត់បង់ជីវិតបន្ទាប់ពីបញ្ជូនទៅសង្គ្រោះនៅមន្ទីរពេទ្យ
ខេត្តឧត្តរមានជ័យ ៖ អាជ្ញាធរម្នាក់បានស្លាប់បាត់បង់ជីវិតបន្ទាប់ពីបញ្ជូនទៅសង្គ្រោះនៅមន្ទីរពេទ្យ និងប្រជាពលរដ្ឋចំនួន២នាក់ទៀតបានរងរបួសធ្ងន់ ខណៈដែលឡើងភ្នំរុករកអារគល់ឈើប្រណីតដើម្បីជីវិត ហើយបានជាន់គ្រាប់មីនដែលនៅសេសសល់ពីសម័យសង្គ្រាម ។ ហេតុការណ៍នេះបានកើតឡើងនៅវេលាម៉ោង៦ព្រឹកថ្ងៃទី១៧ ខែសីហា ឆ្នាំ២០១៧ ស្ថិតនៅ ចំណុចលើខ្នងភ្នំដងរែក តំបន់ព្រំដែនកម្ពុជា-ថៃ ក្នុងភូមិដងទង់ សង្កាត់កូនក្រៀល ក្រុងសំរោង ខេត្តឧត្តរមានជ័យ ។
សមត្ថកិច្ចនគរបាលព្រំដែនគោកលេខ៩០៥ប្រចាំការព្រំដែនបានឱ្យដឹងថា ករណីប្រជាពលរដ្ឋបានឡើងទៅអារគល់ឈើថ្នុង បេង គ្រញួង នៅលើខ្នងភ្នំដងរែក ហើយបានជាន់មីនផ្ទុះ ដែលមានឈ្មោះ សេង ស្រឿន ភេទប្រុស អាយុ៥៥ឆ្នាំ ជាអនុប្រធានភូមិដងទង់ សង្កាត់កូនក្រៀល បានដាច់ជើងឆ្វេង និងរបួសជើងស្តាំ ដែលត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យខេត្តឧត្តរមានជ័យ តែជាអកុសលជនរងគ្រោះបានស្លាប់ ខណៈបញ្ជូនទៅដល់មន្ទីរពេទ្យ ចំណែកប្រជាពលរដ្ឋ២នាក់ទៀតដែលរួមដំណើរឡើងភ្នំជាមួយបានរងរបួសធ្ងន់តែមិនដល់បាត់បង់អាយុជីវិតនោះឡើយ ។
គួរបញ្ជាក់ថា នេះជាករណីលើកទី២ហើយដែលប្រជាពលរដ្ឋបានរងគ្រោះដោយសារគ្រាប់មីន និងគ្រាប់មិនផ្ទុះដែលនៅសេសសល់ពីសម័យសង្គ្រាមបានឆាប់ឆក់យកជីវិតប្រជាពលរដ្ឋចំនួន២នាក់នៅក្នុងខេត្តឧត្តរមានជ័យ កាលពីអំឡុងខែមិថុនា ឆ្នាំ២០១៧ ប្រជាពលរដ្ឋម្នាក់ឈ្មោះ យិញ យឿប ភេទប្រុស អាយុ៦៩ឆ្នាំ រស់នៅភូមិខ្ទុម សង្កាត់កូនគ្រៀល ក្រុងសំរោង បានជីករំលាយដីដំបូកដើម្បីធ្វើស្រែហើយប៉ះចំគ្រាប់មីនប្រភេទ៦០មិលី្លម៉ែត្របណ្តាលឱ្យស្លាប់ភ្លាមៗផងដែរ ៕
ចែករំលែកព័តមាននេះ