ក្នុងថ្ងៃតែមួយកន្លែងផ្សេងគ្នា2នាក់ស្លា.ប់ដោយសារចង.កនិងម្នាក់ទៀតដោយសារ…
ខេត្តពោធិ៍សាត់ ៖ មនុស្ស០៣នាក់បានស្លា.ប់ក្នុងថ្ងៃតែមួយ
ខេត្តពោធិ៍សាត់ ៖ មនុស្ស០៣នាក់បានស្លា.ប់ក្នុងថ្ងៃតែមួយ
ខេត្តពោធិ៍សាត់ ៖ មនុស្ស០៣នាក់បានស្លាប់ក្នុងថ្ងៃតែមួយ គឺថ្ងៃទី១៩ ខែសីហា ឆ្នាំ២០១៧ នៅកន្លែងផ្សេងគ្នាដោយករណីធ្វើអត្តឃាត និងគ្រោះថ្នាក់ចរាចរណ៍នៅខេត្តពោធិ៍សាត់ ។
តាមសេចក្ដីរាយការណ៍ពីសមត្ថកិច្ចនគរបាលឲ្យដឹងថា នៅវេលាម៉ោង០២និង២០នាទីរសៀលថ្ងៃទី១៩ ខែសីហា ឆ្នាំ២០១៧ បុរសម្នាក់ឈ្មោះ ខ្លឹង តុន អាយុ៥៧ឆ្នាំ រស់នៅភូមិស្នាយទោល ឃុំត្រពាំងជង ស្រុកបាកាន បានយកក្រមាចង.កធ្វើអត្តឃាតក្នុងបន្ទប់ទឹកបណ្ដាលឲ្យស្លាប់ ខណៈ ដែលប្រពន្ធកូនមិននៅផ្ទះ ។ វេលាម៉ោង០៥ល្ងាចបុរសម្នាក់ទៀតឈ្មោះ សួន ចាន់សេត អាយុ៣២ឆ្នាំ បានយកខ្សែអង្រឹងចង.កលើដើមស្វាយចាន់ទីក្រោយផ្ទះបណ្ដាលឲ្យស្លាប់ បន្សល់ទុកឲ្យប្រពន្ធរស់នៅម៉េម៉ាយ និងកូនស្រីចំនួន០២នាក់កំព្រាឪពុក ។ ករណីនេះបានកើតឡើងក្នុងភូមិបឹងកន្ទួត ឃុំបឹងកន្ទួត ស្រុកក្រគរ ។ ដោយឡែកក្នុងថ្ងៃដដែល វេលាម៉ោង០៧យប់ក្មេងប្រុសម្នាក់ឈ្មោះ ម៉ៅ មុល អាយុ១១ឆ្នាំ បានជិះម៉ូតូលឿនដល់ផ្លូវកោងបត់មិនទាន់បណ្ដាលឲ្យដួលបោកក្បាលស្លាប់យ៉ាងអាណោចអាធម៌ ។ ករណីនេះបានកើតឡើងលើផ្លូវគ្រួសក្រហមមួយខ្សែឆ្ពោះទៅកាន់រមណីយដ្ឋានច្រកល្អៀង ស្ថិតក្នុងភូមិបំណក់ ឃុំឈើតុំ ស្រុកក្រគរ ខេត្តពោធិ៍សាត់ ។
តាមការពិនិត្យរបស់សមត្ថកិច្ចជំនាញបញ្ជាក់ថា សាកសពជនរងគ្រោះទាំង០២នាក់ខាងលើគឺស្លាប់ដោយសារចង.កធ្វើអត្តឃាត និងគ្រោះថ្នាក់ចរាចរណ៍ពិតប្រាកដមែនពុំមានស្លាកស្នាមអ្វីក្រៅពីនេះដែលសង្ស័យទៅលើករណីឃាតកម្ម ឬករណីផ្សេងនោះទេ ៕
ចែករំលែកព័តមាននេះ