ឆ្ងល់ដែរ បើសិនដាក់ស៊ីម៉ាំងដើមធម្មតាជិះអត់ទៅមុខមែន?
រាជធានីភ្នំពេញ ៖ កម្លាំងបញ្ជាការឯកភាពខណ្ឌដូនពេញបានសហការគ្នាជាមួយសមត្ថកិច្ចបានធ្វើការឃាត់ម៉ូតូដែលដាក់បំពង់ស៊ីមុំាង
រាជធានីភ្នំពេញ ៖ កម្លាំងបញ្ជាការឯកភាពខណ្ឌដូនពេញបានសហការគ្នាជាមួយសមត្ថកិច្ចបានធ្វើការឃាត់ម៉ូតូដែលដាក់បំពង់ស៊ីមុំាងកែច្នៃឮលាន់ដូចរន្ទះយកមកឱ្យធ្វើការអប់រំ និងឲ្យ ដោះបំពង់ស៊ីមុំាងចេញរួចទើបឱ្យត្រឡប់ទៅផ្ទះវិញ ។ ការឃាត់ម៉ូតូដែលដាក់ស៊ីម៉ាំងខុសបច្ចេកទេសនេះ កើតឡើងកាលពីវេលាម៉ោង៥និង៣០នាទីល្ងាចថ្ងៃទី១៨ ខែសីហា ឆ្នាំ២០១៧ នៅចំណុចក្នុងសាលាខណ្ឌដូនពេញ ស្ថិតនៅក្នុងសង្កាត់ផ្សារចាស់ ខណ្ឌដូនពេញ ។
តាមប្រភពព័ត៌មានពីសមត្ថកិច្ចបានប្រាប់ឱ្យដឹងថា ដោយមានបញ្ជាផ្ទាល់ពីលោក សុខ ពេញវុធ អភិបាលខណ្ឌដូនពេញបញ្ជាឱ្យចាប់ម៉ូតូដែលដាក់បំពង់ស៊ីមុំាងកែច្នៃខុសបច្ចេកទេសធ្វើបំពងសម្លេងរំខានដល់ប្រជាពលរដ្ឋដែលកំពុងតែសំរាកលង់លក់ ជាពិសេសរំខានដល់មនុស្ស អ្នកមានជម្ងឺ ស្ត្រីមានផ្ទៃពោះ និងស្ត្រីទើបនឹងសម្រាលកូនរួច ។ បន្ទាប់ពីមានបទបញ្ជាឲ្យចុះចាប់យុវជនក្មេងស្ទាវដែលជិះម៉ូតូកែច្នៃបំពង់ស៊ីមុំាងដើម្បីឲ្យឮសម្លេងខ្លាំង សមត្ថកិច្ចបានដាក់កម្លាំងតាមឃ្លាំមើលធ្វើការឃាត់បានម៉ូតូចំនួន៤គ្រឿងម៉ាកMSX៣គ្រឿង និងម៉ូតូកាហ្វេដែលជាម៉ូតូមានតែគ្រោងឆ្អឹងចំនួនមួយគ្រឿង នៅចំណុចមុខណាហ្គាវើរ យកទៅធ្វើការអប់រំនៅក្នុងសាលាខណ្ឌដូនពេញឱ្យដោះបំពង់ស៊ីមុំាងចេញដាក់បំពុងស៊ីមុំាងដើមចូលវិញ ។
ក្រោយពេលកើតហេតុយុវជនជិះម៉ូតូកែច្នៃបំពង់ស៊ីមុំាងត្រូវបានសមត្ថកិច្ចហៅទៅណែនាំ អប់រំរួចឱ្យត្រឡប់ទៅផ្ទះវិញហើយហាមថ្ងៃក្រោយបើដាក់ទៀតគាត់នឹងដកហូតយកទៅរក្សាទុកចំនួន២ខែទើបឱ្យយកត្រឡប់ទៅផ្ទះវិញ ៕
ចែករំលែកព័តមាននេះ