ប្រហែលមានជាតិទឹកស៊ុបច្រើនពេកហើយ បានជាកាចយ៉ាងនេះ…
រាជធានីភ្នំពេញ ៖ បុរសចិត្តសឿងម្នាក់ជាបុគ្គលិកហាងស៊ុប មានមាន ចូលទៅវាយបុគ្គលិកហាងស៊ុប ឡុកឡុក២ ដែលស្ថិតនៅទល់មុខគ្នា
រាជធានីភ្នំពេញ ៖ បុរសចិត្តសឿងម្នាក់ជាបុគ្គលិកហាងស៊ុប មានមាន ចូលទៅវាយបុគ្គលិកហាងស៊ុប ឡុកឡុក២ ដែលស្ថិតនៅទល់មុខគ្នា
រាជធានីភ្នំពេញ ៖ បុរសចិត្តសឿងម្នាក់ជាបុគ្គលិកហាងស៊ុប មានមាន ចូលទៅវាយបុគ្គលិកហាងស៊ុប ឡុកឡុក២ ដែលស្ថិតនៅទល់មុខគ្នា ពេលសមត្ថកិច្ចចុះអន្តរាគមន៍ ត្រូវជនដៃដល់ដេញកាប់ ធ្វើឲ្យសមត្ថកិច្ចរត់ចោលម៉ូតូ ហេតុការណ៍នេះ បង្កឲ្យមានការណ៍ភ្ញាក់ផ្អើលឡើងកាលពីវេលាម៉ោង១០និង៣០នាទីយប់ ថ្ងៃទី១៨ ខែសីហា ឆ្នាំ២០១៧ ត្រង់ចំណុចផ្លូវ១២២កែងផ្លូវ២២៥ ស្ថិតក្នុងសង្កាត់ផ្សារដេប៉ូ៣ ខណ្ឌទួលគោក ។ ជនបង្កមានឈ្មោះ ឃឹម ឈុនហួរ អាយុ២៣ឆ្នាំ មុខរបរបុគ្គលិកហាង មានមាន ស្នាក់នៅកន្លែងកើតហេតុ ។
តាមប្រភពពីកន្លែងកើតហេតុ បានឲ្យដឹងថា ៖ មុនពេលកើតហេតុ ហាងទាំង២មានទីតាំងទល់មុខគ្នា ខណៈពេលកំពុងតែរៀបចំបិទហាង បុគ្គលិកហាងស៊ុប ឡុកឡុក២ ខ្លះអង្គុយលាងចាន ខ្លះទៀតរៀបចំតុកៅអី ស្រាប់តែជនបង្កខាងលើ មិនដឹងថាមានគំនុំពីកាលណាមកនោះទេ បានដើរកាន់កាំបិតបុ័ងតោសំដៅទៅធាក់បុគ្គលិកហាង ឡុកឡុក២ ចំនួន២នាក់ កំពុងអង្គុយកើបសំរាម បណ្តាលឲ្យដួលដាច់ផ្ងារ រួចជនបង្កបានដើរទៅក្នុងហាង កាប់តុ និងចានជ័រ ខូចខាតមួយចំនួន និងស្រែកឡូឡាផ្អើលគេផ្អើលឯង ។
ប្រភពដដែលបន្តទៀតថា ៖ បន្ទាប់មកក៏ឃើញវត្តមានសមត្ថកិច្ចមូលដ្ឋានពីរនាក់ ចុះមកជួយអន្តរាគមន៍ បែរជាត្រូវជនបង្កយកកាំបិតដេញកាប់កម្លាំងសមត្ថកិច្ច បណ្តាលឲ្យសមត្ថកិច្ចរត់ចោលម៉ូតូ ហើយថែមទាំងជេរសមត្ថកិច្ចថា << ជាប៉ូលីសយួន បម្រើតែពួកយួន >> ។ ភ្លាមនោះសមត្ថកិច្ចបានទាក់ទងហៅកម្លាំងមកបន្ថែមជួយអន្តរាគមន៍ ចាប់ឃាត់ខ្លួនជនបង្កយកទៅសួរនាំនៅប៉ុស្តិ៍នគរបាលរដ្ឋបាលផ្សារដេប៉ូទី៣ ។
បច្ចុប្បន្នជនបង្ក រួមនិងវត្ថុតាង ត្រូវបានសមត្ថកិច្ចប៉ុស្តិ៍នគរបាលរដ្ឋបាលផ្សារដេប៉ូទី៣ កសាងសំណុំរឿងបញ្ចូនខ្លួនទៅអធិការដ្ឋាននគរបាលខណ្ឌទួលគោក ដើម្បីចាត់ការទៅតាមនីតិវិធី ៕
ចែករំលែកព័តមាននេះ