រថយន្តបុកពីក្រោយស្លា.ប់មួយរំពេច
ខេត្តរតនគិរី ៖ បុរសវ័យចំណាស់ម្នាក់ ត្រូវរថយន្តបុកពីក្រោយស្លា.ប់នៅនឹងកន្លែងកើតហេតុ ។ ហេតុការណ៍គ្រោះថ្នាក់ចរាចរនេះ
ខេត្តរតនគិរី ៖ បុរសវ័យចំណាស់ម្នាក់ ត្រូវរថយន្តបុកពីក្រោយស្លាប់នៅនឹងកន្លែងកើតហេតុ ។ ហេតុការណ៍គ្រោះថ្នាក់ចរាចរនេះ បានកើតឡើងនៅវេលាម៉ោង0៥នឹង៥០នាទីព្រឹក ថ្ងៃទី១៨ ខែសីហា ឆ្នាំ២០១៧ នេះ នៅតាមបណ្តោយផ្លូវជាតិលេខ៧៨ ចន្លោះបង្គោលគីឡូម៉ែត្រលេខ ៥៣៥-៥៣៤ ស្ថិតនៅក្នុងភូមិ១ ឃុំត្រពាំងច្រេស ស្រុកកូនមុំ ខេត្តរតនគិរី ។
លោក ពុត សាវី អធិការរងទទួលបន្ទុកសណ្តាប់ធ្នាប់សាធារណៈ បានឲ្យដឹងថា ៖ មានម៉ូតូ១គ្រឿងជិះដោយបុរសម្នាក់ ចេញពីផ្លូវលំទិសខាងជើងមកចូលផ្លូវជាតិទៅខាងលិចវិញ មិនបានប្រុងប្រយ័ត្ន ស្របពេលរថយន្ត១គ្រឿងកំពុងបើកបរក្នុងទិសដៅពីកើតទៅលិចស្របគ្នា ក្នុងល្បឿនលឿន ជាន់ហ្វ្រាំងមិនជាប់ ក៏បុកយ៉ាងពេញទំហឹងតែម្តង បណ្តាលឲ្យជនរងគ្រោះស្លាប់ភ្លាមៗមួយរំពេច ។
លោកអធិការរងបានបន្តថា ៖ ជនរងគ្រោះមានឈ្មោះ ឃួន ភេទប្រុស អាយុ៥៤ឆ្នាំ ជនជាតិខ្មែរ រស់នៅភូមិតឺន ឃុំតឺន ស្រុកកូនមុំ (ស្លាប់) ជិះម៉ូតូម៉ាកវ៉េវ ពណ៌ខៀវ អត់ស្លាកលេខ ។
រថយន្តបង្កម៉ាកឡិចស៊ីស ពណ៌ស ពាក់ស្លាកលេខ រតនគិរី ២B-១៩៦៩ អ្នកបើកបរមានឈ្មោះ នូ សុខុម ភេទប្រុស អាយុ៥៣ឆ្នាំ ជនជាតិខ្មែរ រស់នៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី មុខរបរធ្វើការរដ្ឋាករទឹក នៅខេត្តរតនគិរី ។
ក្រោយពីកើតហេតុ នគរបាលមូលដ្ឋានចុះមកអន្តរាគមន៍ និងវាស់វែងយកវត្ថុតាងទាំងពីរ ទៅរក្សាទុកនៅអធិការស្រុកកូនមុំ ដើម្បីដោះស្រាយជាក្រោយ ចំណែកសាកសព សមត្ថកិច្ចប្រគល់ទៅឲ្យក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ