រកឃើញមុខទំនិញខូចគុណភាព៦មុខ លក់នៅតាមផ្សារជនបទ
ខេត្តក្រចេះ ៖ មុខទំនិញខូចគុណភាព និងផុតកំណត់ការប្រើប្រាស់ចំនួន៦ប្រភេទ ត្រូវបានក្រុមជំនាញ ចុះស្រាវជ្រាវរកឃើញ
ខេត្តក្រចេះ ៖ មុខទំនិញខូចគុណភាព និងផុតកំណត់ការប្រើប្រាស់ចំនួន៦ប្រភេទ ត្រូវបានក្រុមជំនាញ ចុះស្រាវជ្រាវរកឃើញ
ខេត្តក្រចេះ ៖ មុខទំនិញខូចគុណភាព និងផុតកំណត់ការប្រើប្រាស់ចំនួន៦ប្រភេទ ត្រូវបានក្រុមជំនាញ ចុះស្រាវជ្រាវរកឃើញ និងធ្វើការដកហូតពីក្រុមអាជីវករដែលបានយកមកដាក់លក់តាមផ្សារនៅទីជនបទស្រុកសំបូរ។ ក្រុមមន្ត្រីសាខាកាំកុងត្រូលបានលើកឡើងថា មុខទំនិញខូចគុណភាព និងផុតកំណត់ការប្រើប្រាស់នេះគឺមិនអនុញ្ញាតឲ្យដាក់លក់ ព្រោះវាអាចធ្វើឲ្យប៉ះពាល់សុខភាពដល់អ្នកទិញយកទៅទទួលទាន។ ប្រធានសាខាកាំកុងត្រូលខេត្តលោក យាង បាក់ ដែលបានដឹកនាំក្រុមការងារចុះ ពិនិត្យលើមុខទំនិញ ដែលកំពុងតែដាក់លក់នៅតាមបណ្តាស្តង់ និងទីផ្សារនៅស្រុកសំបូរ បានឲ្យដឹងថា ទំនិញខូចគុណភាព និងផុតកំណត់ប្រើប្រាស់ដែលត្រូវបានរុករកឃើញ និងត្រូវរឹបអូសយកនេះមានទឹកក្រូច ទឹកស៊ីអ៊ីវ ទឹកសណ្តែក ទឹកត្រី ទឹកខ្មេះ និងម្សៅស៊ុប ជាដើម។
លោកប្រធាសាខាកាំកុងត្រូលរូបនេះ បានបញ្ជាក់ទៀតថា ក្នុងសកម្មភាពការចុះទៅត្រួតពិនិត្យតាមបណ្តារស្តង់ និងតូបលក់ទំនិញនៅក្នុងផ្សារស្រុកសំបូរ ពីក្រុមការងារជំនាញ ដែលបានធ្វើឡើងយ៉ាងល្អិតល្អន់ ពេញមួយថ្ងៃទី១៧ ខែសីហា ក្នុងនោះមានមុខទំនិញទាំង៦មុខចំនួនជិត១០គីឡូក្រាម ត្រូវបានរឹបអូសនាំយកទៅកម្ទេចចោល។ លោកថា នេះជាសកម្មភាពលើកទី៣ ហើយរបស់ក្រុមមន្ត្រីជំនាញកាំកុងត្រូលខេត្ត ដែលចុះទៅពិនិត្យ និងពង្រឹងលើគុណភាពមុខទំនិញនៅស្រុកសំបូរ។ ដោយក្នុងនោះ មន្ត្រីជំនាញក៏បាន បង្ហាត់បង្ហាញឲ្យម្ចាស់ស្តង់លក់ទំនិញ ត្រូវចេះពិនិត្យគុណភាព និងមើលការបរិច្ឆេទមុខទំនិញឥ្យបានត្រឹមត្រូវមុននឹងទិញមកលក់បន្ត។
ពលរដ្ឋនៅស្រុកសំបូរ ដែលជាតំបន់ដាច់ស្រយាល បានសម្តែងការព្រួយបារម្ភចំពោះការនាំទំនិញខូចគុណ ថាពួកគាត់អាចប្រឈមមុខនឹងប៉ះពាល់សុខភាពដោយសារតែការ ទិញទំនិញខូចគុណភាពមកទទួលទាន និងបានអំពាវនាវឲ្យសមត្ថកិច្ចជំនាញបង្កើនការការចុះត្រួតពិនិត្យយ៉ាងល្អិតល្អន់។ ការព្រួយបារម្ភរបស់ពលរដ្ឋនៅស្រុកសំបូរបែបនេះ ក៏ដោយសារតែពួកគាត់នៅតែមានការខ្លាចរអាលើការពុល ព្រោះកន្លងមកនៅស្រុកនេះក៏ធ្លាប់ផ្ទុះបាតុភាពពុលចំណីអារហារម្តងរួចទៅហើយ។ ដោយកាលនោះមានពលរដ្ឋ២នាក់បានស្លាប់ និងជាច្រើននាក់ទៀតត្រូវរងគ្រោះពិការអវៈយុវៈដូចជាភ្នែក និងរាងកាយ ដោយសារតែទទួលរងការពុលស្រាស៕
ចែករំលែកព័តមាននេះ