វិធីសាមញ្ញបង្រួមរន្ធញើសលើផ្ទៃមុខ
បញ្ហាស្បែកដែលយើងជួបប្រទះច្រើនបំផុតបន្ទាប់ពីការកើតមុន គឺបញ្ហារន្ធញើសធំ ។ រន្ធញើសធំអាចមើលឃើញយ៉ាងច្បាស់ ហើយធ្វើឱ្យអ្នកមើលទៅចាស់ជាងវ័យបើទោះបីជា
បញ្ហាស្បែកដែលយើងជួបប្រទះច្រើនបំផុតបន្ទាប់ពីការកើតមុន គឺបញ្ហារន្ធញើសធំ ។ រន្ធញើសធំអាចមើលឃើញយ៉ាងច្បាស់ ហើយធ្វើឱ្យអ្នកមើលទៅចាស់ជាងវ័យបើទោះបីជា
បញ្ហាស្បែកដែលយើងជួបប្រទះច្រើនបំផុតបន្ទាប់ពីការកើតមុន គឺបញ្ហារន្ធញើសធំ ។ រន្ធញើសធំអាចមើលឃើញយ៉ាងច្បាស់ ហើយធ្វើឱ្យអ្នកមើលទៅចាស់ជាងវ័យបើទោះបីជាអ្នកមិនមានស្នាមជ្រីវជ្រួញក៏ដោយ ។ ក្រៅពីនេះ រន្ធញើសធំក៏អាចធ្វើឱ្យអ្នកងាយនឹងមានមុន និងបញ្ហាស្បែកដទៃទៀត ។ អ្នកអាចជ្រើសរើសវិធីព្យាបាលរន្ធញើសធំដោយការបាញ់ឡាស៊ែរ តែយើងមានវិធីសាមញ្ញ៥ដើម្បីជួយក្នុងការរឹតបន្តឹងស្បែកមុខរបស់អ្នក និងបង្រួមរន្ធញើសក្នុងរយៈពេលត្រឹមតែ២ទៅ៣ម៉ោងប៉ុណ្ណោះប្រសិនបើប្រើជាប្រចាំ ។
១-វីតាមីន E
សូមចោះរន្ធលើគ្រាប់ថ្នាំវីតាមីនE មួយចំនួន និងច្របាច់វាដាក់ចូលប្រដាប់ធ្វើទឹកកកដុំរបស់អ្នក ។ អ្នកត្រូវការដុំទឹកកកវីតាមីន E មិនលើសពី៤នោះទេ ដូច្នេះសូមចោះគ្រាប់ថ្នាំវីតាមីនE ៣ទៅ៤គ្រាប់គួរតែគ្រប់គ្រាន់ ។ អ្នកអាចប្រើដុំទឹកកកវីតាមីនទាំងនេះនៅលើមុខរបស់អ្នកមុនពេលចូលគេង ឬមុនចេញពីផ្ទះរបស់អ្នក ។ ត្រដុសដុំទឹកកកទាំងនេះនៅលើមុខរបស់អ្នករយៈពេល២ទៅ៣នាទី ហើយអ្នកនឹងសម្គាល់ឃើញថារន្ធញើសនៅលើមុខរបស់អ្នកនឹងចាប់ផ្តើមរួញតូចយ៉ាងលឿន ។
២-ទឹកប៉េងប៉ោះ
ត្រដុសចំណិតប៉េងប៉ោះនៅលើផ្ទៃមុខរបស់អ្នកនៅតំបន់ដែលមានរន្ធញើស ធំៗច្រើនបំផុត។ សូមទុកឲ្យទឹកប៉េងប៉ោះស្ងួតទាំងស្រុងមុនពេលលាងសម្អាតវាដោយទឹកត្រជាក់ ។ ទឹកប៉េងប៉ោះក៏ជួយធ្វើឲ្យស្បែករបស់អ្នកភ្លឺរលោងបន្ថែមពីលើការបង្រួមរន្ធញើសធំ ។
៣-ឆ្ពង់ដោយប្រើចំហាយទឹក
អ្នកមិនចាំបាច់ទៅសាឡនដើម្បីថែរក្សាស្បែកមុខរបស់អ្នកនោះទេ ។ សូមសាកល្បងប្រើវិធីឆ្ពង់មុខដោយចំហាយទឹកដើម្បីលាងសំអាតស្បែក និងបង្រួមរន្ធញើសរាល់សប្តាហ៍។ វិធីនេះក៏នឹងជួយក្នុងការបំបាត់បញ្ហាមុនផងដែរ ។
៤-ទឹកដោះគោ
ការជូតសំឡីទឹកដោះគោស្រស់ត្រជាក់នៅលើផ្ទៃមុខក៏ជាវិធីដ៏ល្អដើម្បីដោះស្រាយបញ្ហារន្ធញើស ធំៗផងដែរ ។ ទឹកដោះគោត្រជាក់នឹងជួយថែរក្សាស្បែក និងធ្វើឱ្យស្បែករបស់អ្នកមានសំណើម ហើយធ្វើឱ្យរន្ធញើសធំរបស់អ្នកមើលមិនសូវឃើញ ។
៥-ប្រទាលកន្ទុយក្រពើ
ចូរកាត់ប្រទាលកន្ទុយក្រពើ និងត្រដុសវានៅលើមុខរបស់អ្នក ។ អ្នកក៏អាចយកជែលប្រទាលកន្ទុយក្រពើមកបិទលើមុខរបស់អ្នកផងដែរ ។ បន្ទាប់មកទុកវានៅលើមុខ១៥នាទីមុនពេលលាងមុខចេញ ៕
ចែករំលែកព័តមាននេះ