តាមមើលយូរហើយ ថ្ងៃហ្នឹងឪកាសល្អចាប់អូសដៃនាងចូលព្រៃប្រុងរំលោ.ភ
ខេត្តកំពង់ស្ពឺ ៖ យុវជនម្នាក់ត្រូវបាននគរបាលស្រុកគងពិសីធ្វើការឃាត់ខ្លួនខណៈ
ខេត្តកំពង់ស្ពឺ ៖ យុវជនម្នាក់ត្រូវបាននគរបាលស្រុកគងពិសីធ្វើការឃាត់ខ្លួនខណៈដែលយុវជនរូបនោះប៉ុនប៉ងចាប់អូសដៃនារីរងគ្រោះយកចូលក្នុងព្រៃប្រុងចាប់រំលោភ ប៉ុន្តែសំណាងល្អអ្នកធ្វើដំណើរឆ្លងកាត់ក៏រត់គេចហើយនារីរងគ្រោះស្គាល់ដាក់ពាក្យបណ្តឹងក៏ឃាត់ខ្លួនបាន ។ ហេតុការណ៍ឃាត់ខ្លួនយុវជនប៉ុនប៉ងចាប់រំលោភនារីរងគ្រោះបានកាលពីវេលាម៉ោង៧ព្រឹក ថ្ងៃទី១៥ ខែសីហា ឆ្នាំ២០១៧ នៅចំណុចក្នុងភូមិដីក្រហម ឃុំរកាកោះ ស្រុកគងពិសី ខេត្តកំពង់ស្ពឺ ។
តាមប្រភពរបស់នគរបាលស្រុកគងពិសីបាននិយាយឱ្យដឹងថា តាមបណ្តឹងរបស់នារីរងគ្រោះបាននិយាយឱ្យដឹងថា កាលពីវេលាម៉ោង៦និង២០នាទីល្ងាច ថ្ងៃទី១៤ ខែសីហា ឆ្នាំ២០១៧ នារីរងគ្រោះឈ្មោះ ល.រ.ន រស់នៅក្នុងស្រុកគងពិសី ខេត្តកំពង់ស្ពឺ បានជិះម៉ូតូម្នាក់ឯង ម៉ាកហុងដាសេ១២៥ ស៊េរីឆ្នាំ២០១៧ ពណ៌ខ្មៅ មកពីធ្វើការរោងចក្រត្រឡប់មកផ្ទះ ។ លុះពេលធ្វើដំណើរមកដល់ចំណុចចំការព្រៃទំលាប់ ក្នុងភូមិដីក្រហម ឃុំរកាកោះ ក៏ស្រាប់តែមានជនសង្ស័យម្នាក់ឈ្មោះ អឿន វិសាល ហៅអេម អាយុ២៤ឆ្នាំ ភេទប្រុស នៅភូមិដីក្រហម ឃុំរកាកោះ បានចេញពីក្នុងព្រៃមកស្ទាក់ម៉ូតូចាប់អូសជនរងគ្រោះខាងលើចូលទៅក្នងព្រៃចំការ ប៉ុន្តែពេលឮសូរសម្លេងម៉ូតូ១គ្រឿងទៀតជិះមកពីក្រោយ ជនសង្ស័យបានលែងជនរងគ្រោះវិញរួចរត់គេចខ្លួនបាត់ ។ បន្ទាប់ពីជនសង្ស័យរត់គេចខ្លួនបាត់នារីរងគ្រោះបានដាក់ពាក្យបណ្តឹងឱ្យនគរបាលជួយស្រាវជ្រាវស្វែងរកចាប់ខ្លួនយកមកផ្តន្ទាទោសតាមច្បាប់ ។
តាមសម្តីរបស់នគរបាលបានបង្ហើបឱ្យដឹងថា កន្លងមកជនសង្ស័យខាងលើតែងតែតាមមើលរាល់សកម្មភាពរបស់នារីរងគ្រោះហាក់បីដូចជាមានចិត្តស្រលាញ់នារីខាងលើ លុះដល់ថ្ងៃកើតហេតុឃើញឱកាសល្អក៏ធ្វើសកម្មភាពស្ទាក់ចាប់ប្រុងរំលោភ ប៉ុន្តែសំណាងល្អអ្នកធ្វើដំណើរមកទាន់ជនសង្ស័យភ័យរត់គេចបាត់ ។ នគរបាលបន្តថា លុះរហូតមកដល់វេលាម៉ោង៧ព្រឹក ថ្ងៃ១៥ ខែសីហា ឆ្នាំ២០១៧ ទើបកំលាំងសមត្ថកិច្ចឃាត់ខ្លួនជនសង្ស័យខាងលើបានហើយបានសារភាពថា មិនបានប៉ងចាប់រំលោភទេ ប៉ុន្តែខ្លួនពិតជាមានបំណងចាំប្លន់យកម៉ូតូនារីរងគ្រោះខាងលើពិតប្រាកដមែន ។ បច្ចុប្បន្នជនសង្ស័យខាងលើត្រូវបានបញ្ជូនទៅកាន់អធិការដ្ឋាននគរបាលស្រុករងចាំកសាងសំណុំរឿងបញ្ជូនទៅស្នងការដ្ឋាននគរបាលខេត្តចាត់ការតាមផ្លូវច្បាប់ ៕
ចែករំលែកព័តមាននេះ