កូរ៉េខាងជើងសង្ស័យលួចបច្ចេកវិទ្យាផលិតម៉ូទ័រសម្រាប់មីស៊ីលរបស់ខ្លួន
តើប្រទេសកូរ៉េខាងជើងពិតជាធ្វើចារកម្មលើពួកអ្នកឯកទេសអ៊ុយក្រែន ដើម្បីលួចបច្ចេកវិទ្យាផលិតម៉ូទ័រ ពួកគេសម្រាប់មីស៊ីលរបស់ខ្លួនមែនឬ?
ចំពោះបញ្ហានេះ
តើប្រទេសកូរ៉េខាងជើងពិតជាធ្វើចារកម្មលើពួកអ្នកឯកទេសអ៊ុយក្រែន ដើម្បីលួចបច្ចេកវិទ្យាផលិតម៉ូទ័រ ពួកគេសម្រាប់មីស៊ីលរបស់ខ្លួនមែនឬ?
ចំពោះបញ្ហានេះ
ប្រទេសកូរ៉េខាងជើង-ប្រទេសអ៊ុយក្រែន ៖ តើប្រទេសកូរ៉េខាងជើងពិតជាធ្វើចារកម្មលើពួកអ្នកឯកទេសអ៊ុយក្រែន ដើម្បីលួចបច្ចេកវិទ្យាផលិតម៉ូទ័រ ពួកគេសម្រាប់មីស៊ីលរបស់ខ្លួនមែនឬ?
ចំពោះបញ្ហានេះ លោកឌីមីទ្រី រ៉ូហ្គោហ្ស៊ីន ឧបនាយករដ្ឋមន្ត្រីរុស្ស៊ីធ្វើអត្ថាធិប្បាយថា ទោះបីយ៉ាងណា នេះជាការរត់ពន្ធមួយ ដើម្បីវាងរាល់ការហាមឃាត់អន្តរជាតិដែលមានជាធរមាន ។
បណ្តាភ្នាក់ងារស៊ើបការណ៍អាមេរិក និងពួកអ្នកស្រាវជ្រាវនៃមជ្ឈមណ្ឌលវិភាគដែលសាកសួរ ដោយកាសែតអាមេរិកញូវយ៉កថែមកំពុងចោទសួរខ្លួនឯងថា តើម៉ូទ័រមីស៊ីលបាលីស្ទិក ដែលក្រុងព្យុងយ៉ាងធ្វើការសាកល្បងកាលពីដើមខែកក្កដា ពិតជាផលិតដោយរោងចក្រអ៊ុយក្រែន YOUZHMASH មែនឬ? ចំណែករោងចក្រ YOUZHMASH សន្មត់ថា ក្រុងព្យុងយ៉ាងអាចគ្រាន់តែចម្លងស្នាដៃទាំងឡាយរបស់ខ្លួនប៉ុណ្ណោះ ។
ឧបនាយករដ្ឋមន្ត្រីរុស្ស៊ី លោកឌីមីទ្រី រ៉ូហ្គោហ្ស៊ីន បានផ្តល់យោបល់លើការចម្លងរបស់កូរ៉េខាងជើងបណ្តាម៉ូទ័រមីស៊ីលអ៊ុយក្រែន ។ តាម TWITTER លោកសរសេរថា តើនេះមានន័យថា ជាការលួចចម្លងម៉ូទ័រមីស៊ីលមែនឬ? ពេលនេះគេមិននិយាយពីផ្ទាំងគំនូរ ឬរូបចម្លាប់ឡើយ ។ ដើម្បីធ្វើការចម្លងចាំបាច់ត្រូវមានក្នុងដៃនូវម៉ូទ័រដើមមួយទើបធ្វើទៅរួច ។ គេពុំអាចបញ្ជូនពួកអ្នកឯកទេសអ៊ុយក្រែន ដែលចេះធ្វើហើយត្រៀមចាប់ផ្តើមផលិតកម្មទៅកាន់ទីតាំងបច្ចេកវិទ្យាបរទេសមួយឡើយ ។ ទោះបីយ៉ាងណានោះ ជាការរត់ពន្ធមួយដែលវាងរាល់ការហាមឃាត់របស់អន្តរជាតិដែលមានដែរ ។
មុននេះកាសែតអាមេរិកញូវយ៉កថែមប្រកាសដោយយោងតាមព័ត៌មានសម្ងាត់របស់ពួកភ្នាក់ងារស៊ើបការណ៍អាេមរិក និងពួកអ្នកស្រាវជ្រាវនៃមជ្ឈមណ្ឌលវិភាគថា ក្រុងព្យុងយ៉ាងអាចមានបណ្តាម៉ូទ័រផលិត ដោយរោងចក្រអ៊ុយក្រែន YOUZHMASH សម្រាប់បណ្តាមីស៊ីលរបស់ខ្លួនដោយទិញវាពីទីផ្សារងងឹត ។ ក្រុងកៀវបានបដិសេធរាល់ការអះអាងទាំងនេះ ។ ចំណែករោងចក្រ YOUZHMASH ពុំបដិសេធឡើយលទ្ធភាពដែលបណ្តាម៉ូទ័ររបស់ខ្លួនអាចលួចចម្លងសម្រាប់ប្រើប្រាស់នៅកូរ៉េខាងជើង ។
ចំណែកក្រសួងការបរទេសអាមេរិកប្រកាសថា ខ្លួនបានដឹងពីព័ត៌មានទាំងឡាយ ដែលថា ក្រុងព្យុងយ៉ាងអាចមានម៉ូទ័រកាំជ្រួចពីអ៊ុយក្រែន ។ ប្រសិនបើនោះជាការពិត ក្រុងវ៉ាស៊ីនតោននឹងចាត់ទុកបញ្ហានេះថាធ្ងន់ធ្ងរ ។
លោកស្រី HEATHER NAUERI អ្នកនាំពាក្យក្រសួងការបរទេសអាមេរិកថ្លែងថា ប្រសិនបើព័ត៌មានអំពីការផ្តល់ម៉ូទ័រមីស៊ីលអ៊ុយក្រែនឱ្យកូរ៉េខាងជើងជាព័ត៌មានពិតនោះ សហរដ្ឋអាមេរិកនឹងចាត់ទុកថាជារឿងធ្ងន់ធ្ងរ ។ យើងបានដឹងពីព័ត៌មានទាំងនេះ ។ បញ្ហានេះយើងនឹងចាត់ទុកថា ធ្ងន់ធ្ងរបំផុត ប្រសិនបើជាការពិត ។ លោកស្រីបន្តថា កាលពីមុន អ៊ុយក្រែនធ្លាប់រាំងខ្ទប់ការប៉ុនប៉ងផ្តល់បណ្តារបស់ដែលរសើបឱ្យដល់រដ្ឋនានាដែលជាសកម្មភាពធ្វើឱ្យយើងមានការព្រួយបារម្ភ ។ លោកស្រីថា សហរដ្ឋអាេមរិករក្សាទំនាក់ទំនងយ៉ាងល្អជាមួយអ៊ុយក្រែន ។
យោងតាមការស្រាវជ្រាវមួយរបស់លោក MICHAEL ELLEMAN នៃវិទ្យាស្ថានអន្តរជាតិសិក្សាយុទ្ធសាស្ត្រ និងយោងតាមបណ្តាទិន្នន័យរបស់ពួកភ្នាក់ងារសម្ងាត់អាេមរិក កាសែតញូវយ៉កថែមលាតត្រដាងនាថ្ងៃទី១៤ សីហា ពីការប្រើប្រាស់ដោយក្រុងព្យុងយ៉ាងនូវបណ្តាម៉ូទ័រអ៊ុយក្រែនទិញពីផ្សារងងឹងសម្រាប់មីស៊ីលរបស់ខ្លួន ៕
ចែករំលែកព័តមាននេះ