ឃាត់ខ្លួនជនជាតិឡាវដែលជាមុខសញ្ញាចែកចាយគ្រឿងញៀ.នដ៏សកម្ម
ខេត្តរតនគិរី ៖ កម្លាំងសមត្ថកិច្ចការិយាល័យគ្រឿងញៀ.នខេត្តសហការជាមួយអធិការដ្ឋាននគរបាលស្រុកវ៉ើនសៃចាប់បានមុខសញ្ញាចែកចាយគ្រឿងញៀ.នយ៉ាងសកម្មម្នាក់
ខេត្តរតនគិរី ៖ កម្លាំងសមត្ថកិច្ចការិយាល័យគ្រឿងញៀនខេត្តសហការជាមួយអធិការដ្ឋាននគរបាលស្រុកវ៉ើនសៃចាប់បានមុខសញ្ញាចែកចាយគ្រឿងញៀនយ៉ាងសកម្មម្នាក់ ។ បើតាមរបាយការណ៍សមត្ថកិច្ចប៉ូលិសបានឱ្យដឹងថា ជនសង្ស័យមានឈ្មោះ សៀវ ឡៅ ភេទប្រុស អាយុ៣០ឆ្នាំ ជនជាតិឡាវ ចាប់ខ្លួននៅថ្ងៃទី១៥ ខែសីហា ឆ្នាំ២០១៧ វេលាម៉ោង៣និង៥៥នាទី រសៀលនៅចំណុចផ្ទះភូមិប៉ាកាឡាន់ ឃុំប៉ាកាឡាន់ ស្រុកវើនសៃ ខណៈជនសង្ស័យនេះកំពុងធ្វើសកម្មភាពចែកចាយ ។ វត្ថុតាងដែលដកហូតបានក្នុងខ្លួនរួមមានថ្នាំញៀនប្រភេទមេតំហ្វេតាមីនគ្រាប់(WY)ពណ៌ក្រហមចំនួន៥៩គ្រាប់ និងពណ៌បៃតងចំនួន២គ្រាប់ ។
បច្ចុប្បន្នជនសង្ស័យកំពុងឃាត់ខ្លួននៅអធិការស្រុកវ៉ើនសៃដើម្បីកសាងសុំណុំរឿងតាមនីតិវិធីបញ្ជូនទៅតុលាការខេត្ត ។ បើតាមប្រជាពលរដ្ឋរស់នៅភូមិ-ឃុំខាងលើជាច្រើនគ្រួសារបានថ្លែងអំណរគុណដល់សមត្ថកិច្ចដែលចាប់ខ្លួនជនសង្ស័យខាងលើបើទុកជនសង្ស័យនេះធ្វើឱ្យកូនក្មួយរបស់គាត់ញៀនថ្នាំពេលសមត្ថកិច្ចចាប់បានមានការសប្បាយចិត្តយ៉ាងខ្លាំង ។ សមត្ថកិច្ចមិនបានបញ្ជាក់ប្រាប់ការបង្ក្រាបគ្រឿងញៀននេះឱ្យល្អិតល្អន់ទេ ៕
ចែករំលែកព័តមាននេះ