U22 កម្ពុជា ត្រៀមខ្លួនរួចរាល់ក្នុងជំនួបបើកឆាកដំបូងជាមួយ U22 ហ្វ៊ីលីពីន
រាជធានីភ្នំពេញ ៖ ក្រុមបាល់ទាត់ជម្រើសជាតិយុវជនក្រោមអាយុ២២(U22)ឆ្នាំកម្ពុជា បានត្រៀមខ្លួនរួចរាល់ហើយដើម្បីជួបជាមួយក្រុមបាល់ទាត់ជម្រើសជាតិយុវជនក្រោម
រាជធានីភ្នំពេញ ៖ ក្រុមបាល់ទាត់ជម្រើសជាតិយុវជនក្រោមអាយុ២២(U22)ឆ្នាំកម្ពុជា បានត្រៀមខ្លួនរួចរាល់ហើយដើម្បីជួបជាមួយក្រុមបាល់ទាត់ជម្រើសជាតិយុវជនក្រោម
រាជធានីភ្នំពេញ ៖ ក្រុមបាល់ទាត់ជម្រើសជាតិយុវជនក្រោមអាយុ២២(U22)ឆ្នាំកម្ពុជា បានត្រៀមខ្លួនរួចរាល់ហើយដើម្បីជួបជាមួយក្រុមបាល់ទាត់ជម្រើសជាតិយុវជនក្រោមអាយុ២២(U22)ឆ្នាំហ្វ៊ីលីពីននាថ្ងៃទី១៥ សីហា ឆ្នាំ២០១៧ នេះ នៅលើទីលានកីឡដ្ឋានSelayang Stadium ស្ថិតក្នុងទីក្រុងកូឡាឡាំពួរ ប្រទេសម៉ាឡេស៊ី បន្ទាប់ពីធ្វើដំណើរទៅដល់ប្រទេសម៉ាឡេស៊ីកាលពីព្រឹកថ្ងៃទី១២ សីហា កន្លងទៅនេះ ។
ព្រឹត្តិការណ៍ស៊ីហ្គេមឆ្នាំ២០១៧នៅប្រទេសម៉ាឡេស៊ីដែលនឹងចាប់ផ្ដើមបើកឆាកពីថ្ងៃទី១៩ដល់៣០ សីហា សម្រាប់វិញ្ញាសាបាល់ទាត់ដែលបើកឆាកលេងមុនពិធីបើកជាផ្លូវការបានបែងចែកពូលរួចរាល់ហើយដោយពូល A មានម្ចាស់ផ្ទះម៉ាឡេស៊ី, មីយ៉ាន់ម៉ា, សិង្ហបុរី, ឡាវ និងព្រុយណេ និងពូលB មានថៃ, វៀតណាម, ឥណ្ឌូណេស៊ី, កម្ពុជា, ទីម័រខាងកើត និងហ្វ៊ីលីពីន។ ប្រទេសទាំង១១សុទ្ធតែបានបញ្ជូនក្រុមយុវជនក្រោមអាយុ២២ឆ្នាំចូលរួមប្រកួតប្រជែងក្នុងពានរង្វាន់នេះដូចគ្នា ។ សម្រាប់រូបមន្តប្រកួតក្នុងព្រឹត្តិការណ៍ស៊ីហ្គេមនេះគឺក្រុមទាំង២ពូលត្រូវប៉ះគ្នាដើម្បីស្វែងរកក្រុមខ្លាំងជាងគេប្រចាំពូលនីមួយៗចំនួន២ក្រុមឡើងទៅលេងវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រដើម្បីដណ្ដើមមេដាយជូនជាតិរៀងៗខ្លួន ។
លោក Leonardo Vitorino គ្រូបង្វឹកក្រុមបាល់ទាត់ជម្រើសជាតិយុវជនក្រោមអាយុ២២(U22)ឆ្នាំកម្ពុជា បានថ្លែងនៅក្នុងសន្និសីទសារព័ត៌មានមុនដឹកនាំកូនក្រុមចំនួន២០នាក់ចេញដំណើរទៅចូលរួមប្រកួតស៊ីហ្គេមកាលពីពេលថ្មីៗថា ពួកយើងធ្វើបានល្អសម្រាប់ការប្រកួតកន្លងមក ប៉ុន្ដែពេលនេះជាសុីហ្គេមដែលគ្រប់ក្រុមទាំងអស់ បានរៀបចំជើងលេងល្អជាងមុនច្រើនណាស់ ដូច្នេះយើងត្រូវតែធ្វើការខ្លាំងជាងមុនទៀត ។ លោកបានប្រាប់ដល់កូនក្រុមថា ត្រូវតែខំប្រឹងយកឈ្នះគ្រប់ការប្រកួតទាំងអស់ដោយមិនគិតថាក្រុមណាខ្លាំង ឬក្រុមណាខ្សោយនោះទេ ដើម្បីបានកៅអីឆ្លងផុតវគ្គជម្រុះតាមពូល។
សូមបញ្ជាក់ថា ប្រតិភូកីឡាបាល់ទាត់កម្ពុជាដែលមានឈ្មោះទៅចូលរួមប្រកួតកីឡាស៊ីហ្គេមលើកទី២៩នៅប្រទេសម៉ាឡេស៊ីឆ្នាំ២០១៧ សម្រាប់កីឡាករមាន២០នាក់គឺ ប្រាក់ ធីវ៉ា (ភ្នំពេញក្រោន) ឆុំ ភីហ្សា (ភ្នំពេញក្រោន) ជួន ចាន់ចាវ (ភ្នំពេញក្រោន) កែវ សុសិលា (ភ្នំពេញក្រោន) សឿត បារាំង (ភ្នំពេញក្រោន) ស៊ីន កក្កដា (ភ្នំពេញក្រោន) អិុន សូដាវីត (ភ្នំពេញក្រោន) ពៅ ប៉ុនវុឌ្ឍី (ភ្នំពេញក្រោន) ហួយ ផល្លីន (ព្រះខ័នរាជស្វាយរៀង) នេន សុធារ័ត្ន (ព្រះខ័នរាជស្វាយរៀង) នុប តុលា (ព្រះខ័នរាជស្វាយរៀង) សំអឿន ពិដោរ (ព្រះខ័នរាជស្វាយរៀង) សឿយ វិសាល (ព្រះខ័នរាជស្វាយរៀង) សុក សំណាង (ព្រះខ័នរាជស្វាយរៀង) គន្ធា រ៉ាវ៉ាន់ (ព្រះខ័នរាជស្វាយរៀង) ឆេង ម៉េង (ណាហ្គាវើល) ច្រឹង ពលរដ្ឋ (ក្រសួងការពារជាតិ), នួន បូរី (អគ្គស្នងការដ្ឋាននគរបាលជាតិ) ស៊ុន វណ្ណដេត (អគ្គស្នងការដ្ឋាននគរបាលជាតិ) និងអ៊ុំ សេរីរ័ត្ន (ក្រសួងការពារជាតិ)។ ចំណែកថ្នាក់ដឹកនាំក្រុមមានដូចជា លោក ម៉ៃ តុលា ជាអ្នកដឹកនាំក្រុម លោក ឈូក ពិសិដ្ឋ អ្នកចាត់ការទូទៅក្រុម លោក Leornado Vitorino ជាគ្រូបង្វឹក លោក Luis Fernando និងលោក Willander Foaseca គ្រូជំនួយ ។
សម្រាប់កាលវិភាគប្រកួតរបស់ក្រុមU22កម្ពុជាមានដូចខាងក្រោម៖
-ថ្ងៃទី១៥ ខែសីហា ឆ្នាំ២០១៧ U22 កម្ពុជា ជួបជាមួយU 22 ហ្វ៊ីលីពីន ម៉ោង ៨:៤៥ នាទីនៅកីឡដ្ឋាន Selayang Stadium
-ថ្ងៃទី១៧ ខែសីហា ឆ្នាំ២០១៧ U22 កម្ពុជា ជួបជាមួយ U22 វៀតណាម ម៉ោង ៤:០០នាទីនៅកីឡដ្ឋាន Shah Alam Stadium
-ថ្ងៃទី២០ ខែសីហា ឆ្នាំ២០១៧ U22 កម្ពុជា ជួបជាមួយ U 22 ថៃ ម៉ោង៨និង៤៥ នាទី នៅកីឡដ្ឋាន Selayang Stadium
-ថ្ងៃទី២២ ខែសីហា ឆ្នាំ២០១៧ U22 កម្ពុជា ជួបជាមួយ U22 ទីម័រខាងកើត ម៉ោង ៨:៤៥នាទី នៅកីឡដ្ឋាន UM Arena Stadium
-ថ្ងៃទី២៤ ខែសីហា ឆ្នាំ២០១៧ U22 កម្ពុជា ជួបជាមួយ U22ឥណ្ឌូណេស៊ី ម៉ោង ៤:០០នាទី នៅកីឡដ្ឋាន Shah Alam Stadium៕
ចែករំលែកព័តមាននេះ